[᭑᭔ 14B]
᭑᭔
ᬡᬦ᭄ᬦᬾᬚᬵᬢᬶ᭞ᬢ᭄ᬯᬭᬳᭀᬩᬄ᭞ᬲᬢᬢᬫ᭄ᬗᬚ᭄ᬬᬦᬵ᭞ᬫᬯᬾᬤᬤᬦᬵᬧᬹᬡ᭄ᬬᬦᬾ᭞ᬢᬼᬩ᭄ᬫᬢᬶᬃᬣᬳᬬᬸ᭞ᬚᬸᬭᬸᬳᬸᬭᬸᬓ᭄ᬫᬗᬸᬭᬸᬦᬶᬦ᭄᭞ᬫᬓᬯᬶᬓᬸᬦᬶᬂᬬᬚ᭄ᬜᬵ᭞ᬫᬦᬗ᭄ᬕᬧᬂᬧᬹᬡ᭄ᬬᬳᬬᬸ᭞ᬓᬾᬢᭀᬢᬸᬯᬶᬓᬵᬃᬬ᭄ᬬ
ᬦ᭄ᬳᬶᬤᬵ᭞ᬓᬧᬕᭂᬳᬂ᭞ᬳᬶᬦᬸᬘᬧ᭄ᬩ᭄ᬭᬳ᭄ᬫᬵᬡᬚᬵᬢᬶ᭞ᬢᬸᬭᬸᬦ᭄ᬲᬓᬾᬂᬲᬂᬳ᭄ᬬᬂᬩ᭄ᬭᬳ᭄ᬫᬵ᭟᭗᭘᭟ᬬᬦ᭄ᬳᬶᬢᬸᬗᬂᬩ᭄ᬭᬢᬦ᭄ᬲᬂᬩ᭄ᬭᬳ᭄ᬫᬵᬡᬍᬯᬶᬄ᭞ᬭᭀᬭᬲ᭄ᬧᬲᬮ᭄᭞ᬥᬃᬫ᭄ᬫᬲᬢ᭄ᬬᬢᬧ᭞ᬤᬫᬯᬶᬫᬃᬲᬭᬶᬢ᭄ᬯᬦᬾ᭞
ᬳ᭄ᬭᬶᬄᬢᬶᬢᬶᬓ᭄ᬱᬧᬸᬢᬸᬲ᭄᭞ᬳᬦᬲᬸᬬᬬᬚ᭄ᬜᬥᬺᬢᬶ᭞ᬤᬵᬦᬫᬶᬯᬄᬓ᭄ᬱᬫ᭞ᬧᬸᬧᬸᬢ᭄ᬯᭀᬭᬲ᭄ᬫᬳᬶᬢᬸᬂᬥᬃᬫ᭄ᬫᬲᬢ᭄ᬬᬧᬫᬕᭂᬳᬦ᭄᭞ᬗᬭᬦ᭄ᬢᬧ᭞ᬫᬫᬦᭂᬲᬶᬦ᭄ᬭᬕᬲᬳᬶ᭞ᬓᬸᬓᬸᬄᬫᬫᬸᬗ᭄ᬕᭂᬮ᭄ᬳᬶᬦ᭄ᬤ᭄ᬭᬶᬬ᭟᭗᭙᭟ᬤᬫ
ᬗᬭᬦ᭄ᬉᬧᬲᬫᬵᬢᬸᬢᬸᬃᬚᬵᬢᬶ᭞ᬢᬦ᭄ᬲᬄᬗᬦ᭄ᬤᬧ᭄᭞ᬲᬂᬯᬶᬫᬵᬢ᭄ᬲᬭᬶᬢ᭄ᬯ᭞ᬦᭀᬭᬓᬢᬫᬦ᭄ᬳᬶᬭᬶᬦ᭄ᬦᬾ᭞ᬳ᭄ᬭᬶᬄᬩᬶᬱᬚ᭄ᬗᬄᬧᬵᬢᬹᬢ᭄᭞ᬢᬶᬢᬶᬓ᭄ᬱᬫᬮᬶᬄᬢ᭄ᬕᭂᬲᬶᬦ᭄᭞ᬢ᭄ᬯᬭᬢᬳᬾᬦ᭄ᬫᬫ᭄ᬩᭂᬓ᭄ᬓ᭄ᬭᭀᬥ᭞ᬳᬦᬲᬸᬬᬦᬾᬧᬸᬧᬸ
[᭑᭕ 15A]
