Kaca:Bali-lontar-paparikan-sarasamuscaya-300ppi.pdf/19

Saking Wikisource
Kaca puniki sampun kauji-wacén

[᭑᭘ 18B]
᭑᭘
ᬦ᭄ᬤᬸᬲ᭄ᬯᬱ᭄ᬝᬦᬶᬧᬸᬦ᭄᭞ᬬᬦᬶᬂᬲᬸᬩᬗ᭄ᬮᬄᬤᬫ᭞ᬫᬭᬫᬤᬦ᭄᭞ᬥᬦ᭄ᬢᬫᬲᬶᬭᬫ᭄ᬫᬩᬺᬲᬶᬄ᭞ᬰᬹᬘᬶᬲ᭄ᬓᬮᬦᬶᬲ᭄ᬓᬮ᭟᭙᭗᭟ᬬᬦ᭄ᬰᬂᬥᬦ᭄ᬢᬓᬾᬦᬾᬢ᭄ᬯᬄᬫᬓᬚᬵᬢᬶ᭞ᬢ᭄ᬯᬭᬩᬶᬱ᭞ᬮᬶᬜᭀᬓ᭄ᬢᬾᬓᬾᬦ᭄ᬳᬦᬓ᭄᭞ᬢ᭄ᬯᬶ
ᬭᬶᬂᬭᬕᬥᬾᬯᬾᬓᬾ᭞ᬢ᭄ᬯᬭᬲᬸᬓᬬᬦ᭄ᬓᬳᬚᬸᬫ᭄᭞ᬬᬥᬶᬦ᭄ᬲᬥ᭄ᬬᬲᬸᬓᬲᬸᬕᬶᬄ᭞ᬮᬭᬤᬸᬄᬓᬢᬦ᭄‌ᬜ᭄ᬩᭂᬢᬂ᭞ᬮᬾᬤᬗᬾᬭᬶᬂᬢᬸᬢᬸᬃ᭞ᬩᬶᬱᬫᬶᬢᬸᬢᬸᬭᬶᬦ᭄ᬳᬗ᭄ᬕᬵ᭞ᬯᬶᬭᬾᬄᬤᬫ᭞ᬫᬗᬸᬫ᭄ᬩᬳᬶᬬᬢᬶᬤᬓᬶ᭞ᬫ᭄ᬭᬮᬶ
ᬡᬳᬶᬭᬚᬄᬢᬫᬄ᭟᭙᭘᭟ᬇᬦ᭄ᬤ᭄ᬭᬶᬬᬦᬾᬢ᭄ᬯᬄᬲᬚᬫᬓᬫᬃᬕ᭄ᬕᬶ᭞ᬲ᭄ᬯᬃᬕ᭄ᬕᬵᬦ᭄ᬭᬓ᭞ᬬᬦᬶᬂᬫᬜᬶᬤ᭄ᬥᬬᬂ᭞ᬫᬗᬺᬢ᭄ᬯᬢᭂᬓ᭄ᬳᬶᬦ᭄ᬤ᭄ᬭᬶᬬᬦᬾ᭞ᬳᭂᬦ᭄ᬢᭀᬲ᭄ᬯᬃᬕ᭄ᬕᬲᬸᬩᬢ᭄ᬧᬸᬓ᭄᭞ᬬᬦ᭄ᬢᬦ᭄ᬲᬶᬤ᭄ᬥᬩᬦ᭄‌ᬗᬺᬢᬶᬦ᭄᭞ᬳᭂᬦ᭄ᬢᭀᬫᬤ
