Kaca:Bali-lontar-paparikan-sarasamuscaya-300ppi.pdf/46

Saking Wikisource
Kaca puniki sampun kauji-wacén

[᭔᭕ 45B]
᭔᭕
᭞ᬓᬾᬦᬾᬘᬘᬓᬦᬾᬳᬶᬢᬸᬂ᭞ᬚᬦ᭄ᬫᬗᭂᬓᭀᬄᬢᬶᬯᬲ᭄ᬲᬶᬕᬸᬕ᭄᭞ᬚᬦ᭄ᬫᬤ᭄ᬕᬕ᭄ᬫᬶᬯᬄᬚᬳᬶᬮ᭄᭞ᬯ᭄ᬯᬂᬦᬶᬭᬃᬣᬤᭀᬬᬦ᭄ᬗᬫᬄ᭞ᬯ᭄ᬯᬂᬫᭂᬜ᭄ᬘᬦᬾᬦ᭄ᬢᬶᬫ᭄ᬧᬮ᭄ᬧᬵᬢᬹᬢ᭄᭞ᬚᬦ᭄ᬫᬓᬕ᭄ᬤᭂᬕᬶᬦ᭄ᬢᬶᬫ᭄ᬧᬮ᭄᭞ᬢ᭄ᬯᬭᬗ᭄ᬮᬄᬳᬾᬭᬂᬲᬵᬳᬶ᭞ᬫᬶᬯᬄ
ᬯ᭄ᬯᬂᬢᬦ᭄ᬳᬭᬶᬫ᭄ᬩᬯᬵ᭞ᬓᬵᬮᬤᬾᬰᬢᬦ᭄‌ᬓᬮᬶᬗᬹ᭟᭒᭗᭖᭟ᬩᬸᬯᬶᬦ᭄ᬳᬤᬚᬦ᭄ᬫᬩᬗ᭄ᬕᬶ᭞ᬗ᭄ᬕᬯᬾᬕᭀᬩ᭞ᬫᬗ᭄ᬕᬯᬾᬕᭀᬩᬫᬜᬭᬸ᭞ᬕᭀᬩᬲᭀᬮᬳᬾᬢᬦ᭄ᬧᬵᬢᬹᬢ᭄᭞ᬳᭂᬦ᭄ᬢᭀᬓᬭᬗ᭄ᬲᬸᬓᬂᬲᬵᬳᬶ᭞ᬓᬾᬢᭀ
ᬘᬘᬓᬦ᭄ᬳᬶᬘᭀᬭᬄ᭞ᬦᬾᬦᬾᬢ᭄ᬯᬭᬜᬦ᭄ᬤᬂᬕᬸᬕᬸ᭞ᬫᬶᬯᬄᬳ᭄ᬤᬗᬚᬓ᭄ᬚᬸᬫᬄ᭞ᬳ᭄ᬤᬲᬸᬤᬶᬫᬗᭂᬦᭂᬫᬶᬦ᭄᭞ᬳᬧᬂᬗ᭄ᬤᬓᬢᬶᬦ᭄ᬥᬸᬲᬦ᭄᭞ᬓ᭄ᬦᬉᬚᬃᬢ᭄ᬯᬭᬧᬢᬹᬢ᭄᭟᭒᭗᭗᭟ᬧᬫᬃᬕ᭄ᬕᬦ᭄ᬲᬂᬯᬶᬓᬸᬍᬯᬶᬄ᭞ᬦᬾᬭᬶᬂᬚᬕᬢ᭄᭞ᬢ᭄ᬯᬶ
