[᭒᭑ 21B]
᭒᭑
ᬯᬾᬪᬬ᭞ᬳᬶᬥᭂᬧᬾᬢ᭄ᬯᬄᬩ᭄ᬭᬦ᭄ᬢᬲᬳᬶ᭞ᬪᬾᬤᬪᬾᬤᬗᬯᬾᬪᬬ᭟᭑᭑᭒᭟ᬧᬗᬸᬧᬫᬶᬲᬂᬫᬶᬦᬸᬫ᭄ᬢ᭄ᬯᬓ᭄ᬳᬭᬓ᭄ᬩ᭄ᬭᬦ᭄ᬤᬶ᭞ᬲᬓᬶᬂᬍᬕ᭞ᬩᬶᬩᬶᬳᬾᬫᬶᬦᬹᬫᬦ᭄᭞ᬘ᭄ᬭᬾᬢ᭄ᬘ᭄ᬭᬾᬢ᭄ᬫᬓᬘᬶᬭᬶᬦ᭄ᬦᬾ᭞ᬫᬸᬜᬶᬕ᭄ᬢᬶᬃ
ᬓ᭄ᬥᬾᬓ᭄ᬢᬗ᭄ᬮᬸᬲ᭄᭞ᬬᬵᬦ᭄ᬓᬤᬮᭀᬦ᭄ᬧᬸᬜᬄᬤᬤᬶ᭞ᬳᬸᬧᬫᬬᬢ᭄ᬯᬭᬩᬶᬦᬵ᭞ᬢ᭄ᬭᬸᬡᬤ᭄ᬳᬦᬾᬫᬢ᭄ᬫᬸ᭞ᬮ᭄ᬕᬦᬾᬫᬓ᭄ᬭᬡᬧᬸᬜᬄ᭞ᬳᬶᬩᬸᬓ᭄ᬗᭂᬫᬃ᭞ᬬᬦ᭄ᬓᬮᬲᬸᬩᬗ᭄ᬫᭂᬤᬶᬦ᭄᭞ᬕᭂᬫ᭄ᬧᭀᬃᬫ᭄ᬭᬲᬤᬶᬳᬯᬓ᭄᭟᭑᭑᭓᭟
ᬢ᭄ᬯᬄᬳᬶᬫᬦᬄᬓ᭄ᬭᬡ᭄ᬦᬪᬾᬤᬫᬸᬜᬃᬫᬜᬶᬃ᭞ᬫᬳᬾᬦ᭄ᬤᬳᬦ᭄᭞ᬦᬄᬓᬾᬦᬾᬳᬸᬧᬫᬵ᭞ᬫᬾᬫᬾᬩᬧᬧ᭄ᬬᬦᬓᬾ᭞ᬜᭀᬜᭀᬦ᭄ᬳᬶᬫᬾᬫᬾᬓᬳᬸᬲᬸᬤ᭄᭞ᬩᬳᬦ᭄ᬩᬧᬫᬶᬦᬓᬤᬶ᭞ᬳᬶᬧ᭄ᬬᬦᬓ᭄ᬫᬲᬶᬄᬫᬜ᭄ᬫ
ᬓ᭄᭞ᬲᬶᬦᬄᬪᬾᬤᬳᬧ᭄ᬢᬶᬦᬶᬧᬸᬦ᭄᭞ᬳᬶᬫᬦᬄᬢ᭄ᬯᬄᬫᬓ᭄ᬭᬡᬗᬾᬦ᭄ᬤᬄ᭞ᬳᬧᬂᬢᬢᬲ᭄᭞ᬧᬧᬶᬦᭂᬳᬾᬲᬋᬂᬲᬫᬶ᭞ᬳᬾᬯᭂᬄᬧᬶᬲᬦ᭄ᬫᬦᬸᬗ᭄ᬕᬮᬂ᭟᭑᭑᭔᭟ᬩ᭄ᬯᬶᬦ᭄ᬲ᭄ᬓᭂᬦᬂᬪᬾᬤᬦ᭄ᬫᬦᬳᬾᬚᬦᬶ᭞ᬧᬶᬢᬼᬓᬂ᭞
[᭒᭒ 22A]
ᬲᬂᬯᬶᬓᬸᬪᬶᬓ᭄ᬱᬸᬓ᭞ᬫ᭄ᬯᬄᬢ᭄ᬭᬸᬡᬓᬳᬶᬦ᭄ᬤ᭄ᬭᬶᬬᬦ᭄ᬦᬾ᭞ᬩ᭄ᬯᬶᬦ᭄ᬳᬤᬩᬸᬭᭀᬦ᭄ᬳᬲᬸ᭞ᬲᬂᬢᬶᬕᬦᬸᬚᬸᬫᬭᬶᬭᬶᬕ᭄᭞ᬫᬫᬗ᭄ᬕᬸᬄᬇᬲ᭄ᬢ᭄ᬭᬶᬳᬸᬢ᭄ᬢᬫ᭞ᬤ᭄ᬳᭃᬚ᭄ᬕᬾᬕ᭄ᬧᬸᬧᬸᬢ᭄ᬳᬬᬸ᭞ᬲᬂᬯᬶᬓᬸᬳᬶᬤᬜᭂᬗ᭄ᬕᬸᬳᬂ᭞ᬩᬗ᭄ᬓᬾᬭᬸᬱᬓ᭄᭞ᬩᬩᬓ᭄ᬱᬦ᭄
