[᭔᭗ 47B]
᭔᭗
ᬢ᭄ᬫᬫᬸᬮ᭞ᬭᬶᬯ᭄ᬓᬲᬦ᭄ᬧᬘᬂᬫᬸᬧᬸ᭟᭒᭘᭖᭟ᬳᬶᬩᬧᬢᬢ᭄ᬮᬸᬚᬢᬶ᭞ᬚᬦᬶᬘᬘᬓ᭄᭞ᬳᬶᬥᭂᬧᬾᬦᬾᬳ᭄ᬦᬶᬂᬫᬸᬮᬸᬲ᭄᭞ᬫᬧᬸᬡ᭄ᬬᬉᬭᬶᬧ᭄ᬧᬶᬢᬸᬳᬸ᭞ᬫᬯᬾᬄᬧᬗᬦ᭄ᬭᬶᬂᬯᭀᬂᬫᬶᬲ᭄ᬓᬶᬦ᭄᭞ᬳᭂᬦ᭄ᬢᭀᬘᬘᬓᬦ᭄ᬳᬶᬩᬧ᭞ᬫᬯᬶ
ᬮᬂᬲᬸᬩᬢᬢ᭄ᬮᬸ᭞ᬩ᭄ᬲᬶᬓ᭄ᬩᭂᬲᬶᬓ᭄ᬚ᭄ᬯᬳᬶᬗᭂᬢᬂ᭞ᬳ᭄ᬤᬗᭂᬗ᭄ᬲᬧᬂᬤᬶᬳᬢᬶ᭞ᬩᬸᬗ᭄ᬲᭂᬮ᭄ᬩᬸᬢᬶᬢᬶᬂᬢ᭄ᬓᭂᬓᬂ᭞ᬤᬾᬦᬶᬂᬫᬭᬕᬲᬲᬸᬯᬸᬓ᭄᭟᭒᭘᭗᭟ᬲᬂᬲᬚᬵᬧᬸᬢᬺᬓᬤᬤᬶᬦ᭄᭞ᬦᬾᬉᬢ᭄ᬢᬫ᭞ᬫᬗ᭄ᬕᬯᬾᬢᬺᬧ᭄ᬢᬶᬭᬶᬂᬕᬸ
ᬭᬸ᭞ᬗ᭄ᬕᬯᬾᬦᬶᬦ᭄ᬭᬹᬧᬓᬳᬬᬸ᭞ᬫᬶᬯᬄᬳᬶᬭᬭᬫᬚᬵᬢᬶ᭞ᬢᬦ᭄ᬲᬄᬳᬶᬩᬧᬗᬵᬃᬬ᭄ᬬᬦᬂ᭞ᬓᬲᬸᬓᬦ᭄ᬳᬶᬧ᭄ᬬᬦᬓ᭄ᬢᬸᬳᬸ᭞ᬳᬲᬶᬂᬧᬦᬕᬶᬄᬳᬶᬧ᭄ᬬᬦᬓ᭄᭞ᬳᬶᬩᬧᬢ᭄ᬯᬭᬫᬶᬢᭂᬢᬶᬦ᭄᭞ᬬᬤᬶᬦ᭄ᬳᬗ᭄ᬕᬦᬾᬓ
ᬢᬸᬦᬲ᭄᭞ᬳᬶᬭᬭᬫᬵᬮᬸᬕ᭄ᬭᬧᬵᬢᬹᬢ᭄᭟᭒᭘᭘᭟ᬢᬺᬱ᭄ᬡᬦ᭄ᬳᬶᬫᬾᬫᬾᬦᬾᬚᬵᬢᬶ᭞ᬭᬶᬂᬳᬶᬧ᭄ᬬᬦᬓ᭄᭞ᬬᬦᬶᬦ᭄ᬳᬶᬯᬂᬬᬤᬶᬦ᭄ᬧᬵᬢᬹᬢ᭄᭞ᬬᬤᬶᬦ᭄ᬳᬮᬬᬤᬶᬦ᭄ᬳᬬᬸ᭞ᬲᬤᬶᬦ᭄ᬢᬶᬯᬲ᭄ᬬᬤᬶᬦ᭄ᬲᬸᬕᬶᬄ᭞ᬩ᭄ᬮᭀ
[᭔᭘ 48A]
