[᭒᭓ 23B]
᭒᭓
ᬢᬸᬓᬃᬲᬢᬢ᭟᭑᭒᭒᭟ᬬᬦᬶᬂᬳᬤᬫᬗᬶᬮᬂᬓ᭄ᬭᭀᬥᬦ᭄ᬩᬸᬤ᭄ᬥᬶ᭞ᬢ᭄ᬯᬄᬫᬰ᭄ᬭᬡ᭞ᬩᬦ᭄ᬲᬂᬓ᭄ᬱᬫᬯᬦ᭄᭞ᬳᬸᬧᬫᬶᬓᬤᬶᬩᬸᬮᬦ᭄ᬦᬾ᭞ᬫᬗᬸᬢᬂᬳᬶᬲᬬᭀᬂᬮᬶᬫᬸᬢ᭄᭞ᬳᬤᭀᬄᬳᬶᬩᬸᬮᬦ᭄ᬫᬮᬶᬓᬶᬦ᭄᭞ᬫᬳᬩᬸᬤ᭄ᬥᬶ
ᬓᬳᬤᬦᬦ᭄᭞ᬳᭂᬦ᭄ᬢᭀᬳᬸᬢᬫᬦᬶᬂᬗᬬᬸ᭞ᬫᬗ᭄ᬕᭂᬄᬳᬸᬢ᭄ᬢᬫᬦᬶᬂᬯ᭄ᬯᬂ᭞ᬫᬗ᭄ᬕᬄᬲᬤ᭄ᬬ᭞ᬲᬤ᭄ᬬᬦᬾᬫᬩᬸᬮᬓ᭄ᬩᬮᬶᬓ᭄᭞ᬓᬶᬚᬵᬮ᭄ᬯᬲ᭄ᬢᬸᬢᬸᬕ᭄ᬲᬤ᭄ᬬ᭟᭑᭒᭓᭟ᬬᬤᬶᬦ᭄ᬲᬚᬗᬸᬘᬶᬯᬬᬂᬫᬸᬲᬸᬄᬰᬓ᭄ᬢᬶ᭞ᬧᬤᬳᬦ᭄ᬥᬧ᭄
᭞ᬳ᭄ᬥᬗᬸᬫᬦ᭄ᬤᭂᬮᬂ᭞ᬧᬘᬂᬫᬗ᭄ᬕᬶᬄᬲᬤ᭄ᬬᬦᬾ᭞ᬬᬦ᭄ᬓ᭄ᬭᭀᬥᬦᬾᬦ᭄ᬢᭂᬦ᭄ᬳ᭄ᬦᬸ᭞ᬳᬃᬢ᭄ᬢᬶᬦ᭄ᬰᬢ᭄ᬭᬸᬓᭀᬦ᭄ᬤᬾᬦ᭄ᬮᬶᬮᬶᬄ᭞ᬉᬭᬶᬧᬾᬢ᭄ᬯᬄᬢᬸᬢᬸᬕ᭄ᬫᬮ᭞ᬫᬸᬲᬸᬓ᭄ᬢᬶᬳ᭄ᬦᬸᬗᬫᬸᬓ᭄᭞ᬬᬦ᭄ᬤᬶᬓ᭄ᬓ᭄ᬭᭀᬥᬲᬸᬩᬳᬶᬮᬂ᭞ᬳᭂᬦ᭄ᬢᭀᬲᬶᬦᬄ᭞ᬢ᭄ᬯᬭᬗ᭄ᬮᬄᬫᬸᬲᬸᬄᬩ᭄ᬯᬶ
ᬦ᭄᭞ᬤᬤᬶᬫᬶᬢᬻᬫᬓᬚᬕᬢ᭄᭟᭑᭒᭔᭟ᬬᬳᬶᬓ᭄ᬭᭀᬥᬲᬓ᭄ᬱᬢ᭄ᬳᬶᬦᬹᬫᬦ᭄ᬍᬯᬶᬄ᭞ᬦᬾᬭᬶᬂᬚᬕᬢ᭄᭞ᬳ᭄ᬜᬾᬦ᭄ᬫᬜᬶᬤ᭄ᬥᬬᬂ᭞ᬫᬶᬦᬸᬫ᭄ᬲᬧᬶᬲᬦ᭄ᬓ᭄ᬭᭀᬥᬦᬾ᭞ᬲᬶᬦᬄᬧᬦᭂᬲᬾᬓᬢ᭄ᬧᬸᬓ᭄᭞ᬤᬤᬶᬗᬸᬢᬄᬧ᭄ᬭᬚ
[᭒᭔ 24A]
