[᭙᭗ 97B]
᭙᭗
ᬗ᭄ᬕᬶᬄᬫᭂᬤᬮ᭄ᬲᬵᬫ᭄ᬧᬸᬦ᭄ᬳᬤᬶ᭞ᬩᭂᬮᬶᬤᬳᬢ᭄ᬲᭂᬤᬶᬄᬳᬸᬬᬂ᭞ᬲᬵᬫ᭄ᬧᬸᬦ᭄ᬳᬤᬶᬲᬸᬯᬾᬲᬸᬯᬾ᭞ᬳᬸᬤᬸᬄᬫᬶᬦᬩ᭄ᬦᭀᬭᬯᬶᬓᬦ᭄᭞ᬓᬾᬯᭂᬄᬧᬸᬦᬶᬓᬶᬳᬶᬚᬷᬯ᭞ᬲᬶ
ᬦᬄᬚᬕᬫᬶᬗ᭄ᬕᬢ᭄ᬫᬶᬮᬸ᭞ᬲᬓᬤᬶᬳᬤᬶᬧᬸᬦᬶᬓ᭟᭒᭟ᬩᭂᬮᬶᬲᬵᬫ᭄ᬧᬸᬦ᭄ᬫᬵᬦ᭄ᬢᬸᬓ᭄ᬫᬗ᭄ᬓᬶᬦ᭄᭞ᬳᬸᬮᬶᬗᬫᬢ᭄ᬬᬂᬥᬦᬸᬚᬵ᭞ᬓᬪᬷᬦᬯᬮᬓ᭄ᬱᬡᬦ᭄ᬦᬾ᭞
ᬲᬗ᭄ᬓᬦ᭄ᬭᬕᬦ᭄ᬳ᭄ᬬᬤᬶᬫᬶᬭᬄ᭞ᬢᬦ᭄ᬯᬾᬦ᭄ᬢᭂᬦ᭄ᬦᬾᬫᬗ᭄ᬓᬶᬦ᭄ᬢᭂᬓᬵ᭞ᬫᬫᬧ᭠ᬕ᭄ᬲᬵᬳᬗᭂᬮᬸᬢ᭄᭞ᬫᬓᬵᬤᬭᬓᬦ᭄ᬳᬶᬤᬾᬯ᭟᭓᭟ᬧᬸᬦᬧᬶᬧᬸᬦᬶᬓᬵ
ᬳᬤᬶ᭞ᬳᬶᬯᬂᬩᭂᬮᬶᬦᬾᬧᬸᬦᬶᬓᬵ᭞ᬫᬵᬦ᭄ᬢᬸᬓ᭄ᬭᬶᬂᬭᬕᬦ᭄ᬳᬤᬶᬦᬾ᭞ᬩᭂᬘᬶᬓ᭄ᬧᬸᬦᬶᬓᬦ᭄ᬤᬶᬓᬬᬂ᭞ᬳᬤᬶᬩᬲ᭄ᬜᬓᬶᬢᬶᬦ᭄ᬧᬶᬲᬦ᭄᭞ᬢᭂᬓᬾᬳᬦᬓ᭄ᬪ
[᭙᭘ 98A]
ᬓ᭄ᬢᬶᬢᬸᬳᬸ᭞ᬢᬸᬃᬫᬦᬶᬢᬦ᭄ᬫᬭᬶᬢᬺᬱ᭄ᬡᬵ᭟᭔᭟ᬕᬶᬭᬶᬕᬳᬦᬫᬓᬤᬶ᭞ᬤᬶᬩᬸᬓᬶᬢ᭄ᬳᬮᬲᬾᬤᬶᬚ᭞ᬫᬶᬯᬄᬤᬶᬕᬸᬦᬸᬗᬾᬜ᭄ᬘᬾᬦ᭄᭞ᬢᬓᬾᬦᬂᬕᭂᬄ
ᬳᬶᬤᬾᬯᬵᬓᬮᬶᬯᬢ᭄ᬳᬤᬶᬗᭂᬫ᭄ᬩᬳᬂ᭞ᬭᬶᬂᬩᭂᬮᬶᬫᭂᬢᬸᬯᬂᬩᭂᬦ᭄ᬤᬸ᭞ᬦᬾᬲᭂᬗ᭄ᬓᬦᭀᬭᬗᬦ᭄ᬤᬶᬓ᭟᭕᭟ᬚᬦ᭄ᬢᭀᬲ᭄ᬳᬶᬘᬮ᭄ᬲᬦᬾᬫᬗ᭄ᬓᬶᬦ᭄᭞ᬓᬧᬕᭂᬳ᭄ᬩᭂᬮᬶ
ᬤᬾᬯ᭞ᬤᭂᬓ᭄ᬤᭂᬓ᭄ᬮᬦᬺᬫᬸᬓ᭄ᬫᬦᬳᬾ᭞ᬭᬸᬲᬓ᭄ᬳᬸᬮᬶᬳᬦ᭄ᬳᬶᬫᬶᬭᬄ᭞ᬘᬭᬓᬳᭀᬭᭀᬲ᭄ᬯᬮᬸᬬ᭞ᬢᬫ᭄ᬩᬶᬲ᭄ᬢᬫ᭄ᬩᬶᬲ᭄ᬳᭂᬦ᭄ᬢᭀᬫᭂᬲᬸ᭞ᬳᬸᬭᬶᬧ᭄ᬩᭂᬮᬶᬦᬾᬫᬸᬃᬳᬶ᭠
ᬮᬂ᭟᭖᭟ᬩᭂᬮᬶᬢᬦ᭄ᬫᬭᬶᬫᬗᭂᬮᬶᬂ᭞ᬲᬶᬦᬄᬓᬦ᭄ᬢᭀᬲ᭄ᬩᭂᬗᬸᬮ᭄ᬩᬭᬓ᭄᭞ᬧᭂᬤᬲ᭄ᬫᭂᬢᬸᬭᬄᬫᬢᬦᬾ᭞ᬲᬳᬶᬩᭂᬮᬶᬫᬲᬫ᭄ᬩᬢᬦ᭄᭞ᬦᬸᬮᬫᬾᬭᬕᬦ᭄ᬳᬶ
Kaca:Bali-lontar-paparikan-ramayana-350ppi.pdf/98
Kaca puniki sampun kauji-wacén
