Kaca:Bali-lontar-paparikan-sarasamuscaya-300ppi.pdf/13

Saking Wikisource
Kaca puniki sampun kauji-wacén

[᭑᭒ 12B]
᭑᭒
ᬧᬗ᭄ᬕᬶᬄ᭞ᬤᬾᬦᬶᬂᬩ᭄ᬓᭂᬮ᭄ᬢᬸᬦᬵᬬᬰᬵ᭟᭖᭗᭟ᬓ᭄ᬭᬡᬜᬦ᭄ᬤᬂᬩ᭄ᬓᭂᬮᬾᬚᬦᬶᬓᬃᬤ᭄ᬥᬶᬦᬶᬦ᭄᭞ᬦᬾᬦᬾᬫ᭄ᬮᬄ᭞ᬳ᭄ᬫᬲᬾᬳᬸᬢ᭄ᬢᬫ᭄ᬫᬵ᭞ᬓᬾᬯᭂᬄᬗ᭄ᬭᬫ᭄ᬧᬲ᭄ᬫᬮᬶᬗᬾ᭞ᬳᭂᬦ᭄ᬢᭀᬳ᭄ᬫᬲ᭄ᬧᬘᬂᬦᬸᬢᬸᬕ᭄᭞ᬫᬳᬶᬍᬳᬦ᭄ᬢᭂᬓᬾᬂᬫᬢᬶ
᭞ᬳᭂᬦ᭄ᬢᭀᬜᬦ᭄ᬤᬂᬧ᭄ᬭᬶᬳᬂ᭞ᬳᬗ᭄ᬕᭀᬦ᭄ᬲᬗᬸᬫᬢᬶᬳᬶᬥᬸᬧ᭄᭞ᬳᬸᬮᬶᬂᬚᬦᬶᬩᬦ᭄ᬦᬫ᭄ᬩᬸᬦᬂ᭞ᬕᬮᬶᬢᬶᬓᬂ᭞ᬧᬓᬃᬤ᭄ᬥᬶᬦᬶᬦ᭄ᬲᬳᬶᬲᬳᬶ᭞ᬤᬶᬮᬸᬯᬲᬾᬳᬧᬂᬳᬾᬮᬄ᭟᭖᭘᭟ᬬᬤᬶᬦ᭄ᬢᬶᬯᬵᬲ᭄ᬩᬦ᭄ᬩ᭄ᬭᬡᬵᬫᬲ᭄ᬧᬶᬧᬶᬲ᭄᭞ᬤ
ᬗᬶᬢᬸᬗᬂ᭞ᬫᬜᭂᬗ᭄ᬕᬸᬄᬫᬓᭂᬦ᭄ᬢ᭞ᬲᬶᬦᬄᬭᬳᬬᬸᬭᬶᬧᬾ᭞ᬗᬶᬤᬶᬄᬦᬸᬦᬲ᭄ᬫᬲᬶᬄᬳᬬᬸ᭞ᬓᬾᬯᬮᬧᬕᭂᬄᬤᬶᬳᬶᬢᬶ᭞ᬥᬃᬫ᭄ᬫᬧ᭄ᬭᬯᬺᬢ᭄ᬢᬶᬧ᭄ᬭᬫᬸᬓᬵ᭞ᬫᬓᬤᬲᬃᬗᭂᬢᬹᬢ᭄ᬳᬬᬸ᭞ᬲᬓ᭄ᬱᬢ᭄ᬲᬸᬕᬶᬳᬾᬫᬳᬯᬵᬓ᭄᭞ᬲᬶᬦᬄᬧᬶᬲ
ᬦ᭄᭞ᬥᬃᬫ᭄ᬫᬧ᭄ᬭᬯᬺᬢ᭄ᬢᬶᬳ᭄ᬫᬲ᭄ᬫᬡᬶᬓ᭄᭞ᬩ᭄ᬭᬡᬢᬦ᭄ᬓᭂᬦᬾᬂᬯᬶᬦᬶᬮᬂ᭟᭖᭙᭟ᬓᬲᬤᬸᬦᬾᬳᭂᬦ᭄ᬢᭀᬧ᭄ᬭᬶᬳᬂᬦᬾᬚᬦᬶ᭞ᬳᬶᬦᬵᬃᬚ᭄ᬚᬦᬦ᭄‌ᬳᬧᬂᬲᬶᬤ᭄ᬥᬩᬓᬢ᭄᭞ᬲᬂᬯᬶᬓᬸᬓᬾᬦᬾᬳᬸᬘᬧᬾ᭞ᬳᭂᬦ᭄ᬢᭀᬳ᭄ᬫᬲ᭄ᬫᬡᬶᬓ᭄ᬢᬸᬳᬸ
