Kaca:Bali-lontar-paparikan-sarasamuscaya-300ppi.pdf/32

Saking Wikisource
Kaca puniki sampun kauji-wacén

[᭓᭑ 31B]
᭓᭑
ᬲᬵᬃᬯ᭄ᬯᬫᬪᬵᬯ᭞ᬯᬶᬭᬾᬄᬢᬺᬱ᭄ᬡᬦᬾᬮᬶᬯᬢ᭄᭞ᬳᬢ᭄ᬫᬦᬾᬮ᭄ᬬᬸᬗᬸᬓᬸᬳᬶᬦ᭄᭞ᬢ᭄ᬯᬭᬲᬗ᭄ᬰᬬ᭞ᬳᬸᬮᬶᬂᬳᬶᬥᬸᬧ᭄ᬢᭂᬓᬾᬂᬫᬢᬶ᭟᭑᭘᭗᭟ᬧᬸᬡ᭄ᬬᬩ᭄ᬭᬡᬲᬦᬾᬢᬦ᭄ᬓᭂᬦᬾᬂᬯᬶᬦᬶᬮᬂ᭞ᬉᬭᬶᬧ᭄ᬭᬡᬶᬦᬾᬳᬲᬶᬓᬶ᭞ᬳᭂᬦ᭄ᬢᭀᬗᬸ
ᬘᬶᬯᬬᬂ᭞ᬬᬦ᭄ᬢᬶᬫ᭄ᬩᬂᬲᬶᬦᬮᬶᬄᬢᬸᬗ᭄ᬕᬮ᭄᭞ᬉᬭᬶᬧᬾᬍᬩᬶᬄᬫᬳᬚᬶ᭞ᬓ᭄ᬭᬡᬲᬬᬗᬂ᭞ᬉᬭᬶᬧ᭄ᬜᬦᬾᬳᬶᬧ᭄ᬭᬡᬶ᭟᭑᭘᭘᭟ᬭᬶᬂᬢ᭄ᬭᬶᬮᭀᬓᬲᬂᬳ᭄ᬬᬂᬉᬭᬶᬧ᭄‌ᬢ᭄ᬯᬄᬉᬢ᭄ᬢᬫ᭞ᬢ᭄ᬯᬭᬳᬤᬫᬫᬯᬦᬶᬦ᭄᭞ᬫᬓ᭄ᬭᬡᬲᬬᬗᬂ᭞ᬳ
ᬲᬶᬂᬫᬉᬭᬶᬧ᭄ᬭᬶᬂᬚᬕᬢ᭄᭞ᬳᬧᬂᬧᬢᬸᬄᬩᬦ᭄ᬜᬬᬗᬶᬦ᭄᭞ᬢ᭄ᬓᬾᬦ᭄ᬳᬶᬬᬵᬯᬓ᭄᭞ᬓᬾᬢᭀᬢ᭄ᬓᬾᬦᬶᬂᬳᬶᬧ᭄ᬭᬡᬶ᭟᭑᭘᭙᭟ᬬᬦ᭄ᬓᬲᬶᬤ᭄ᬥᬦ᭄‌ᬢ᭄ᬯᬭᬫᬗ᭄ᬮᬶᬧᬸᬢ᭄ᬳᬶᬓ᭄ᬭᭀᬥ᭞ᬧᬕᭂᬄᬢ᭄ᬓᬾᬦ᭄ᬲᬢ᭄ᬬᬵᬚᬢᬶ᭞ᬢ᭄ᬯᬭᬗ᭄ᬕᬯᬾᬥᭂᬡ᭄ᬥ᭞ᬲᭀ