ᬕ᭄ᬭᬶᬭᬶᬄᬦᬾᬳᬶᬧ᭄ᬬᬦᬓ᭄᭞ᬳᬶᬫᬾᬫᬾᬢ᭄ᬯᬭᬗ᭄ᬮᬶᬗᬹ᭞ᬲᭀᬓ᭄ᬢᬺᬱ᭄ᬡᬦᬾᬫᬧ᭄ᬬᬦᬓ᭄᭞ᬓᬶᬗᭀᬦᬶᬦ᭄ᬲᬵᬳᬶᬓᬓ᭄ᬫᬶᬢ᭄᭞ᬲᬬᬂᬳᬶᬫᬾᬫᬾᬦᬾᬮᬶᬯᬢ᭄᭞ᬳᬮᬳᬬᬸᬦᬾᬢᬦ᭄ᬓᬾᬢᬸᬂ᭟᭒᭘᭙᭟ᬳᬶᬧ᭄ᬬᬦᬓ᭄ᬢ᭄ᬯᬄᬗᬃᬤ᭄ᬥᬶᬦᬶ
ᬦ᭄᭞ᬭᬶᬂᬳᬶᬩᬧ᭞ᬬᬸᬱᬦ᭄ᬮᬶᬂᬲᬶᬭᬾᬓᬢᬸᬗ᭄ᬕᬸ᭞ᬢᬦ᭄ᬫᬗᬶᬢᬸᬗ᭄ᬳᬮᬳᬬᬸ᭞ᬧᬶᬢ᭄ᬯᬶᬦᬾᬢᬶᬯᬲ᭄ᬲᬸᬕᬶᬄᬫ᭄ᬬᬤᬶᬦ᭄ᬢᬾᬳᬶᬩᬧᬢᬶᬯᬲ᭄᭞ᬢᬦ᭄ᬲᬄᬫᬧᬶᬦᭂᬄᬭᬶᬂᬓᬳ᭄ᬬᬸᬦ᭄᭞ᬫᬦᬸᬧ᭄ᬢᬸᬧᬂᬢᬢᬫ᭄ᬬᬦ᭄᭞ᬳᬧᬂᬳᬤᬩ᭄ᬓᭂᬮ᭄ᬯᬭᬶᬲ᭄᭞ᬢᬦ᭄
ᬲᬄᬳᬶᬩᬧᬫᬶᬦᭂᬳᬂ᭞ᬢ᭄ᬯᬭᬗᬾᬫᬦ᭄ᬲᬸᬗ᭄ᬓᬦ᭄ᬢᬸᬬᬸᬄ᭟᭒᭙᭐᭟ᬬᬦᬶᬂᬳᬤᬧ᭄ᬬᬦᬓ᭄ᬪᬓ᭄ᬢᬶ᭞ᬭᬶᬂᬭᬭᬫ᭞ᬲᬸᬓᬤᬸᬄᬓᬩᬋᬂᬓᬸᬫ᭄ᬧᬸᬮ᭄᭞ᬫᬩᬋᬗᬦ᭄ᬳᬲᬶᬂᬮᬓᬸ᭞ᬢ᭄ᬯᬭᬳ᭄ᬜᬓ᭄ᬫᬫ᭄ᬮᬲᬶᬦ᭄᭞ᬳᬶᬫᬾᬫᬾᬓᬳᬗ᭄ᬕᬾᬦ᭄ᬤᬾᬯ᭞ᬢᬦ᭄ᬯᬗ᭄ᬤᬾᬫᬗ᭄ᬕᬶᬄ
ᬭᬳᬬᬸ᭞ᬨᬮᬦ᭄ᬜᬦᬾᬤᬶᬃᬖ᭄ᬕᬬᬸᬱ᭞ᬲ᭄ᬯᬃᬕ᭄ᬕᬫᭀᬢ᭄ᬢᬫᬓᬧᬗ᭄ᬕᬶᬄ᭞ᬨᬮᬦᬶᬂᬧᬸᬢ᭄ᬭᬫ᭄ᬮᬄ᭞ᬫᬶᬯᬄᬉᬢ᭄ᬢᬫᬦ᭄ᬲᬂᬳᬶᬩᬸ᭟᭒᭙᭑᭟ᬬᬦ᭄ᬳᬶᬧ᭄ᬬᬦᬓ᭄ᬓᬓᬮᬳᬶᬦ᭄᭞ᬩᬦ᭄ᬭᬭᬫᬵ᭞ᬲᬓᬶᬂᬳᬶᬭᬭᬫᬗᬫ᭄ᬩᬸᬮ᭄᭞ᬤᬾᬦᬶᬂᬧ᭄ᬬᬦᬓ᭄ᬜᬦᬾ
Kaca:Bali-lontar-paparikan-sarasamuscaya-300ppi.pdf/48
Kaca puniki sampun kauji-wacén
