[᭘᭔ 84B]
᭘᭔
ᬓᬦ᭄ᬢᭂᬦ᭄ᬫᭂᬮᬄ᭞ᬲᬾᬯᭀᬲᬦ᭄ᬢᬦ᭄ᬯᬾᬦ᭄ᬢᭂᬦ᭄ᬧᬗ᭄ᬕᬶᬄ᭞ᬲᬵᬥ᭄ᬬᬳᬸᬮᬸᬦ᭄᭞ᬲᬵᬫ᭄ᬧᬸᬦ᭄ᬳᬸᬦᬶᬭᬶᬂᬳᬶᬤᬾᬯ᭟᭙᭟ᬦ᭄ᬢᭀᬓᬚᭂᬕᬾᬕᬦ᭄ᬳᬶᬤᬾᬯ᭞ᬬᬾᬦᬶᬂᬢ᭄ᬬᬂᬫᬫᭂᬤᬲᬶ
ᬦ᭄᭞ᬮᬸᬯᬶᬃᬲᬓᬤᬶᬳᬶᬲᭂᬓᬃ᭞ᬲᬵᬫ᭄ᬧᬸᬦ᭄ᬓᬶᬲᭂᬧ᭄ᬓᬸᬫ᭄ᬕᬂᬧᭀᬮᬶᬄ᭞ᬫᬵᬯᬶᬦᬦ᭄ᬗᬳᬲᬶᬦ᭄ᬲᬵᬭᬷ᭞ᬲᬓᬾᬯᬦ᭄ᬢᭂᬦ᭄ᬳᬶᬦ᭄ᬤᬶᬓ᭄ᬳᬬᬸ᭞ᬓᬭᬶᬓᬶᬤᬶᬓ᭄ᬫᬲᬯᬂ᭞ᬫᬓᬦ᭄ᬢᭂ
ᬧᬸᬦᬶᬓᬘᬶᬭᬶ᭞ᬲᬶᬦᬄᬓᬵᬦ᭄ᬢᬸᬦ᭄᭞ᬳᬶᬤᬰ᭄ᬯᬫᬶᬦ᭄ᬳᬤᬶᬳᬤ᭟᭑᭐᭟ᬧᬸᬦᬶᬓᬲᬂᬳ᭄ᬬᬂᬓᬾᬰᬯ᭞ᬳᬶᬭᬮ᭄ᬲᭂᬦᭂᬂᬳᬶᬤᬯ᭄ᬬᬓ᭄ᬢᬶ᭞ᬭᬶᬂᬭᬩᬶᬦ᭄ᬳᬶᬤᬧᬸᬦᬶᬓ᭞ᬤᭀᬄ᭠
ᬳᬶᬤᬳᬦ᭄ᬢᬸᬓ᭄ᬳᬶᬫᬡᬶᬓ᭄᭞ᬫᬦᬯᬶᬧᬸᬦᬶᬓᬫᬮᬶᬄ᭞ᬪᬝᬭᬲ᭄ᬫᬭᬧᬸᬦᬶᬓᬸ᭞ᬲᬧᬸᬢᬦ᭄ᬫᬦᬳᬂᬢᬶᬢ᭄ᬬᬂ᭞ᬭᬶᬳᬶᬤᬲᬂᬤᬾᬯᬶᬭᬣᬶᬄ᭞ᬚᬵᬢᬶᬢᬸᬳᬸ᭞ᬢ
[᭘᭕ 85A]
ᬦ᭄ᬧᬲᬫᬭᬶᬂᬳᬶᬤᬾᬯ᭟᭑᭑᭟ᬓᬢᬶᬫᬦ᭄ᬓᬜ᭄ᬘᬦ᭄ᬓᬦ᭄ᬬᬓ᭞ᬭᬶᬓᬵᬮᬫᬜᬶᬗᬓ᭄ᬳᬤᬶ᭞ᬲᬶᬦᬄᬳᬶᬧᬸᬦ᭄ᬓᬪᬶᬦᬯ᭞ᬳᬦ᭄ᬢᬸᬓᬭᬶᬂᬭᬕᬦ᭄ᬳᬤᬶ᭞ᬫᬦᬄᬜ
ᬓᬾᬫᬫᭂᬗᬦ᭄ᬯ᭄ᬬᬓ᭄ᬢᬶ᭞ᬦᬧᬶᬫᬮᬶᬄᬳᬦᬓ᭄ᬓᬓᬸᬂ᭞ᬬᬾᬦ᭄ᬳᬸᬦᬶᬂᬲᬶᬦᬄᬩᬸᬤᬸᬄᬬ᭞ᬓᬾᬦ᭄ᬓᬾᬦ᭄ᬚᬯᬦᭂᬄᬜᬦᬾᬢ᭄ᬯᬶ᭞ᬭᬶᬂᬇᬦ᭄ᬤ᭄ᬭᬶᬬᬾᬓᬸ᭞ᬲᬸᬓᬫᬲᬶᬄᬳ᭄ᬬᬂ
ᬤᬾᬯᬢ᭟᭑᭒᭟ᬯᬾᬦ᭄ᬢᭂᬦ᭄ᬚᬦ᭄ᬫᬵᬲᬦᬾᬢᬶᬯᬲ᭄᭞ᬳᬦᬓ᭄ᬓᬲᬓᬶᬢᬦ᭄ᬫᬮᬶᬄ᭞ᬦᬯᬶᬳᬸᬲᬦ᭄ᬓᬇᬦ᭄ᬤ᭄ᬭᬷᬬᬦ᭄᭞ᬬᬾᬦᬶᬂᬓᬲᬧᬤᭀᬢ᭄ᬫᬲᬶᬄ᭞ᬢᭂᬓᬾ
ᬦ᭄ᬬᬩᬸᬤ᭄ᬥᬶᬫᬲᬦ᭄ᬤᬶᬂ᭞ᬤᬶᬧᬫᬺᬫᬦ᭄ᬧᬸᬦᬶᬓᬸ᭞ᬗᬚᬧ᭄ᬳᬚᬧ᭄ᬫᬗ᭄ᬮᬮᬦ᭞ᬫᬦᬄᬳᬶᬧᬸᬦ᭄ᬲᬂᬯᬶᬱᬬᬶ᭞ᬅᬫᬺᬢ᭄ᬢᬵᬬᬸ᭞ᬳᬸᬩᬤ᭄ᬓᭂᬦᬶᬲ᭄ᬫᬭᬢᬦ᭄ᬢ᭄ᬭ᭟᭐
Kaca:Bali-lontar-paparikan-ramayana-350ppi.pdf/85
Kaca puniki sampun kauji-wacén
