Kaca:Bali-lontar-paparikan-sarasamuscaya-300ppi.pdf/2

Saking Wikisource
Kaca puniki sampun kauji-wacén

[᭑ 1B]

᭛᭐᭛ᬅᬯᬶᬖ᭄ᬦᬫᬲ᭄ᬢᬸ᭛ᬲᬶᬦᭀᬫ᭄ᬧᬸᬦᬶᬓᬶᬗᬸᬘᬧᬂ᭞ᬓᬳᬸᬓᬸᬲ᭄ᬧᬘᬂᬫᬫᬭᬶᬓ᭄᭞ᬫᬫᬭᬶᬓ᭄ᬲᬫ᭄ᬩᬶᬮᬂᬩ᭄ᬗᭀᬂ᭞ᬩ᭄ᬗᭀᬂᬳᬶᬲᭂᬂᬫᬗᬸᬫᬶᬓ᭄ᬫᬶᬓ᭄᭞ᬓᬤᬯᬸᬢ᭄ᬫᬦᬳᬾᬧᬮᬶᬂ᭞
ᬓᬋᬩᬸᬢ᭄ᬩᬦ᭄ᬫᬦᬄᬳᬶᬩᬸᬓ᭄᭞ᬩᬶᬗᬸᬂᬢᬶᬢ᭄ᬬᬂᬫᬓ᭄ᬦᭂᬳᬦ᭄᭞ᬗ᭄ᬦᭂᬳᬂᬧᬘᬂᬓᬪᬹᬓ᭄ᬢᬶ᭞ᬧᬘᬂᬲᬗᬸᬤᬶᬲ᭄ᬓᬮᬫ᭄ᬯᬄᬦᬶᬲ᭄ᬓᬮᬵ᭞᭑᭞ᬳᬶᬗᭂᬢ᭄ᬓᬾᬦ᭄‌ᬗ᭄ᬮᬄᬧ᭄ᬬᬦᬓ᭄᭞ᬳᬧᬳᬗ᭄ᬕᭀᬦ᭄ᬫᬢᬫ
ᬳᬶᬦ᭄᭞ᬩᬲ᭄ᬓᬾᬦᬾᬢᬶᬯᬲ᭄ᬢᬸᬃᬩ᭄ᬮᭀᬕ᭄᭞ᬢᬶᬯᬲ᭄ᬫᬦᬄᬢᬦ᭄ᬧᬓᬾᬃᬣᬶ᭞ᬢᭀᬓᬸᬤ᭄ᬬᬂᬓᬾᬦ᭄ᬓᬾᬦᬂᬚᬦᬶ᭞ᬳᬫ᭄ᬧᬸᬭᬬᬂᬘ᭄ᬦᬶᬂᬫᬮᬸ᭞ᬳᬸᬤᬸᬄᬘ᭄ᬦᬶᬂᬧ᭄ᬬᬦᬓ᭄ᬩᬧ᭞ᬳᬦᬯᬶᬓᬸᬲᬦᬾᬗᬸᬦ᭄ᬦᬶ᭞ᬮᬶ
ᬦ᭄ᬢᬂᬧᬸᬢᬸᬲ᭄‌ᬗᬸᬜ᭄ᬘᬭᬂᬢᬢ᭄ᬯᬥ᭄ᬬᬢ᭄ᬫᬶᬓ᭞᭒᭞ᬉᬢ᭄ᬢᬫᬧᭂᬲᬾᬗᬦ᭄ᬳᬶᬤ᭞ᬰ᭄ᬭᬶᬪᬕᬯᬦ᭄ᬯᬭᬭᬸᬘᬶ᭞ᬫᬗ᭄ᬮᬶᬓ᭄ᬲᬭᬶᬦᬶᬂᬧᬃᬯ᭄ᬯ᭞ᬓᬭᬶᬗ᭄ᬓᭂᬲ᭄ᬤᬤᭀᬲ᭄ᬳᬲᬶᬓᬶ᭞ᬓᬳᬸᬘᬧ᭄ᬭᬶᬂᬲᭀᬃᬧᬸᬦᬶᬓᬶ᭞ᬭᬶᬂᬫ
