Kaca:Bali-lontar-paparikan-sarasamuscaya-300ppi.pdf/37

Saking Wikisource
Kaca puniki sampun kauji-wacén

[᭓᭖ 36B]
᭓᭖
ᬢ᭄ᬯᬭᬧᬕᭂᬄᬢᬸᬳᬸ᭞ᬫᬶᬯᬄᬳᬲᬶᬂᬢ᭄ᬯᬭᬮᬦ᭞ᬓ᭄ᬭᬡᬳᬾᬮᬄᬗᬫᬃᬕ᭄ᬕᬶᬬᬂ᭟᭒᭒᭑᭟ᬳᭂᬦ᭄ᬢᭀᬓ᭄ᬭᬡᬳ᭄ᬤᬓᬾᬫᬤ᭄ᬓᬶᬫᬸᬤ᭄᭞ᬜᬮᬦᬂᬤᬵᬦᬦᬾ᭞ᬓᬢ᭄ᬓᬾᬂᬫᬧᬹᬡ᭄ᬬᬪᬓ᭄ᬢᬶ᭞ᬫᬶᬯᬄᬳᬗ᭄ᬕᭀᬳᬗ᭄ᬕᭀᬦ᭄ᬲᬗᬸ᭞ᬲᬶ
ᬦᬄᬓᬯᬶᬃᬬ᭄ᬬᬦᬾᬳ᭄ᬦᬸ᭞ᬬᬦ᭄‌ᬳ᭄ᬦᬸᬳᬶᬓᬃᬫ᭄ᬫᬨᬮ᭞ᬜᬾᬦ᭄ᬲᬶᬤ᭄ᬥᬜᬸᬯᬂᬤᬶᬢᬸ᭞ᬤᬾᬦᬶᬂᬩᬭᬂᬧᬧᬶᬗᬶᬢᬦ᭄᭞ᬫᬵᬧ᭄ᬢᬶᬩᭂᬲᬶᬢᬸᬃᬫᬕ᭄ᬩᬕ᭄᭟᭒᭒᭒᭟ᬳᬸᬘᬧᬂᬲᬂᬳ᭄ᬬᬂᬯᬾᬤᬓᬘᬢᬸᬃ᭞ᬍᬯᬶᬄᬕᬕᬸᬡᬦᬾ᭞ᬳᬫᬹᬚ
ᬳ᭄ᬬᬂᬰᬶᬯᬕ᭄ᬦᬶ᭞ᬬᬦ᭄ᬧ᭄ᬭᬚ᭄ᬜᬦ᭄ᬭᬶᬂᬫᬦ᭄ᬢ᭄ᬭᬢᬸᬳᬸ᭞ᬬᬚ᭄ᬜᬵᬩᬩᬦ᭄ᬢᭂᬦ᭄ᬓᬢᬸᬗ᭄ᬕᬸ᭞ᬕᬸᬡᬦ᭄‌ᬩ᭄ᬭᬡᬵᬦᬾᬭᬶᬂᬤᬵᬦ᭞ᬬᬦᬶᬂᬭᬩᬶᬬᬂᬳᬬᬸ᭞ᬕᬸᬡᬦᬾᬫᬗ᭄ᬤᬫᬧ᭄ᬬᬦᬓ᭄᭞ᬫᭀᬢ᭄ᬢᬫᬗ᭄ᬕᬯᬾᬲᭂᬦ᭄ᬢᬦ᭟᭒᭒᭓᭟ᬬᬦ᭄ᬧ᭄ᬭ
ᬚ᭄ᬜᬦ᭄ᬭᬶᬂᬲᬂᬳ᭄ᬬᬂᬳᬚᬶᬧᬸᬢᬸᬲ᭄᭞ᬕᬸᬡᬦ᭄ᬳᬶᬰᬶᬮᬦᬾ᭞ᬲᬫᬶᬳᬬᬸᬨᬮᬩ᭄ᬘᬶᬓ᭄᭞ᬲᭀᬮᬄᬜᬦᬾᬦᬾᬢᬢ᭄ᬮᬸ᭞ᬰᬶᬮᬘᬵᬭᬯᬱ᭄ᬝᬦᬶᬧᬸᬦ᭄᭞ᬫᬶᬯᬄᬧ᭄ᬭᬯᬺᬢ᭄ᬢᬶᬓᬥᬃᬫ᭄ᬫᬦ᭄᭞ᬲᬂᬳ᭄ᬬᬂᬰᬵᬲ᭄ᬢ᭄ᬭᬧᬥᬳᬤᬸᬂ᭞ᬓᬾᬢᭀ
