[᭘᭙ 89B]
᭘᭙
ᬭᬖᬯ᭞ᬢᬦ᭄ᬧᬶᬲᬦ᭄ᬳᬶᬤᬾᬯᬫᬾᬮᬶᬂ᭞ᬓᬮᬶᬯᬢ᭄ᬢᬦ᭄ᬲ᭄ᬯᬾᬘ᭄ᬙ᭞ᬘᭀᬓᭀᬃᬳᬶᬤᬾᬯᬭᬶᬂᬢᬶᬢ᭄ᬬᬂ᭞ᬳᬲᬶᬂᬢᬦ᭄ᬤᬾᬦ᭄ᬦᬸᬗ᭄ᬓᬲᬶᬦ᭄᭞ᬫᬦᬳᬂᬢᬶᬢ᭄ᬬᬂ᭞ᬳᬶ
ᬤᬾᬯᬲ᭄ᬯᬾᬘᬗ᭄ᬳᬶᬂᬮᬮᬶᬲ᭄᭟᭗᭟ᬲᬢᬢᬦ᭄ᬦᬳᭂᬦ᭄ᬫᬲᬗᬓᬾᬳᬶᬤᬾᬯ᭞᭠ᬗᬸᬮᬸᬭᬶᬦ᭄ᬓᬬᬸᬦ᭄ᬲᬲᬳᬶ᭞ᬯᬶᬳᬶᬓᬦ᭄ᬭᬶᬂᬫᬦᬄ᭞ᬳᬶᬤᬾᬯᬗᬸᬮᬦᬶᬦ᭄ᬧ᭄ᬭᬶᬬ᭞ᬳ
ᬲᬶᬂᬲᬭᬢᬂᬫᬶᬓᭀᬮᬶᬄ᭞ᬓᬵᬯᬮᬢᬶᬢ᭄ᬬᬂ᭞ᬤᬳᬢ᭄ᬫᬜᬶᬂᬓᬲᬬᬗᬶᬦ᭄᭟᭘᭟ᬓᬾᬢᭀᬫᬲᬶᬄᬳᬤᬶᬦ᭄ᬫ᭄ᬩᭀᬓ᭄ᬲᬂᬮᬓ᭄ᬱ᭄ᬫᬡᬵ᭞ᬳᬸᬤᬸᬄᬧ᭄ᬭᬚ᭄ᬜᬦ᭄ᬚ
ᬢᬶᬳᬤᬶᬳᬶᬦ᭄ᬤᬶᬓ᭄ᬜᭂᬢᬤᬬ᭞ᬩᬯᭀᬲᬾᬧᬸᬦᬶᬓᬓᭂᬭᬲ᭄᭞ᬲᬓ᭠ᬤᬶᬩᬯᭀᬲ᭄ᬦᬸᬗ᭄ᬓᬲᬶᬦ᭄᭞ᬦᬵᬗ᭄ᬳᬶᬂᬭᬶᬂᬫᬦᬄ᭞ᬳᬤᬶᬢᬺᬱ᭄ᬡᬦᭀᬭᬫᬭᬶ᭟᭙᭟
[᭙᭐ 90A]
ᬅᬓ᭄ᬱᬫᬧᬶᬲᬦ᭄ᬭᬯᭀᬲ᭄ᬳᭂᬫ᭄ᬩᭀᬓ᭄ᬧᬸᬦᬶ᭞ᬳᬤᬶᬲᬂᬮᬓ᭄ᬱ᭄ᬱᬡᬲᬶᬥᬶ᭞ᬬᬦ᭄ᬯᬦ᭄ᬢᬄᬢᬦ᭄ᬬᭀᬕ᭄ᬬ᭞ᬳᬬ᭄ᬯᬫᬶᬭᬕᬶᬳᬧᬦ᭄ᬳᬮ᭞ᬢᬦ᭄ᬗᬭᬲᬢᬶ
ᬗ᭄ᬓᬄᬇᬲ᭄ᬢ᭄ᬭᬶ᭞ᬯᬦ᭄ᬢᬄᬓᬮᭀᬪᬦ᭄᭞ᬫᬗ᭄ᬤᬲᬵᬫ᭄ᬧᬸᬦ᭄ᬩᭂᬦ᭄ᬤᬸᬳᬤ᭟᭑᭐᭟ᬭᬓᬦ᭄ᬳᬤᬶᬳᬶᬤᬲᬂᬭᬵᬫᬮᬶᬯᬢ᭄ᬮᬲ᭄᭞ᬩᬲ᭄ᬫᬸᬮᬸᬲ᭄ᬲ᭄ᬯᬾᬘᬭᬶᬗ᭄ᬳᬢᬶ᭞
ᬲᬢᬸᬯᬸᬓ᭄ᬢᬦ᭄ᬢᬸᬗ᭄ᬓᬲ᭄᭞ᬳᬤᬶᬧᬶᬯᬮ᭄ᬲᬦᬾᬧᬶᬤᬦ᭄᭞ᬳᭀᬮᬶᬄᬲᬓᬶᬂᬢᬺᬱ᭄ᬡᬳᬤᬶ᭞ᬳᭂᬫ᭄ᬩᭀᬓ᭄ᬦᬭᬓ᭞ᬦᬶᬲ᭄ᬢᬤᬳᬢ᭄ᬮᭂᬢᬸᬄᬯ᭄ᬬᬓ᭄ᬢᬶ᭟᭑᭑᭟ᬳ᭠
ᬫᬸᬦᬧᬚᬓᬧᬕᭂᬳᬦ᭄ᬲᬂᬥᬃᬫ᭞ᬫᬶᬋᬂᬩᬯᭀᬲ᭄ᬲᬦᬾᬯᬾᬘᬶ᭞ᬲᬶᬦᬄᬮᬸᬗ᭄ᬳᬳᬶᬤ᭞ᬫᬯᬶᬦᬦ᭄ᬧᬵᬢᬹᬢ᭄ᬧᬸᬦᬶᬓ᭞ᬳᬸᬦ᭄ᬤᬸᬓ᭄ᬳᬤᬶᬦᬾᬢᬦ᭄ᬧᭂᬮᬶᬄ᭠
Kaca:Bali-lontar-paparikan-ramayana-350ppi.pdf/90
Kaca puniki sampun kauji-wacén