[᭑᭓ 13A]
᭞ᬢᭀᬂᬲᬶᬤ᭄ᬥᬩᬳᬦ᭄ᬜᭀᬭᬳᬶᬦ᭄᭞ᬳᭂᬦ᭄ᬢᭀᬩᬸᬯᬶᬦ᭄‌ᬗ᭄ᬭᬓ᭄ᬱᬳᬯᬓ᭄᭞ᬩ᭄ᬯᬶᬦ᭄ᬓᭂᬫᬶᬢ᭄ᬳᬧᬂᬢᬸᬳᬸ᭞ᬳ᭄ᬤᬧᬶᬲᬦ᭄ᬦᬸᬮᬾᬫᬦᬂ᭞ᬯᬶᬭᬾᬄᬫᬸᬮ᭞ᬳᬸᬮᬶᬗᬯᬓ᭄ᬢᭂᬓᬫᬮᬶᬂ᭞ᬫᬮᬶᬂᬕᬮᬓ᭄ᬢᬦ᭄ᬧᬳᬶᬗᬦ᭄᭟᭗᭐᭟ᬳ᭄ᬤᬫᬾᬕᬮ᭄
ᬫᬗ᭄ᬭᬫ᭄ᬧᬲ᭄ᬫᬫᬮᬶᬂ᭞ᬗᬮᬶᬄᬤᬳᬃ᭞ᬳ᭄ᬤᬗᬸᬢᬂᬥᬃᬫ᭄ᬫ᭞ᬓᬩᬢᭂᬓ᭄ᬩᬳᬦ᭄‌ᬲ᭄ᬤᬸᬓᬾ᭞ᬲᬶᬦᬄᬢ᭄ᬯᬭᬓᬶᬭᬂᬲᬗᬹ᭞ᬬᬦ᭄ᬲᬸᬩᬳ᭄ᬜᬓ᭄ᬫᬗᬮᬶᬄ᭞ᬕᬸᬦᬸᬂᬳᬮᬲ᭄ᬢᬸᬓᬤ᭄ᬮᬶᬗ᭄ᬕᬄ᭞ᬤᬶᬢᬸᬢᭀᬗᭀᬲ᭄ᬲᬗᬸᬮ᭄ᬬᬸ᭞ᬧᬗᬮᬶᬳᬾᬧᬤᬳᬶᬗ
ᬦ᭄᭞ᬦᬾᬤᬶᬚᬕᬢ᭄᭞ᬳᬓᬱᬮᬯᬦ᭄ᬧ᭄ᬭᬣᬶᬯᬷ᭞ᬳᭂᬦ᭄ᬢᭀᬫᬾᬫᬾᬫ᭄ᬯᬄᬳᬶᬩᬧ᭟᭗᭑᭟ᬚ᭄ᬭᭀᬦᬶᬂᬳᬮᬲ᭄ᬳᬤᬢᬸᬓᬤ᭄ᬤᬳᬢ᭄‌ᬳ᭄ᬦᬶᬂ᭞ᬥᬍᬫ᭄ᬮᬶᬗ᭄ᬕᬄ᭞ᬳᬭᭀᬩ᭄ᬭᭀᬩᬦ᭄ᬳᬮᬲ᭄᭞ᬮ᭄ᬬᬸᬳᬸᬮᬸᬂᬤᭀᬦ᭄ᬓᬬᬸᬦ᭄ᬦᬾ᭞ᬩᬸᬮᬦ᭄ᬧᬹᬃ
ᬡ᭄ᬦᬫᬦᬸᬚᬸ᭞ᬳ᭄ᬤᭀᬄᬧᬭᬵᬫᬦᬾᬚᬦᬶᬦ᭄᭞ᬢ᭄ᬗᬄᬢᬸᬓᬤᬾᬧᬸᬦᬶᬓᬵ᭞ᬤᬾᬦᬶᬂᬓᬢ᭄ᬓᭂᬧ᭄ᬩᬦ᭄ᬓᬬᬸ᭞ᬓᬾᬢᭀᬤᬾᬯᬬᬦ᭄ᬳᬸᬧᬫ᭞ᬲᬂᬓᬯᬶᬃᬬ᭄ᬬᬦ᭄᭞ᬓᬳᬸᬩᬸᬗᬦ᭄‌ᬳ᭄ᬫᬲ᭄ᬧᬶᬧᬶᬲ᭄᭞ᬤ᭄ᬥᬃᬫ᭄ᬫᬦᬾᬤᬤᬶᬫᬍᬘᬢ᭄᭟᭗᭒᭟