ᬦ᭄ᬓᬯᬄ᭞ᬤᬶᬓᬯᬳᬾᬧᬬᬸᬳᬸᬮᬸᬂ᭞ᬓᬾᬢᭀᬯᬗ᭄ᬲᬶᬢ᭄ᬩᬩ᭄ᬦᭂᬳᬦ᭄᭞ᬦᬾᬤᬶᬳᬯᬓ᭄᭞ᬫᬃᬕ᭄ᬕᬤᬤ᭄ᬯᬢᬸᬳᬸᬢ᭄ᬚᬦᬶ᭞ᬫᬃᬕ᭄ᬕᬳᬬᬸᬮᬯᬦ᭄ᬳᬮ᭟᭙᭙᭟ᬬᬦᬶᬂᬲᬶᬤ᭄ᬥᬳᬶᬦ᭄ᬤ᭄ᬭᬬᬦᬾᬩᬦ᭄ᬗᬺᬢᬶᬦ᭄᭞ᬳᬤᬨᬮ᭞ᬨ
[᭑᭙ 19A]
ᬮᬤᬶᬃᬖ᭄ᬕᬬᬸᬱ᭞ᬲᬶᬦᬄᬭᬳᬬᬸᬲᭀᬮᬳᬾ᭞ᬳᬲᬶᬂᬕᬯᬾᬧᬕᭂᬄᬧᬸᬕᬸᬄ᭞ᬬᭀᬕᬬᬰᬥᬃᬫ᭄ᬫᬲ᭄ᬢᬶ᭞ᬅᬃᬣᬩ᭄ᬭᬡᬢ᭄ᬯᬭᬳᭀᬩᬄ᭞ᬓᬾᬢᭀᬧᬮᬦᬾᬓᬢ᭄ᬧᬸᬓ᭄᭞ᬬᬦᬶᬂᬳᬶᬦ᭄ᬤ᭄ᬭᬶᬬᬦᬾᬫᬮᬸᬫ᭄ᬩᬃ᭞ᬗᬯᬾᬭᬸᬲᬓ᭄
ᬲᬶᬦᬄᬲᬓᬶᬢᬾᬫ᭄ᬧᬶ᭞ᬓᬯᬳᬾᬲᬸᬩᬫᬘᬥᬂ᭟᭑᭐᭐᭟ᬓᬃᬫ᭄ᬫᬧᬝᬵᬩ᭄ᬯᬶᬦ᭄ᬳᬤᬓᬳᬤᬦᬶᬦ᭄᭞ᬢ᭄ᬯᬄᬲᬜ᭄ᬚᬢ᭞ᬧᬗ᭄ᬭᬸᬲᬓ᭄ᬳᬶᬦ᭄ᬤ᭄ᬭᬶᬬ᭞ᬤᬲᬃᬳᬗ᭄ᬕᭀᬦ᭄ᬫᬫᬸᬗ᭄ᬕᭂᬮᬾ᭞ᬳᬤᬰᬓᬦ᭄ᬤᬦ᭄ᬜᬦᬾᬳᬶᬢᬸᬂ᭞ᬜ
ᬦ᭄ᬤᬂᬦᬾᬚᬦᬶᬯᬶᬮᬗᬶᬦ᭄᭞ᬢᬢ᭄ᬮᬸᬢ᭄ᬯᬄᬳᬸᬮᬶᬂᬫᬦᬄ᭞ᬳᬸᬮᬶᬂᬫᬸᬜᬶᬧᬢ᭄ᬧᬢ᭄‌ᬧᭂᬲᬸ᭞ᬢᬢ᭄ᬮᬸᬩ᭄ᬯᬶᬦ᭄ᬳᬸᬮᬶᬂᬲᭀᬮᬄ᭞ᬲᬸᬩᬧ᭄ᬭᬕᬢ᭄᭞ᬫᬯᬶᬮᬂᬳᬤᬰᬩ᭄ᬲᬶᬓ᭄᭞ᬲᬓᬶᬂᬫᬦᬄᬫᬸᬜᬶᬲᭀᬮᬄ᭟᭐
᭟᭑᭐᭑᭟ᬲᬓᬶᬂᬫᬦᬄᬢᬢᬶᬕᬫᬮᬸᬯᬶᬮᬗᬶᬦ᭄᭞ᬳ᭄ᬥᬮᭀᬪ᭞ᬩᭂᬲᬗᭂᬢ᭄ᬫᭂᬭᬶᬳᬂ᭞ᬳᬶᬭᬶᬂᬕ᭄ᬮᬄᬳᬦᬓᬾ᭞ᬳ᭄ᬥᬓ᭄ᬭᭀᬤᬩᬲ᭄ᬓᬮᬯᬸᬢ᭄᭞ᬭᬶᬂᬩᬩᬸᬭᭀᬦ᭄ᬫᬶᬯᬄᬧ᭄ᬭᬡᬷ᭞ᬩ᭄ᬯᬶᬦ᭄ᬳᭂᬥᬧᬶᬲᬦ᭄ᬘᬫ᭄ᬧᬄ᭞