[᭑᭖ 16B]
᭑᭖
ᬧ᭄ᬭᬡᬫ᭄ᬬ᭞ᬭᬶᬂᬓᬤᬂᬩ᭄ᬭᬬᬯᬃᬕ᭄ᬕᬶᬦᬾ᭞ᬳᬢᬶᬲᬥᬸᬍᬃᬦ᭄ᬭᬸᬲ᭄᭞ᬢᬦᬺᬲᬗ᭄ᬲᬵᬲᬥᬸᬩᬸᬤ᭄ᬥᬶ᭞ᬦᬺᬲᬗ᭄ᬲᬦᬾᬳᬃᬣᬶᬬᬂ᭞ᬲᬂᬗᬢ᭄ᬫᬲᬸᬓᬵᬮᬸᬫᬓᬹ᭞ᬲᬸᬓᬦᬾᬫᬧᬭᬦ᭄ᬧᬭᬦ᭄᭞ᬮᬸᬯᬲ᭄ᬗᬯ
ᬕ᭄᭞ᬅᬭᬶᬫ᭄ᬪᬯᬵᬳᬶᬮᬂᬧᬮᬶᬂ᭞ᬢ᭄ᬯᬭᬗᬶᬢᬸᬂᬮᬭᬦ᭄ᬳᬦᬓ᭄᭟᭘᭘᭟ᬳ᭄ᬤᬧᬶᬲᬦ᭄ᬢ᭄ᬯᬭᬳᬭᬶᬫ᭄ᬩᬯᬵᬤᬶᬕᬸᬫᬶ᭞ᬢ᭄ᬓᬾᬦ᭄ᬳᬦᬓ᭄᭞ᬬᬦᬶᬂᬢ᭄ᬯᬭᬫ᭄ᬮᬄ᭞ᬦᬾᬳᬗ᭄ᬕᭀᬦ᭄ᬤᬶᬤᬾᬯᬾᬓᬾ᭞ᬳ᭄ᬤᬦ᭄ᬤᬾᬦ᭄ᬫᬧᬸᬮᬂ
ᬧᬬᬸ᭞ᬭᬶᬂᬳᬓᬤᬂᬩᬬᬯᬃᬕ᭄ᬕᬶ᭞ᬩ᭄ᬯᬶᬦ᭄ᬳᬤᬓᭀᬘᬧ᭄ᬤᬫ᭞ᬤᬶᬭᬕᬩᬶᬱᬫᬢᬸᬢᬸᬃ᭞ᬧᬦᬸᬗ᭄ᬕᬮᬦᬶᬂᬇᬦ᭄ᬤ᭄ᬭᬶᬬ᭞ᬓᬳᬺᬢᬦ᭄᭞ᬳᭂᬦ᭄ᬢᭀᬦᬾᬧᬢ᭄ᬧᬢ᭄ᬓᭂᬮᬶᬤᬶᬦ᭄᭞ᬧᬦᬸᬤᬸᬄᬳ᭄ᬬᬂᬫᬦᬸᬓᬸᬦᬵ᭟᭘᭙
᭟ᬳ᭄ᬦᬾᬜᬦ᭄ᬤᬂᬩ᭄ᬯᬢᬂᬳᬸᬕᬶᬓᬃᬤ᭄ᬥᬶᬦᬶᬦ᭄᭞ᬳ᭄ᬤᬧᬶᬲᬦ᭄᭞ᬗᬫᬢᬶᬢᬦ᭄ᬬᭀᬕ᭄ᬬ᭞ᬭᬶᬂᬲᬃᬯ᭄ᬯᬫᬉᬭᬶᬧᬾ᭞ᬫᬶᬯᬄᬲᬢ᭄ᬬᬦᬾᬧᬶᬓᬸᬓᬸᬄ᭞ᬳ᭄ᬤᬧᬶᬲᬦ᭄ᬗᬸᬲᬓ᭄ᬓᬲᬶᬓ᭄᭞ᬫᬭᬶᬂᬧ᭄ᬭᬡᬶᬧ᭄ᬭᬡᬶᬧᬥ᭞ᬓ᭄ᬮᬦ᭄ᬢᭂᬓᬾᬂ
[᭑᭗ 17A]
