[᭓᭙ 39B]
᭓᭙
ᬩᬳᬂ᭟᭒᭔᭐᭟ᬳᬤᬳᬦᬓ᭄ᬢᬶᬯᬲ᭄ᬫᬵᬫ᭄ᬩᭂᬓ᭄ᬲᬤᬸ᭞ᬓᬶᬫᬸᬤ᭄ᬧᬗᬶᬤᬶᬳᬾ᭞ᬧᬘᬂᬦᬫ᭄ᬧᬶᬤᬵᬦᬲᬸᬕᬶᬄ᭞ᬬᬦ᭄ᬢᬦ᭄ᬫᬳᬦ᭄ᬗᬬᬄᬤᬶᬢᬸ᭞ᬳᬧᬂᬳ᭄ᬤᬫᬗ᭄ᬕᬯᬾᬦᬂ᭞ᬓᬲᬸᬓᬦ᭄ᬳᬶᬲᬸᬕᬶᬄᬮᬳᬸᬢ᭄᭞
ᬳᬶᬢᬶᬯᬲ᭄ᬫᬗᬾᬓᬤᬬᬵ᭞ᬢᬸᬬᬸᬄᬳᬗ᭄ᬕᭀᬦ᭄ᬗᬮᬶᬄᬤᬵᬦ᭟᭒᭔᭑᭟ᬭᬶᬂᬕᬕᬾᬦ᭄ᬤᭀᬂᬳ᭄ᬤᬚᬳᬶᬮ᭄ᬩᬾᬜ᭄ᬚᬸᬮ᭄᭞ᬳ᭄ᬤᬦᬸᬦ᭄ᬤᬸᬂᬳᬾᬯᬾᬃ᭞ᬢ᭄ᬓᬾᬦ᭄ᬳᬦᬓ᭄ᬢᬶᬯᬲ᭄ᬤᬓᬶ᭞ᬳᬶᬘᬡ᭄ᬥᬮᬦᬸᬦ᭄ᬤᬸᬂ᭞ᬧᬶᬢ᭄ᬯᬶᬩᬩᬸᬭᭀᬦ᭄ᬓᬸᬮᬸᬓ᭄᭞ᬳᬧᬂ
ᬤᬓᬲᭂᬗ᭄ᬓᬮᬦ᭄᭞ᬳᬶᬦ᭄ᬤᬶᬓᬾᬫᬗᭂᬢᬹᬢ᭄ᬳᬬᬸ᭞ᬳᬬᬸᬓᬶᬂᬤᬤᬵᬦᬦ᭄᭞ᬳ᭄ᬦᬶᬂᬳᬶᬥᭂᬧᬾᬚᬮᬦᬂ᭟᭒᭔᭒᭟ᬬᬦ᭄ᬕᬕᬾᬦ᭄ᬤᭀᬂᬢᬦ᭄ᬲᬄᬫᬗ᭄ᬕᬶᬄᬩᬾᬜ᭄ᬚᬸᬮ᭄᭞ᬓᬶᬚᬵᬧᬗᭀᬚᭀᬕᬾ᭞ᬢᬦ᭄ᬲᬄᬳᬤᬫᬗᬾᬯᬾᬭᬶᬦ᭄᭞ᬕ
ᬦ᭄ᬢᬶᬳᬶᬕᬾᬦ᭄ᬤᭀᬂᬳᬬᬸ᭞ᬲᬓ᭄ᬱᬕᬸᬭᬸᬫᬯᬾᬄᬢᬸᬢᬸᬃ᭞ᬢᬸᬢᬸᬃᬳᬶᬦ᭄ᬤᬶᬓᬶᬂᬓᬥᬃᬫ᭄ᬫᬦ᭄᭞ᬲᬓ᭄ᬱᬢ᭄ᬢᬶᬃᬣᬳ᭄ᬦᬶᬂᬫᬸᬮᬸᬲ᭄᭞ᬫᬗᬶᬮᬗᬂᬍᬢᭂᬄᬳᬯᬓ᭄᭞ᬮ᭄ᬯᬶᬃᬫ᭄ᬓᬧᬗᬶᬮᭀᬳᬦ᭄᭟᭒᭔᭓᭟ᬳᬶᬕᬕᬾᬦ᭄ᬤᭀᬂᬘᬭᬶᬢᬬᬂᬭᬯᬸᬄ
[᭔᭐ 40A]