[᭒ 2A]
ᬦᬸᬱᬢ᭄ᬕᭂᬲ᭄ᬳᬶᬧᬸᬦ᭄᭞ᬫᬜ᭄ᬚᬦ᭄ᬫᬤᬤᬶᬫᬦᬹᬱ᭞ᬓᭀᬢ᭄ᬢᬫᬦ᭄ᬲᬃᬯ᭄ᬯᬢᬸᬫᬶᬢᬶᬲ᭄᭞ᬧᬮᬶᬂᬳᬬᬹᬧ᭄ᬭᬚ᭄ᬜᬦ᭄ᬫᬗᬯᬾᬯᬶᬯᬾᬓ᭞᭓᭞ᬫᬗᬯᬾᬦᬶᬦ᭄ᬲᭀᬮᬄᬤᬤ᭄ᬯ᭞ᬳᬮᬳᬬᬸᬫᬶᬦᬓᬤᬶ᭞
ᬲᭀᬮᬄᬳᬬᬸᬦᬾᬧᬗᭂᬦ᭄ᬢᬲ᭄᭞ᬗᭂᬦ᭄ᬢᬲᬂᬳᬶᬬᬵᬮᬲᬫᬶ᭞ᬬᬦ᭄ᬲᬶᬤ᭄ᬥᬦᬶᬂᬳᭂᬦ᭄ᬢᬲ᭄ᬤᬤᬶ᭞ᬫᬨᬮᬢᬶᬗ᭄ᬓᬳᬶᬂᬳᬶᬤᬸᬧ᭄᭞ᬳᬶᬤᬸᬧᬾᬤᬤᬶᬫᬦᬸᬱ᭞ᬉᬢ᭄ᬢᬫᬦᬾᬩᬸᬓᬚᬦᬶ᭞ᬗᭂᬢᬹᬢ᭄ᬳᬬᬹᬳ
ᬬᬸᬦᬾᬳᬸᬕᬶᬧ᭄ᬭᬶᬳᬂ᭞᭔᭞ᬓ᭄ᬭᬡᬳ᭄ᬤᬫᬜ᭄ᬩᭂᬢᬂ᭞ᬭᬶᬓᬵᬮᬮᬘᬸᬃᬓᬧᬗ᭄ᬕᬶᬄ᭞ᬤᬾᬦᬶᬂᬳᬶᬫᬦᬸᬱᬓᭀᬘᬧ᭄᭞ᬩᬸᬤ᭄ᬥᬶᬳᬗ᭄ᬓᬭᬢᬦ᭄ᬲᬶᬧᬶ᭞ᬫᭀᬫᭀᬫᬹᬃᬓ᭄ᬓᬫᬦ᭄ᬤᬶᬦ᭄ᬤᬶᬄ᭞ᬮᬶᬯᬢ᭄ᬲᭂᬗ᭄ᬓᬚᬦ᭄ᬫ
ᬳᬶᬥᬸᬧ᭄᭞ᬳᬶᬥᬸᬧᬾᬫᬦᬸᬤᬸᬓᬮ᭞ᬬᭀᬦᬶᬦᬾᬫᬦᬸᬢᬸᬕ᭄ᬲᬳᬶ᭞ᬢ᭄ᬯᬭᬩᬸᬳᬸᬂᬤᬰᬾᬦ᭄ᬤ᭄ᬭᬶᬬᬦᬾᬫᬗ᭄ᬭᬸᬲᬓ᭄᭞᭕᭞ᬓ᭄ᬭᬡᬉᬢ᭄ᬢᬫᬓᬳᬸᬘᬧ᭄᭞ᬫᭂᬡ᭄ᬝᬶᬓ᭄ᬓᬫᬦᬸᬱᬦ᭄ᬚᬦᬶ᭞ᬯᬶᬭᬾᬄᬳᬶ