[᭑᭕ 15B]
᭑᭕
ᬕᬸᬭ᭄ᬯᬦ᭄᭞ᬭᬶᬂᬲᬂᬓᬵᬩ᭄ᬭᬳ᭄ᬫᬡᬦ᭄᭞ᬢ᭄ᬯᬶᬭᬶᬂᬓ᭄ᬱᬢ᭄ᬭᬶᬬᬦᬾ᭞ᬫᬦᬶᬯᬓᬂᬤᬵᬦᬧᬢᬹᬢ᭄᭞ᬭᬶᬓᬵᬮᬤᬾᬯᬰᬵᬩ᭄ᬩᭂᬘᬶᬓ᭄᭞ᬲᬂᬯᬾᬢ᭄ᬬᬧᬢᬹᬢ᭄ᬗᭂᬥᬸᬫᬂ᭞ᬳᬲᬶᬂᬪᬓ᭄ᬢᬶᬭᬶᬂᬲᬂᬧ᭄ᬭᬪᬹ᭞ᬧᬶᬢ᭄ᬯᬶᬭᬶᬲᬂᬩ᭄ᬭᬳ᭄ᬫᬡ᭞ᬢᬼᬩ᭄ᬫᬫᬹᬚ
᭞ᬭᬶᬂᬳᬶᬤᬳ᭄ᬬᬂᬢ᭄ᬭ᭄ᬬᬖ᭄ᬦᬶ᭞ᬓᬳᬸᬘᬧ᭄ᬖ᭄ᬦᬶᬢᬢᬶᬕᬵ᭟᭘᭓᭟ᬚᬦᬶᬯᬶᬮᬂᬯᬵᬱ᭄ᬝᬦ᭄ᬜᬦᬾᬳᬶᬕ᭄ᬦᬶ᭞ᬲᭀᬯᬂᬲᭀᬯᬂ᭞ᬆᬯᬳᬦᬶᬬᬯᬦ᭄᭞ᬕᬵᬳᬲ᭄ᬧᬣ᭄ᬬᬘᬶᬢ᭄ᬢᬕ᭄ᬦᬶᬦᬾ᭞ᬅᬯᬳᬦᬶᬬᬢ᭄ᬕᭂᬲ᭄ᬳᬶᬧᬸᬦ᭄᭞ᬲᬵᬃᬯ᭄ᬯᬤ
ᬳᬃᬓᬭᬢ᭄ᬗᬶᬦ᭄᭞ᬕᬳᬵᬲ᭄ᬧᬣ᭄ᬬᬦᬾᬓᭀᬘᬧ᭄᭞ᬕ᭄ᬦᬶᬲᬵᬓ᭄ᬱᬶᬦᬶᬂᬧᬫᬸᬧᬸᬢ᭄᭞ᬧᬸᬧᬸᬢ᭄ᬢᬶᬗ᭄ᬓᬄᬧᬯᬭᬗᬦ᭄᭞ᬧᬯᬶᬯᬳᬦ᭄᭞ᬳᬗᬸᬦ᭄ᬢᬢ᭄ᬳᬶᬘᬶᬢ᭄ᬢᬕ᭄ᬦᬶ᭞ᬕ᭄ᬦᬶᬧᬗ᭄ᬲᭂᬂᬳᬶᬰᬯ᭟᭘᭔᭟ᬕ᭄ᬦᬶᬢᬶᬕᬲᬂᬯᬾᬰ᭄ᬬᬧᬵᬢᬹᬢ᭄ᬗᬲ᭄ᬢᬶᬢᬶ
᭞ᬫᬦ᭄ᬭᬸᬯᬾᬦᬂ᭞ᬤᬦᬾᬫᬫᬹᬚᬬᬂ᭞ᬓᬾᬢᭀᬧᬵᬢᬹᬢ᭄ᬲᬂᬯᬾᬱ᭄ᬬᬦᬾ᭞ᬓ᭄ᬭᬡᬤᬦᬾᬫᬗ᭄ᬕᬸᬳᬬᬸ᭞ᬧᬘᬂᬦᬸᬗ᭄ᬓᬧ᭄ᬲ᭄ᬯᬃᬕ᭄ᬕᬍᬯᬶᬄ᭞ᬧᬮᬓᬵᬃᬫ᭄ᬫᬦ᭄ᬤᬦᬾᬫ᭄ᬮᬄ᭞ᬫᬜ᭄ᬭᬸᬯᬤᬶᬲᬶᬦᬄᬳᬬᬸ᭞ᬢᬦ᭄ᬓᬢᬫᬦ᭄ᬮᬭᬭᭀ
[᭑᭖ 16A]