᭞ᬭᬶᬂᬦᬵᬲ᭄ᬢᬶᬓᬵᬳᬾᬯᬾᬃ᭞ᬫᬜᬧᬫᬗᬾᬜᭀᬃᬫᬦᬶᬲ᭄᭞ᬳᬶᬕᬕᬾᬦ᭄ᬤᭀᬂᬍᬕᬤᬶᬢᬸ᭞ᬤᬾᬦᬶᬂᬧᬫ᭄ᬭᬶᬳᬾᬳᬕᬹᬂ᭞ᬢᬸᬭᬶᬂᬩᬦᬶᬫᬜᬕᭂᬭᬂ᭞ᬮᬓᬃᬫᬳᬦ᭄ᬥᬵᬦᬮᬶᬬᬸ᭞ᬳᬶᬦᬵᬲ᭄ᬢᬶᬓᬵᬗᬯᬾᬤᬬᬶᬸᬬ᭞ᬗᬸᬮᬸᬓ᭄ᬳᬸ
ᬮᬸᬓ᭄ᬫᬗᬤᭀᬯᬂ᭟᭒᭔᭔᭟ᬳᬶᬕᬕᬾᬦ᭄ᬤᭀᬂᬚᭂᬦ᭄ᬥᬸᬮ᭄ᬮᬯᬸᬢ᭄ᬗᬫ᭄ᬩᬸᬮ᭄᭞ᬧᭂᬲᬸᬧᬗᭀᬧᭂᬢᬾ᭞ᬳᬶᬗᭂᬢ᭄ᬓᬾᬦ᭄ᬢᬸᬬᬸᬄᬗᬦ᭄ᬢᬶ᭞ᬳᬶᬦᬵᬲ᭄ᬢᬶᬓᬵᬓ᭄ᬤᬾᬓ᭄ᬮᬳᬸᬢ᭄᭞ᬓᭂᬦ᭄ᬤᭂᬮ᭄ᬫᬳᬦ᭄ᬗᬸᬮᬸᬓ᭄ᬳᬸᬮᬸᬓ᭄᭞ᬫᬓᬤᬤ᭄ᬯᬫᬗ᭄ᬕᬶᬄᬧᬧ᭞ᬭᬶᬯ᭄ᬓᬲ᭄ᬮ
ᬘᬸᬃᬓᬢ᭄ᬧᬸᬓ᭄᭞ᬤᬶᬓᬯᬳᬾᬫᬍᬩᬼᬩᬦ᭄᭞ᬬᬦ᭄ᬫᬜ᭄ᬚᬦ᭄ᬫᬓᬲᬗ᭄ᬲᬭᬦ᭄᭟᭒᭔᭕᭟ᬳ᭄ᬦᬾᬳᬤᬕᬕᬾᬦ᭄ᬤᭀᬂᬭᬳᬬᬸ᭞ᬳ᭄ᬦᬶᬂᬧᬳᬶᬥᭂᬧᬾ᭞ᬮᬯᬸᬢ᭄ᬫᬗᬸᬗ᭄ᬲᬶᬲᬂᬲᬸᬕᬶᬄ᭞ᬤᬶᬢᬸᬫᬢᬸᬢᬸᬃᬭᬳᬬᬸ᭞ᬳᬤᬸᬄᬤᬾᬯᬲ
ᬫ᭄ᬧᬸᬦ᭄ᬩᭂᬦ᭄ᬥᬸ᭞ᬩ᭄ᬘᬶᬓ᭄ᬫᬃᬕ᭄ᬕᬶᬬᬂᬳᬶᬤᬵᬦ᭞ᬮᬓᬃᬦᬧᬶᬩ᭄ᬭᬡᬮᬶᬬᬸ᭞ᬫᬗ᭄ᬤᬲᬵᬫ᭄ᬧᬸᬦ᭄ᬓᬤᬶᬢᬶᬢ᭄ᬬᬂ᭞ᬫᬜ᭄ᬚᬦ᭄ᬫᬫᬗ᭄ᬕᬶᬄᬲᬗ᭄ᬲᬭ᭟᭒᭔᭖᭟ᬬᬤᬶᬦ᭄ᬳᬤᬨᬮᬧᬘᬂᬧᬸᬧᬸ᭞ᬫᬶᬯᬄᬢᬦ᭄ᬧᬮᬦᬾ᭞ᬳ᭄ᬤᬗᬾᬫᬦ᭄ᬫᬓᬓᬮᬶᬄ᭞ᬩ
Kaca:Bali-lontar-paparikan-sarasamuscaya-300ppi.pdf/40
Kaca puniki sampun kauji-wacén