ᬲᭂᬗ᭄ᬕᬸᬄᬳᬶᬘᬶᬘᬶᬂ᭞ᬳᬶᬢ᭄ᬭᬸᬡᬜᭂᬗ᭄ᬕᬸᬄᬕᬕᬾᬮᬦ᭄᭟᭑᭑᭕᭟ᬓ᭄ᬭᬡᬳᬤᬫᬳᬶᬥᭂᬧ᭄ᬫᬼᬤ᭄ᬫᬫ᭄ᬭᬶᬄ᭞ᬢ᭄ᬓᬾᬦ᭄ᬩᬭᬂ᭞ᬩᬭᬂᬤ᭄ᬭᬸᬯᬾᬦ᭄ᬳᬦᬓ᭄᭞ᬩ᭄ᬯᬶᬦ᭄ᬗᭂᬮᬄᬳᬶᬥᭂᬧ᭄ᬥᭂᬗ᭄ᬓᬶᬦ᭄ᬦᬾ᭞ᬢ᭄ᬓᬾᬦ᭄ᬓᬲᬸᬓᬦᬾᬳᬕᬸᬂ᭞ᬫᬓ᭄ᬦᭂᬄᬲᬢᬢᬳᬶᬭᬶ᭞ᬬ
ᬦ᭄ᬓᬓᬾᬢᭀᬫᬫ᭄ᬭᬶᬄᬜ᭞ᬳᬤᭀᬄᬲ᭄ᬯᬃᬕ᭄ᬕᬦᬾᬓᬢ᭄ᬧᬸᬓ᭄᭞ᬢᬦ᭄ᬦᬸᬭᬸᬂᬓᬯᬳᬾᬩᬓᬢ᭄᭞ᬤᬤᬶᬤᬲᬃ᭞ᬳᭂᬦ᭄ᬢᭀᬳ᭄ᬤᭂᬫᬗᬃᬤ᭄ᬥᬶᬦᬶᬦ᭄᭞ᬢᬶᬗ᭄ᬓᬳᬾᬫᬗ᭄ᬢᬸᬢ᭄ᬥᬃᬫ᭄ᬫ᭟᭑᭑᭖᭟ᬦᬄᬩᬮᬶᬓᬂᬳᬶᬥᭂᬧᬾᬯᬗᬸᬦᬂᬩ᭄ᬯᬶᬦ᭄᭞ᬳ᭄ᬥᬧᬶᬲ
ᬦ᭄᭞ᬫᬶᬳᬶᬥᭂᬧ᭄ᬥ᭄ᬭᭀᬯᬓ᭞ᬥᭂᬗ᭄ᬓᬶᬭᬶᬂᬲᬸᬓᬦ᭄ᬳᬦᬓᬾ᭞ᬳ᭄ᬥᬧᬢᬶᬫᬼᬤ᭄ᬗᬫᬸᬦ᭄᭞ᬫᬶᬯᬄᬳ᭄ᬤᬗᬢᬶᬳᬢᬶ᭞ᬢ᭄ᬓᬾᬦ᭄ᬩᬭᬂᬢ᭄ᬯᬭᬳᬤ᭞ᬳ᭄ᬤᬗᬸᬕᬸᬳᭀᬃᬢ᭄ᬣᬲᬸᬳᬸᬂ᭞ᬉᬭᬶᬧ᭄ᬧ᭄ᬭᬡᬶᬦᬾᬲᬬᬗᬂ᭞ᬦᬄᬧᬕᭂᬳᬂ᭞ᬳᭂᬦ᭄ᬢᭀᬫᬤᬦ᭄ᬳ᭄ᬬᬰ
Kaca:Bali-lontar-paparikan-sarasamuscaya-300ppi.pdf/22
Kaca puniki sampun kauji-wacén