[᭓᭗ 37A]
ᬕᬸᬡᬦ᭄ᬜᬫᬓ᭄ᬚᬂ᭞ᬳ᭄ᬤᬲᬶᬂᬗ᭄ᬲᬮ᭄ᬢᭂᬓᬾᬦ᭄ᬕᬸᬡ᭟᭒᭒᭔᭟ᬅᬧᬕᬸᬡᬦ᭄ᬜᬦᬾᬳᬶᬩ᭄ᬭᬡᬮᬶᬬᬸ᭞ᬬᬦ᭄ᬢᬦ᭄ᬧᬤᬵᬦᬦᬾ᭞ᬫᬶᬯᬄᬳᬗ᭄ᬕᭀᬨᬮᬪᬸᬓ᭄ᬢᬶ᭞ᬦᬄᬓᬾᬢᭀᬳᬶᬰᬓ᭄ᬢᬶᬢᬸᬳᬸ᭞ᬢᬦ᭄ᬧᬤᭀᬦ᭄ᬳᬶᬯᬶᬰᬾᬱᬓᬸ
ᬓᬸᬄ᭞ᬬᬦ᭄ᬢ᭄ᬯᬭᬩᬦᬶᬜᬮᬦᬂ᭞ᬫᬗ᭄ᬤᬾᬦᬾᬗᬮᬳᬂᬫᬸᬲᬸᬄ᭞ᬲᬂᬳ᭄ᬬᬂᬳᬚᬶᬢᬦ᭄ᬧᬕᬸᬡ᭞ᬬᬦ᭄ᬢᬦ᭄ ᬫᬲᬸᬦ᭄ᬤᬃᬭᬶᬂᬥᬃᬫ᭄ᬫ᭟᭒᭒᭕᭟ᬬᬤᬶᬦ᭄ᬳᬶᬩᬸᬤ᭄ᬥᬶᬧ᭄ᬭᬚ᭄ᬜᬦ᭄ᬢᬸᬃᬓᬲᬸᬩ᭄᭞ᬲᬶᬦᬄᬢᬦ᭄ᬕᬸᬡᬦ᭄ᬦᬾ᭞ᬬᬦ᭄ᬇᬦ᭄ᬤ᭄ᬭᬶᬬᬳ᭄ᬦᬸ
ᬦᬶᬦ᭄ᬤᬶᬄ᭞ᬫᬶᬯᬄᬭᬚᬄᬫᬲᬶᬄᬳ᭄ᬦᬸ᭞ᬳᬶᬢᬫᬄᬫᬲᬶᬄᬫᬢ᭄ᬕᬸᬄ᭞ᬩᬸᬤ᭄ᬥᬶᬲᬢ᭄ᬯᬦᬾᬫᬢᬶᬗ᭄ᬕᬮ᭄᭞ᬳᬢᬸᬢ᭄‌ᬧᬸᬢᬶᬄᬧᬸᬢᬶᬄᬢᬮᬸᬄ᭞ᬓᬧ᭄ᬭᬚ᭄ᬜᬦᬾᬤᬤᬶᬕᬯᬂ᭞ᬫ᭄ᬭᬸᬓ᭄ᬢᬓᬶᬮ᭄ᬢᬦ᭄ᬧᬕᬸᬡᬵ᭟᭒᭒᭖᭟ᬬᬦ᭄ᬳᬶᬩ᭄ᬭᬡᬮᬸᬯᬲ᭄
ᬩ᭄ᬯᬶᬦ᭄ᬭᬯᬸᬄ᭞ᬬᬦ᭄ᬓᬾᬢᭀᬲᭀᬮᬳᬾ᭞ᬢᭀᬦ᭄ᬤᬾᬦ᭄ᬫᬤᬵᬬᬂᬧᬱ᭄ᬝᬶ᭞ᬩ᭄ᬭᬡᬫᬢᬶᬯᬵᬱ᭄ᬝᬦᬶᬧᬸᬦ᭄᭞ᬓᬯᬮᬳ᭄ᬦᬸᬫᬩᬬᬸ᭞ᬫᬶᬯᬄᬓᬤᬶᬧᬫᬸᬭᬸᬗᬦ᭄᭞ᬧᬦ᭄ᬤᬾᬩ᭄ᬲᬶᬦᬾᬫᬩᬬᬸ᭞ᬓᬾᬯᬮᬳᬗᬶᬦ᭄ᬫᬚᬮᬦ᭄᭞