[᭒᭘ 28B]
᭒᭘
ᬩ᭄ᬯᬶᬦ᭄᭞ᬦᬗᬶᬂᬬᬦ᭄ᬳᬶᬫᬦᬄ᭞ᬓᬢᬶᬩᬦᬦ᭄ᬳᬸᬚᬃᬳᬮ᭞ᬓᬾᬯᭂᬄᬧᬶᬲᬦ᭄ᬧᬘᬂᬫᭂᬡ᭄ᬝᬶᬓ᭄᭞ᬢᬦᬸᬭᬸᬂᬭᬸᬱᬓ᭄᭞ᬉᬚᬃᬳᬮᬗ᭄ᬭᬸᬱᬓ᭄ᬩᬸᬤ᭄ᬥᬶᬫ᭟᭑᭖᭑᭟ᬲᬂᬧ᭄ᬢᬓᬵᬥᬾᬯᬾᬓ᭄ᬜᬦᬾᬓᬸᬭᬂᬫ᭄ᬮᬄ᭞ᬫᬶᬯᬄᬳᬦᬓ᭄ᬢᬦ᭄ᬧᬳᬚᬶ᭞ᬩ᭄ᬮᭀ
ᬕ᭄ᬦᬾᬮᬶᬯᬢ᭄᭞ᬳᬦᬓ᭄ᬳᬦᬓ᭄ᬕ᭄ᬢᬧ᭄ᬫᬶᬯᬄᬢᬶᬯᬲ᭄᭞ᬳᭂᬦ᭄ᬢᭀᬳ᭄ᬤᬫᬫᬶᬜ᭄ᬚᬸᬮᬶᬦ᭄᭞ᬬᬦᬶᬂᬳᬸᬘᬧᬂ᭞ᬯᬓ᭄ᬧᬭᬸᬱ᭄ᬬᬓᬳᬤᬦᬶᬦ᭄᭟᭑᭖᭒᭟ᬲᬂᬧᬡ᭄ᬥᬶᬢᬲᬂᬫᬫᬕᭂᬳᬂᬩ᭄ᬭᬢᬲᬢ᭄ᬬ᭞ᬢ᭄ᬯᬭᬫᬢ᭄ᬩᬢ᭄ᬗᬮᬾᬫᬶᬓᬶᬦ᭄᭞
ᬢ᭄ᬯᬭᬫᬫᬶᬲᬸᬦᬵ᭞ᬢ᭄ᬯᬭᬓᬳ᭄ᬬᬸᬦ᭄ᬫᬜᬘᬤ᭄᭞ᬗᬸᬧᬢ᭄ᬫᬲᬶᬄᬓᬢᬸᬦᬳᬶᬦ᭄᭞ᬫᬫᬶᬢᭂᬢ᭄ᬳᬸᬚᬃ᭞ᬳᬦ᭄ᬳᬦᬓᬾᬳᬩᬶᬄ᭟᭑᭖᭓᭟ᬬᬦᬶᬂᬳᬤᬳᬦᬓ᭄ᬫᬫᬸᬚᬶᬤᬶᬳᬋᬧᬦ᭄᭞ᬫᬗᬸᬧᭂᬢ᭄ᬬᬦ᭄ᬤᬶᬤᬸᬭᬶ᭞ᬯ᭄ᬯᬂᬘ᭄ᬭᭀᬮ᭄ᬓᬳᬸ
ᬘᬧᬂ᭞ᬳᬤᭀᬄᬫᬳᬦ᭄ᬓᬭᬳᬬ᭄ᬯᬦ᭄᭞ᬬᬤᬶᬦ᭄ᬳᬶᬤᬸᬧ᭄ᬢ᭄ᬓᬾᬂᬫᬢᬶ᭞ᬳ᭄ᬤᬫᬦᬸᬭᬄ᭞ᬲᭀᬮᬄᬘ᭄ᬭᭀᬮᬾᬓ᭄ᬮᬶᬤᬶᬦ᭄᭟᭑᭖᭔᭟ᬳᭂᬦ᭄ᬢᭀᬓ᭄ᬭᬡᬳ᭄ᬤᬧᬶᬲᬦ᭄ᬗᬸᬧᭂᬢ᭄ᬳᬦᬓ᭄᭞ᬬᬦᬶᬂᬳᬤᬗᬸᬘᬧ᭄ᬤᬓᬶ᭞ᬫᬜᬘᬤᬶᬦ᭄ᬢᬶᬫ᭄ᬧᬮ᭄
[᭒᭙ 29A]