ᬮᬄᬦᬶᬃᬫ᭄ᬫᬮᬫ᭄ᬮᬄ᭞ᬢᭀᬂᬢᬳᬾᬦ᭄ᬗᬫᬢᬶᬫᬢᬶ᭞ᬢ᭄ᬯᬄᬤᬶᬃᬖ᭄ᬕᬬᬸᬱ᭞ᬓᬧᬗ᭄ᬕᬸᬄᬯ᭄ᬓᬲ᭄‌ᬫ᭄ᬯᬄᬚᬦᬶ᭟᭑᭙᭐᭟ᬲᬗ᭄ᬓᬦ᭄ᬳᬤᬳᬦᬓ᭄ᬳᬮᬵᬓᬲᬗ᭄ᬲᬭᬦ᭄᭞ᬢ᭄ᬯᬭᬧ᭄ᬕᬢ᭄‌ᬧ᭄ᬕᬢ᭄ᬲᬓᬶᬢ᭄᭞ᬲᭀᬮᬄᬥᬸᬭᬘᬵᬭ᭞ᬳ
[᭓᭒ 32A]
ᬮ᭄ᬧᬬᬸᬱᬢᬦ᭄ᬧᬪᬯ᭞ᬲᬓᬶᬂᬧᬓᬃᬤ᭄ᬥᬶᬦᬾᬗᬸᬦᬶ᭞ᬲᬃᬯ᭄ᬯᬫᬳᬮ᭞ᬫᬗ᭄ᬭᬸᬱᬓ᭄ᬗᬫᬢᬶᬫᬢᬶ᭟᭑᭙᭑᭟ᬢᬦ᭄ᬲᬗ᭄ᬰᬬᬵᬦ᭄ᬲᬚᬫᬩ᭄ᬓᭂᬮ᭄‌ᬥᬃᬫ᭄ᬫ᭞ᬢ᭄ᬯᬭᬧᬢᬶᬚ᭄ᬯᬂᬚᬸᬯᬗᬶᬦ᭄᭞ᬢ᭄ᬓᬾᬦ᭄ᬕᭂᬮᬄᬳᬦᬓ᭄᭞ᬓᬶ
ᬚᬮᬸᬯᬲ᭄ᬲᬶᬦᬄᬲᬸᬓᬵ᭞ᬢ᭄ᬯᬭᬳᬤᬓᬢᬓᬸᬢᬶᬦ᭄᭞ᬦᭀᬭᬲᬗ᭄ᬲᬬ᭞ᬤᬾᬦᬶᬂᬳᬶᬧᬢᬸᬢ᭄ᬫᬗᬶᬲᬶ᭟᭑᭙᭒᭟ᬬᬦᬶᬂᬲᬲᬃᬳᬶᬥᭂᬧ᭄‌ᬲᭀᬮᬄᬧᬫᬮᬶᬗᬦ᭄᭞ᬲᬶᬦᬄᬲᬗ᭄ᬲᬬᬤᬶᬳᬢᬶ᭞ᬓᬾᬯᭂᬄᬳᬲᬶᬂᬧᬭᬦ᭄
᭞ᬳᬸᬧᬫᬳᬶᬩᬸᬭᭀᬦ᭄ᬳᬮᬲ᭄᭞ᬫᬜ᭄ᬚᬗᬦ᭄ᬲᭂᬗ᭄ᬕᬄᬪᬯᬶ᭞ᬫᬜ᭄ᬚᬶᬗᬶᬂᬓᭀᬝᬵ᭞ᬲᬶᬦᬄᬲᬗ᭄ᬲᬬᬧᬮᬶᬂ᭟᭑᭙᭓᭟ᬢ᭄ᬯᬄᬢᬢ᭄ᬮᬸᬳᬶᬫᬵᬲ᭄ᬫᬡᬶᬓ᭄‌ᬢ᭄ᬯᬄᬉᬢ᭄ᬢᬫ᭞ᬦᬾᬢ᭄ᬯᬭᬗᬫᬢᬶᬫᬢᬶ᭞ᬲᬶᬢᬦ᭄‌ᬤ᭄ᬭᭀᬳᬶᬫᬦᬄ᭞ᬫᬶᬯᬄ
ᬫᬸᬚᬭᬂᬓᬲᬢ᭄ᬬᬦ᭄᭞ᬳᭂᬦ᭄ᬢᭀᬓᬲᬸᬕ᭄ᬬᬦ᭄‌ᬍᬯᬶᬄ᭞ᬮᬶᬂᬲᬂᬧᬡ᭄ᬥᬶᬢ᭞ᬲᬂᬲᬶᬤ᭄ᬥᬧᬸᬭᬸᬱᬚᬵᬢᬶ᭟᭑᭙᭔᭟ᬬᬦ᭄ᬜᬶᬤᬬᬂᬦᬸᬮᬸᬂᬳᬶᬓᬤᬂᬫᬶᬢ᭄ᬭ᭞ᬭᬶᬓᬮᬭᬧ᭄ᬭᬶᬬᬢᬶ᭞ᬫᬗᬶᬤᬶᬄᬢᬸᬮᬸᬗᬦ᭄᭞ᬳᬬᭂᬦ᭄ᬢᭀᬫ