ᬢ᭄᭞ᬢᭀᬂᬫᬫᬦᭂᬲ᭄ᬗᬯᬾᬥᭂᬡ᭄ᬥᬵ᭞ᬬᬚ᭄ᬜᬵᬗᬭᬦ᭄᭞ᬢᬼᬩ᭄ᬫᬫᬸᬚᬲᬵᬲᬳᬶ᭞ᬧᬕᭂᬄᬓᬬᬸᬦᬾᬦᬶᬃᬫ᭄ᬫᬮ᭟᭘᭐᭟ᬬᬦᬶᬂᬤᬵᬦᬧᬶᬢ᭄ᬕᭂᬲᬂᬩ᭄ᬯᬶᬦ᭄᭞ᬫᬜᬮᬦᬂ᭞ᬗᬯᬾᬤᬵᬦᬧᬹᬡ᭄ᬬ᭞ᬫᬮᬶᬄᬳᬃᬣ᭄ᬬᬂᬥᬺᬢᬶᬦ᭄ᬦᬾ᭞ᬩᬸ
ᬤ᭄ᬥᬶᬳ᭄ᬦᬶᬂᬦ᭄ᬭᬸᬲ᭄ᬢᬸᬜ᭄ᬚᬸᬂ᭞ᬓ᭄ᬱᬫᬵᬫᬧᬶᬢ᭄ᬕᭂᬲ᭄ᬫᬮᬶᬄ᭞ᬓ᭄ᬮᬦ᭄ᬭᬶᬂᬲᬸᬓᬤᬸᬄᬓ᭞ᬩ᭄ᬭᬢᬭᭀᬭᬲ᭄ᬲᬸᬩᬧᬸᬧᬸᬢ᭄᭞ᬳᬕᭂᬫ᭄ᬳᬶᬤᬲᬂᬩ᭄ᬭᬳ᭄ᬫᬵᬡ᭞ᬫᬓᬭᭀᬭᬲ᭄᭞ᬫᬗ᭄ᬤᬲ᭄ᬓᭂᬦ᭄ᬫᬸᬂᬫᬗ᭄ᬯᬶᬮᬗᬶᬦ᭄᭞ᬩ᭄ᬲᬶᬓ᭄ᬩᭂᬲᬶᬓᬂᬤᬶᬫᬦᬄ᭟᭘᭑
᭟ᬫᬮᬶᬄᬯᬶᬮᬂᬓ᭄ᬱᬢ᭄ᬭᬶᬬᬦᬾᬚᬵᬢᬶ᭞ᬦᬾᬦᬾᬬᭀᬕ᭄ᬬ᭞ᬫᬗᬚᬶᬳ᭄ᬬᬂᬯᬾᬤᬵ᭞ᬢᬦ᭄ᬲᬄᬫᬖ᭄ᬦᬶᬳᭀᬢ᭄ᬭᬦ᭄ᬦᬾ᭞ᬗᬯᬾᬬᬚ᭄ᬜᬧᬕᭂᬄᬧᬸᬕᬸᬄ᭞ᬫᬗ᭄ᬭᬓ᭄ᬱᬚᬕᬢᬾᬲᬫᬶ᭞ᬢᬗᬃᬦᬸᬭᬾᬓ᭄ᬱᬳᬶᬧᬜ᭄ᬚᬓ᭄᭞
ᬓᬸᬮᬕᭀᬢ᭄ᬭᬵᬧᬥᬓᭃᬫ᭄ᬧᬸ᭞ᬢᬦ᭄ᬲᬄᬲᬸᬓᬵᬫᬯᬾᬄᬤᬵᬦ᭞ᬬᬦ᭄ᬳᬫᭀᬦ᭄ᬢᭀ᭞ᬲᬶᬤ᭄ᬥᬳᬦ᭄ᬢᬸᬓ᭄ᬗᬫᬃᬕ᭄ᬕᬶᬦᬶᬦ᭄᭞ᬭᬶᬯ᭄ᬓᬲ᭄ᬫᬦᬶᬜ᭄ᬘᬧ᭄ᬲ᭄ᬯᬃᬕ᭄ᬕᬵᬦ᭄᭟᭘᭒᭟ᬬᬦ᭄ᬲᬂᬯᬾᬰ᭄ᬬᬦᬾᬦᬾᬧᬢᬹᬢ᭄ᬓᬫᬃᬕ᭄ᬕᬶᬦᬶᬦ᭄᭞ᬫᬧ
Kaca:Bali-lontar-paparikan-sarasamuscaya-300ppi.pdf/15
Kaca puniki sampun kauji-wacén