᭞ᬳᭂᬦ᭄ᬢᭀᬳ᭄ᬤᬫᬦᬶᬗᭂᬳᬂ᭞ᬢ᭄ᬓᭂᬧᬶᬦ᭄ᬳᬸᬕᬶᬳᬶᬓᭀᬧᬶᬂ᭞ᬧᬶᬲᬦ᭄ᬫᬢᬶᬗ᭄ᬕᬮ᭄᭞ᬳᭂᬦ᭄ᬢᭀᬜᬦ᭄ᬤᬂᬳ᭄ᬚᭀᬳᬶᬦ᭄᭟᭑᭖᭕᭟ᬳᬶᬦᬲ᭄ᬢᬶᬓᬫᬮᬶᬄᬢᬓᬸᬢ᭄ᬭᬶᬂᬯ᭄ᬯᬂᬩᭀᬩᬤ᭄᭞ᬳᬕᬸᬂᬓ᭄ᬭᭀᬥᬓ᭄ᬢᬓᬸᬢᬶᬦ᭄᭞ᬬᬦ᭄ᬳᭂᬦ᭄ᬢᭀᬳᬸᬧᬫ᭞ᬲᬓ᭄
ᬱᬢ᭄ᬮᬮᬶᬧᬶᬯᬶᬱ᭄ᬬ᭞ᬲᬂᬥᬃᬫ᭄ᬫᬤᬳᬢ᭄ᬳᬚ᭄ᬭᬶᬄ᭞ᬭᬶᬂᬳᬶᬦᬲ᭄ᬢᬶᬓ᭞ᬫ᭄ᬯᬄᬲᬂᬭᬶᬲᬂᬩᬤᭀᬳᭀᬲ᭄ᬚᬢᬶ᭟᭑᭖᭖᭟ᬢ᭄ᬯᬭᬳᬤᭀᬄᬫᬺᬢᬯᬶᬱ᭄ᬬᬦᬾᬭᬶᬂᬭᬕ᭞ᬬᬦᬶᬂᬧᬸᬗ᭄ᬕᬸᬂᬭᬶᬂᬲᬂᬍᬯᬶᬄ᭞ᬚ᭄ᬦᭂᬓ᭄ᬭᬶᬂᬢᬦ᭄ᬥᬃᬫ᭄ᬫ᭞ᬳᭂᬦ᭄ᬢᭀᬦᬾᬫᬳᬤ
ᬦ᭄ᬯᬶᬱ᭄ᬬ᭞ᬬᬦ᭄ᬧᬕᭂᬄᬭᬶᬂᬲᬢ᭄ᬬᬚᬦᬶ᭞ᬧᬕᭂᬄᬭᬶᬂᬥᬃᬫ᭄ᬫ᭞ᬳᭂᬦ᭄ᬢᭀᬫᬺᬢᬲᬸᬩᬤᬫ᭄ᬧᬶᬂ᭟᭑᭖᭗᭟ᬓᬾᬦᬾᬚᬵᬢᬶᬉᬢ᭄ᬢᬫᬦ᭄ᬗᬕᭂᬫ᭄ᬓᬲᬢ᭄ᬬᬦ᭄᭞ᬤᬦᬵᬩ᭄ᬭᬢᬲᬚᬮ᭄ᬯᬶᬄ᭞ᬜᬶᬤ᭄ᬥᬬᬂᬫᬗᭂᬦ᭄ᬢᬲ᭄᭞ᬦᬵᬗ᭄ᬳᬶᬂᬳ᭄ᬦᬸᬓᬓᬲᭀᬭᬂ᭞
ᬭᬶᬂᬳᬶᬲᬢ᭄ᬬᬍᬯᬶᬄᬚᬵᬢᬶ᭞ᬚᬵᬢᬶᬧᬗᭂᬦ᭄ᬢᬲ᭄᭞ᬢᬦ᭄ᬜᬦ᭄ᬤᬂᬳᬶᬦᬸᬘᬧ᭄ᬫᬮᬶᬄ᭟᭑᭖᭘᭟ᬳᬤᬚᬦ᭄ᬫᬵᬧ᭄ᬭᬓᬧᬓ᭄ᬫᬳᬸᬚᬃᬳᬸᬚᬃ᭞ᬫᬗ᭄ᬕᬯᬾᬦᬶᬦ᭄ᬲᬓᬶᬢ᭄ᬕᬸᬫᬶ᭞ᬢᬸᬭᬶᬂᬫᬓᬸᬲᬭ᭞ᬫᬗᬓᬸᬫᬜᬶᬤ᭄ᬥᬬᬂ᭞ᬗᬃᬬ᭄ᬬᬦᬶᬦ᭄ᬓᬃᬬ᭄ᬬ
Kaca:Bali-lontar-paparikan-sarasamuscaya-300ppi.pdf/29
Kaca puniki sampun kauji-wacén
