Kaca:Bali-lontar-paparikan-ramayana-350ppi.pdf/93

Saking Wikisource
Kaca puniki sampun kauji-wacén

[᭙᭒ 92B]
᭙᭒
ᬗ᭄ᬕᬸᬳᬦ᭄ᬳᬶᬤ᭞ᬤᭂᬓ᭄ᬤᭂᬓ᭄ᬭᬸᬲᬓ᭄‌ᬓᬸᬩᬢ᭄ᬓᬩᬶᬢ᭄᭞ᬳᭂᬫ᭄ᬧᬢ᭄ᬳᬸᬮᬸᬂ᭞ᬧᬸᬦᬶᬓᬓ᭄ᬭᬾᬢᬦ᭄ᬳᬶᬤ᭟᭔᭟ᬤ᭄ᬬᬄᬲᬶᬢᬦᬸᬗ᭄ᬕᬸᬭᬶᬂᬓ᭄ᬭᬾᬢ᭞ᬳᬸᬮᬸᬂᬳᬸᬫᬺᬫ᭄ᬳᬚ᭄ᬭᬶᬄ᭞ᬓᬦ᭄ᬢᬸᬭᬶᬂ
ᬮᬶᬗᬶᬢ᭄ᬫᬗᭂᬮᬄ᭞ᬳᬸᬬᬂᬇᬩᬸᬓ᭄ᬫᭂᬳᬄᬯ᭄ᬬᬓ᭄ᬢᬶ᭞ᬭᬶᬂᬩᭂᬢᬾᬦ᭄ᬲᬂᬓᬕᬵᬧᬶᬸᬢᬶᬸᬕᭂᬮᬶᬲ᭄᭞ᬫᬜᬦ᭄ᬤᭂᬃᬭᬭᬶᬲ᭄ᬓᬲᬯᬸᬧ᭄᭞ᬳᬤᬲᬂᬲᬶᬢᬧᬸᬦᬶᬓ᭞ᬫᬳ᭄ᬬᬵ
ᬤᬾᬯᬋᬱᬶᬮᬗᬶᬢ᭄᭞ᬧᬥᬳᬸᬫᬸᬂ᭞ᬲᬫᬶᬧᬥᬗᬲ᭄ᬢᬯᬬᬂ᭟᭕᭟ᬳᬸᬫ᭄ᬬᬂᬤᬾᬯᬮᬦ᭄ᬕᬡ᭄ᬥᬃᬯᬤᬾᬯᬢᬲᬫᬶᬫᬫᬹᬚᬶ᭞ᬳᬾᬯᬩᭂᬦ᭄ᬤᬸᬲᬂᬭᬄᬯᬡ᭞ᬗᭂᬧ᭄‌ᬳᬸ
ᬫᬄᬢᬗᬦᬶᬦ᭄᭞ᬫᬶᬯᬄᬕᭂᬢᬶᬳᬾᬢᬦ᭄ᬫᬭᬶ᭞ᬫᭂᬤᬮ᭄ᬫᭂᬍᬲ᭄ᬢᬦ᭄ᬓᬮᬶᬗᬸ᭞ᬫᬗᬋᬧᬂᬲᬵᬳᬲᬶᬓ᭞ᬗᬶᬜ᭄ᬘᬗᬂᬚᭂᬗᬄᬫᬗᬸᬗ᭄ᬲᬶ᭞ᬲᬂᬚᬝᬬᬸ᭞ᬭᬭᬶᬲ᭄ᬤ
[᭙᭓ 93A]
ᬦᬾᬳᬮᬬ᭄ᬯ᭟᭖᭟ᬓᬢᭂᬓᬸᬮ᭄ᬳᬶᬤᬲᬂᬲᬶᬢ᭞ᬢᬫ᭄ᬩᬶᬲ᭄ᬲᬾᬤᬳᬸᬬᬂᬲᬓᬶᬢ᭄᭞ᬦᭀᬭᬩᭂᬘᬢ᭄ᬧᬓᭂᬩᭂᬃᬜ᭞ᬤᬳᬢ᭄ᬗᬮᬶᬫᭂᬃᬦᬾᬫᬗ᭄ᬓᬶᬦ᭄᭞ᬳᬮᬳᬂᬲ
ᬬᬦ᭄ᬩᬩᭀᬢᬶᬦ᭄᭞ᬬᬾᬦ᭄ᬢᬸᬯᬭᬳᬶᬤᬓᬲᬯᬸᬧ᭄᭞ᬲᬶᬦᬄᬲᬾᬤᬳᬶᬤᬢᬶᬩ᭞ᬦᬶᬓᬫᬵᬯᬶᬦᬦ᭄ᬳᬶᬧᬓ᭄ᬱᬶ᭞ᬲᬬᬦ᭄‌ᬍᬲᬸ᭞ᬲᬸᬗ᭄ᬓᬶᬦ᭄ᬳᬮᭀᬦ᭄ᬫᬗ᭄ᬮ᭠
ᬩᬄ᭟᭗᭟ᬧᭂᬤᬲ᭄ᬭᬯᬸᬄᬲᬂᬭᬄᬯᬡ᭞ᬲᬂᬝᬬᬸᬲᬬᬦ᭄ᬫᬗ᭄ᬮᬶᬄ᭞ᬳᬸᬬᬂ᭠ᬫᬶᬜᭂᬗᬦ᭄ᬭᬶᬂᬧᬭᬦ᭄᭞ᬓᬓᭂᬧᬸᬗᬶᬦ᭄ᬓᬵᬢᬹᬢ᭄ᬩᬸᬭᬶ᭞ᬩᬵᬦ᭄ᬲᬂᬭᬄᬯᬡᬭᬶᬂᬮᬗᬶᬢ᭄
᭞ᬲᬵᬳᬤᬦᬾᬲᬂᬚᬝᬬᬸ᭞ᬓᬢᬶᬩᬦᬶᬦ᭄ᬘᬦ᭄ᬤ᭄ᬭᬳᬲ᭞ᬳᭂᬫ᭄ᬧᬓ᭄ᬓᬫ᭄ᬧᬶ᭠ᬤ᭄ᬜᬳᬶᬧᬓ᭄ᬱᬶ᭞ᬤᬦᬾᬳᬸᬬᬸᬂ᭞ᬭᬭᬶᬲ᭄ᬳᬸᬮᬸᬂᬳᬧᬦ᭄ᬧᬶᬦ᭄ᬭᬂ᭟᭘᭟᭚᭜᭚