ᬦ᭄ᬳᬮᬳᬬᬸ᭞ᬳ᭄ᬤᬚᬗ᭄ᬓᬫᬶᬯᬄᬳᬫ᭄ᬧᬄ᭞ᬬᬦᬶᬂᬲᬶᬤ᭄ᬥ᭞ᬩᬸᬓᬓᬾᬢᭀᬓᬢᬦ᭄ᬤᬗᬶᬦ᭄᭞ᬫᬳᬤᬦ᭄ᬲᬂᬲᬶᬤ᭄ᬥᬲᬸᬓ᭟᭙᭐᭟ᬬᬦ᭄ᬢᬦ᭄ᬢᬶᬫ᭄ᬩᬂᬦᬾᬓᭀᬘᬧ᭄ᬧ᭄ᬭᬯᬺᬢ᭄ᬢᬶᬚᬵᬢᬶ᭞ᬳᭂᬦ᭄ᬢᭀᬓᬵᬮ᭞ᬧ᭄ᬭ
ᬯᬺᬢ᭄ᬢᬶᬢ᭄ᬕᭂᬲᬂ᭞ᬳᬶᬥᭂᬧ᭄ᬲᭀᬮᬄᬫᬶᬯᬄᬫᬸᬜᬶᬦᬾ᭞ᬧᬦᬶᬫ᭄ᬩᬗᬦ᭄ᬫᬤᬦ᭄ᬋᬚᬹ᭞ᬬᬦ᭄ᬢᬦ᭄ᬋᬚᬹᬫᬓᬲᬫᬶ᭞ᬳ᭄ᬤᭀᬄᬫᬗᬸᬗ᭄ᬲᬶᬓᬫᭀᬓ᭄ᬱᬦ᭄᭞ᬦᬗᬶᬂᬬᬦᬶᬂᬧᬕᭂᬄᬧᬸᬕᬸᬄ᭞ᬳᬶᬧ᭄ᬭᬯᬺᬢᬶᬓᬧᬕᭂᬳᬂ᭞
ᬲᬶᬦᬄᬦᬸᬗ᭄ᬓᬧ᭄᭞ᬲ᭄ᬯᬃᬕ᭄ᬕᬩ᭄ᬭᬳ᭄ᬫᬵᬦᬾᬓᬳᬸᬗ᭄ᬲᬶ᭞ᬓᬾᬢᭀᬨᬮᬦᬾᬓᬢ᭄ᬭᬶᬫᬵ᭟᭙᭑᭟ᬦᬄᬕᬯᬾᬦᬶᬦ᭄ᬳᬲ᭄ᬢᬶᬢᬶᬬᬂᬲᬂᬳ᭄ᬬᬂᬳᬸᬭᬶᬧ᭄᭞ᬳᬧᬂᬲᬶᬤ᭄ᬥ᭞ᬫᬫᬗ᭄ᬕᬸᬄᬭᬳᬬ᭄ᬯ᭞ᬦᬶᬲ᭄ᬓᬮᬫ᭄ᬯᬄᬲ᭄ᬓᬮᬦ᭄ᬦᬾ᭞
ᬭᬯᭀᬲ᭄ᬮᬶᬬᬸᬢᬦ᭄ᬧᬳᬸᬦ᭄ᬤᬸᬓ᭄᭞ᬢᬦ᭄ᬧᬕᬸᬡᬮ᭄ᬬᬸᬫᬸᬜᬶ᭞ᬧᬮᬶᬂᬫ᭄ᬮᬄᬬᬩᬯᬓᬦ᭄᭞ᬤᬾᬲᬓᬶᬂᬳᬶᬥᭂᬧ᭄ᬲᬸ᭞ᬫᬸᬜᬶᬲᭀᬮᬄᬳᬾᬫᬓ᭄ᬚᬂ᭞ᬳᬧᬂᬗ᭄ᬤ᭞ᬳᬶᬥᭂᬧᬾᬫᬓ᭄ᬭᬡᬧᬮᬶᬂ᭞ᬬᬦ᭄ᬮᬶᬬᬸᬩ
Kaca:Bali-lontar-paparikan-sarasamuscaya-300ppi.pdf/17
Kaca puniki sampun kauji-wacén