ᬖ᭞ᬫᬗ᭄ᬕᬶᬄᬲᬥ᭄ᬬ᭞ᬤᬶᬃᬖᬬᬸᬱᬫᬯᬵᬧ᭄ᬦᭀᬢᬶ᭞ᬢᬸᬳᬸᬢᬮᬲ᭄ᬬᬢᬦ᭄ᬳᬮᬗᬦ᭄᭞᭘᭕᭟ᬯ᭄ᬬᬓ᭄ᬢᬶᬭᬸᬱᬓ᭄ᬬᬦᬶᬂᬭᬢᬸᬯ᭄ᬥᬶᬯ᭄ᬥᬶ᭞ᬲᬂᬩ᭄ᬭᬳ᭄ᬫᬵᬡ᭞ᬫᬵᬫ᭄ᬩᭂᬓ᭄ᬲᬵᬃᬯ᭄ᬯᬪᬓ᭞ᬲᬂᬯᬾᬰ᭄ᬬᬢᬦ᭄ᬉᬢ᭄ᬲᬳᬦ᭄ᬦᬾ᭞ᬢᬦᬶ
ᬦᬹᬢᬶᬦ᭄ᬓᬃᬬ᭄ᬬᬢᬸᬳᬸ᭞ᬲᬸᬤ᭄ᬭᬍᬫᭂᬄᬢᬦ᭄ᬳᬲ᭄ᬢᬶᬢᬶ᭞ᬢ᭄ᬯᬭᬲᬸᬤᬶᬫᬜᬾᬯᬓᬵ᭞ᬤᬸᬃᬰ᭄ᬰᬶᬮᬳᬤ᭄ᬥᬶᬲᬂᬯᬶᬓᬸ᭞ᬢ᭄ᬯᬭᬧᬕᭂᬄᬲᬂᬫᬯᬗ᭄ᬲ᭞ᬳᬶᬲ᭄ᬢ᭄ᬭᬶᬘᭀᬭᬄ᭞ᬢᬦ᭄ᬲᬢ᭄ᬬᬭᬶᬂᬕᬸᬭᬸᬮᬓᬶ᭞ᬲᬂᬩ᭄ᬭᬵᬳ᭄ᬫᬡᬦᭀᬭᬲᬢ᭄ᬬ᭟
᭘᭖᭟ᬯᬦᬵᬧ᭄ᬭᬲ᭄ᬢᬢ᭄ᬯᬭᬫᬤᬩ᭄ᬤᬩ᭄ᬫᬢᬓᬶ᭞ᬭᬶᬂᬓᬫᭀᬓ᭄ᬱᬦ᭄᭞ᬇᬦ᭄ᬤ᭄ᬭᬶᬬᬢᬦ᭄ᬳᬶᬮᬂ᭞ᬳᬕᬸᬂᬧᬜᬓᬶᬢ᭄ᬭᬕᬦᬾ᭞ᬢᭀᬂᬗᬃᬤ᭄ᬥᬶᬦᬶᬦ᭄ᬢᬶᬃᬣᬳᬬᬸ᭞ᬲᬸᬓᬯᬰᬡᬢᬦ᭄ᬢᭀᬮᬶᬄ᭞ᬕ᭄ᬭᬳᬲ᭄ᬢᬢᬦ᭄ᬢᬺᬱ᭄ᬡᬂᬧᬸᬢ᭄ᬭ᭞
ᬧᬸᬭᬶᬳᬕᬸᬂᬢᬦ᭄ᬧᬭᬢᬸ᭞ᬬᬦᬶᬂᬓᬾᬢᭀᬮᬢ᭄ᬲᬬᬂ᭞ᬢᬦ᭄ᬧᬕᬸᬡᬵ᭞ᬳᬗ᭄ᬕᬦᬶᬂᬳᬶᬩᬸᬗᬵᬫᬶᬳᬶᬓ᭄᭞ᬫᭂᬦ᭄ᬢᬶᬓ᭄ᬭᬶᬂᬢ᭄ᬗᬳᬶᬂᬲ᭄ᬫ᭟᭘᭗᭟ᬳ᭄ᬦᬾᬳᬤᬫᬓᬰ᭄ᬭᬡᬦ᭄ᬳᬶᬯᬗ᭄ᬰᬲᬫᬶ᭞ᬫᬓᬧᬢ᭄ᬧᬢ᭄᭞ᬧᬢᬹᬢᬾ
Kaca:Bali-lontar-paparikan-sarasamuscaya-300ppi.pdf/16
Kaca puniki sampun kauji-wacén