ᬦᬶ᭞ᬫᬗ᭄ᬭᬡᬬᬂᬲᬓᬶᬢ᭄ᬧᬧ᭞ᬫᬗᬸᬲᬓ᭄ᬫᬓᬲ᭄ᬭᬡ᭄ᬥᬸ᭞ᬲᬚᬯᬶᬦ᭄ᬲᬂᬓᬧᬡ᭄ᬥᬶᬓᬦ᭄᭞ᬩᭀᬬᬲᬶᬤ᭄ᬥ᭞ᬧᬘᬂᬗ᭄ᬩᬢᬂᬫᬗ᭄ᬓᬶᬦ᭄᭞ᬳᭂᬦ᭄ᬢᭀᬫᬶᬦᬹᬫᬦ᭄ᬓᬶᬭᬶᬫᬦ᭄᭟᭑᭒᭕᭟ᬬᬦᬶᬂᬲᬚᬓᭀᬧᬲᬫᬦᬾᬫᬦᬶᬦ᭄ᬤᬶᬄ᭞ᬦᬾ
ᬤᬶᬳᬯᬓ᭄᭞ᬧᭂᬲᬸᬳᬭᬶᬫ᭄ᬩᬯᬵ᭞ᬲᬶᬦᬄᬫᬧᬶᬦᭂᬄᬓᬓᬾᬦ᭄ᬦᬾ᭞ᬳᬲᬶᬂᬫᭂᬦ᭄ᬢᬶᬓ᭄ᬧᬥᬧᬢᬸᬄ᭞ᬲᬂᬳ᭄ᬬᬂᬳᬢ᭄ᬫᬢᬸᬗ᭄ᬕᬮ᭄ᬲᬫᬶ᭞ᬢ᭄ᬯᬭᬜᬦ᭄ᬤᬂᬩᬜᬤ᭄ᬕᬕ᭄᭞ᬭᬶᬂᬧ᭄ᬭᬡᬶᬯᬢᭂᬓ᭄ᬢᬸᬫᬸᬯᬸᬄ᭞ᬬᬧᬥᬗ᭄ᬮᬄᬧᬗ᭄ᬭᬱ᭞ᬲᬓᬶᬢ᭄ᬳ
ᬯᬓ᭄᭞ᬍᬕᬦᬾᬜᬦ᭄ᬤᬂᬢᬶᬯᬓᬶᬦ᭄᭞ᬲᬸᬓᬮ᭄ᬯᬲ᭄ᬲᬸᬓᬢ᭄ᬓ᭟᭑᭒᭖᭟ᬬᬦᬶᬂᬢᬸᬓᬃᬓ᭄ᬭᬡᬳᬶᬬᭂᬕᬾᬲᬲᬳᬶ᭞ᬓᬩ᭄ᬬᬲᬬᬂ᭞ᬤᬶᬚᬗᬮᬶᬄᬲᬸᬓ᭞ᬲᬶᬦᬄᬳᬕᬸᬂᬤᬸᬓᬶᬢᬦ᭄ᬦᬾ᭞ᬲᬧᬭᬦᬾᬓᬾᬯᭂᬄᬢ᭄ᬫᬸ᭞ᬳᬲᬶᬂᬲᭀᬮᬄ
ᬤᬤᬶᬧᬮᬶᬂ᭞ᬧᬸᬍᬲᬾᬳ᭄ᬬᬢ᭄ᬯᬭᬫ᭄ᬮᬄ᭞ᬢᬶᬓᭂᬄᬕᬮᭂᬂᬫᬶᬯᬄᬓᬲᬸᬃ᭞ᬲᬓ᭄ᬱᬢ᭄ᬫᬶᬲᬶᬳᬸᬮᬲᬃᬧ᭄ᬧ᭞ᬓᬾᬯᭂᬄᬧᬶᬲᬦ᭄᭞ᬦᬄᬧᬶᬦᭂᬳᬶᬦ᭄ᬩᭂᬲᬶᬓ᭄ᬩᭂᬲᬶᬓ᭄᭞ᬤᬹᬃᬫ᭄ᬫᬗ᭄ᬕᬮᬫᬦᬶᬫ᭄ᬩᬮ᭄᭟᭑᭒᭗᭟ᬤᬸᬃᬫ᭄ᬫ᭟ᬤᬸᬃᬦᬶᬫ᭄ᬫᬶᬢᬦᬾᬚᬦᬶ
Kaca:Bali-lontar-paparikan-sarasamuscaya-300ppi.pdf/24
Kaca puniki sampun kauji-wacén