ᬢ᭄ᬯᬭᬳᬮᬫ᭄ᬭᬶᬂᬓᬳ᭄ᬬᬸᬦ᭄᭞ᬢᬦ᭄ᬲᬄᬫᬗᬚᬶᬫᬜᬸᬚᬸᬃ᭞ᬗᬸᬜ᭄ᬘᬃᬋᬕ᭄ᬯᬾᬥᬦᬾᬰᬓ᭄ᬢᬶ᭞ᬳᬶᬤᬜ᭄ᬦᭂᬂᬫ᭄ᬧᬹᬭᭀᬇᬢᬵ᭞ᬫᬰᬶᬱ᭄ᬬᬫᬓᬤᬂᬧᬵᬢᬹᬢ᭄᭞ᬢᬢᬲ᭄ᬭᬶᬂᬲᬂᬳ᭄ᬬᬂᬰᬵᬲ᭄ᬢ᭄ᬭ᭞ᬰᬶᬱ᭄ᬝᬘᬭᬫᬶᬦᬓᬤᬶ᭞ᬳᭂᬦ᭄ᬢᭀᬜᬦ᭄ᬤᬂᬓᬧᬕᭂᬳᬂ
[᭔᭖ 46A]
᭞ᬭᬶᬂᬳᬶᬤᬲᬂᬯᬶᬓᬸᬧᬸᬢᬸᬲ᭄᭟᭒᭗᭘᭟ᬳᬤᬩ᭄ᬯᬶᬦ᭄‌ᬤ᭄ᬭᭀᬯᬓᬵᬳᬶᬭᬶ᭞ᬭᬶᬂᬧᬕᬸᬭ᭄ᬯᬦ᭄᭞ᬫᬓᬤᬶᬭᬶᬂᬬᬬᬄᬳᬶᬩᬹ᭞ᬫᬫᬸᬜᬶᬳᬮ᭄ᬧᬓᬩᬗ᭄ᬮᬸᬲ᭄᭞ᬲᭀᬮᬄᬜᬕᬸᬃᬫᬦᬫ᭄ᬧᬾᬮᬶᬦ᭄᭞ᬳᬶᬥᭂᬧᬾᬢᬦ᭄ᬲᬄ
ᬓ᭄ᬭᭀᬥ᭞ᬬᬦ᭄ᬓᬾᬢᭀᬦᬾᬦᬾᬢᬢ᭄ᬮᬸ᭞ᬳᭂᬦ᭄ᬢᭀᬓᬸᬤ᭄ᬬᬂᬫᬦᬸᬢᬸᬭᬂ᭞ᬧᬧᬳᬕᬸᬗᬾᬓᬧᬗ᭄ᬕᬶᬄ᭞ᬧᬥᬭᬶᬂᬧᬧᬩ᭄ᬭᬸᬦᬳ᭞ᬗᬭᬦ᭄ᬫᬜᬤᬓ᭄ᬫᬫᬸᬕ᭄ᬧᬸᬕ᭄᭟᭒᭗᭙᭟ᬓᬾᬦᬾᬓᬢᬢ᭄ᬯᬦᬾᬚᬵᬢᬶ᭞ᬲᬂᬭᬹᬧᬓᬵ᭞
ᬦᬾᬫᬤᬦ᭄‌ᬬᬬᬄᬳᬶᬩᬹ᭞ᬧᬦᬗ᭄ᬓᬦ᭄ᬤᬾᬯᬾᬓᬾᬢᬸᬳᬸ᭞ᬢ᭄ᬯᬭᬮᬦᬵᬦᬸᬗ᭄ᬕᬸᬤᬶᬦᬶ᭞ᬬᬦᬶᬂᬕᬸᬭᬹᬧᬗᬤ᭄ᬬᬬᬦ᭄᭞ᬳᬶᬤᬚᬵᬢᬶᬬᬬᬄᬳᬶᬩᬸ᭞ᬮᬦᬵᬤᬤᬶᬲᬸᬂᬲᬸᬂᬲᭂᬫ᭄ᬩᬄ᭞ᬲᬂᬳ᭄ᬬᬂᬳᬢ᭄ᬫᬢᬦ᭄ᬲᬄᬗᬶᬭᬶᬂ᭞ᬳᭂᬦ᭄ᬢᭀᬕᬸᬭᬹ
ᬦᬾᬉᬢ᭄ᬢᬫ᭞ᬲᬮᬓᬸᬦᬾᬩᬋᬂᬦᬸᬢᬸᬕ᭄᭟᭒᭘᭐᭟ᬫᬶᬯᬄᬲᬂᬫᬗᬸᬭᬸᬓ᭄ᬲᬳᬶ᭞ᬳ᭄ᬬᬂᬮᭀᬓᬶᬓ᭞ᬫᬯᬭᬄᬯᬶᬥ᭄ᬬᬧᬶᬢᬸᬢᬸᬃ᭞ᬓᬢ᭄ᬓᬾᬂᬤ᭄ᬬᬢ᭄ᬫᬶᬓᬧᬸᬢᬸᬲ᭄᭞ᬚᬧᬬᭀᬕᬯᬾᬥᬲᬶᬤ᭄ᬥᬶ᭞ᬳᬶᬤᬢ᭄ᬯᬄᬕᬸᬭᬸᬧᬗᬚ᭄ᬬ