[᭘᭑ 81B]
᭘᭑
ᬤᬸᬃᬫ
ᬲ᭄ᬫᬭᬦ᭄ᬥᬦ
ᬓᬃᬗᬶᬭᬶᬂ᭞ᬭᬶᬂᬲᬂᬓᬓᬸᬂ᭞ᬢᬸᬲᬶᬂᬳᬤᬶᬫ᭄ᬩᭀᬓ᭄ᬓᬢᭂᬓ᭟᭖᭟᭚ᬤᬸᬃᬫ᭚ᬲᬧᬸᬦᬶᬓᬩᬯᭀᬲ᭄ᬤᬾᬯᬶᬲᬶᬢᬓ᭄ᬭᭀᬥ᭞ᬫᬢ᭄ᬩᬢ᭄ᬫᬯᬰᬦᬧ᭠
ᬮᬶᬂ᭞ᬓᬳ᭄ᬬᬸᬦ᭄ᬫᬗᬶᬯᬗᬂ᭞ᬳᬶᬯᬂᬓᬳ᭄ᬬᬸᬦᬾᬧᬸᬦᬶᬓ᭞ᬢᬦ᭄ᬫᬭᬲᬗᬶᬯᬗᬂᬯ᭄ᬬᬓ᭄ᬢᬶ᭞ᬳᬦ᭄ᬢᬸᬓ᭄ᬥᬸᬄᬓᬶᬢ᭞ᬳᬶᬯᬂᬓᬧᬕᬸᬢᬢᬂᬢᬸᬯᬶ᭟᭑᭟ᬳᬶᬤᬲᬂᬮᬓ᭄ᬱ᭄ᬫᬡᬳᬶᬩᬸᬓ᭄
ᬓᬲ᭄ᬮᭂᬕ᭄ᬲᭂᬕᬦ᭄᭞ᬩᭂᬦᭂᬄᬩᬯᭀᬲ᭄ᬳᬶᬤᬬᬸᬓ᭄ᬢᬶ᭞ᬦᬶᬓᬓᬧᬶᬳᬃᬱ᭞ᬤᬬᬦ᭄ᬳᬶᬤᬩᭂᬦᭂᬄᬧᬶᬲᬦ᭄᭞ᬦᬵᬗ᭄ᬳᬶᬂᬦᭀᬭᬓᬓᬳ᭄ᬬᬸᬦᬶᬦ᭄᭞ᬜᬓᬶᬢᬶᬦ᭄ᬫᬦᬄ᭞ᬫᬲᬯᬸᬃ᭠
ᬳᬶᬤᬤᬶᬕᭂᬮᬶᬲ᭄᭟᭒᭚ᬧᬸᬧᬸᬄᬲ᭄ᬫᬭᬦ᭄ᬥᬦ᭚ᬢ᭄ᬬᬂᬲᬦᬾᬓᬲᬗ᭄ᬰᬬᬳᬶᬦ᭄᭞ᬘᭀᬭᬄᬅᬗ᭄ᬓᬭᬫᬓᬓ᭞ᬚᬵᬢᬶᬩᬺᬲᬶᬄᬫᬦᬄᬢ᭄ᬬᬗᬾ
[᭘᭒ 82A]
ᬲᬶᬦᭀᬫ᭄
᭞ᬲᬸᬢᬶᬦ᭄ᬤᬶᬄᬦᭀᬭᬅᬗ᭄ᬓᬭ᭞ᬪᬝᬭᬲᬓ᭄ᬱᬶᬢᬸᬃᬜᬶᬗᬓ᭄᭞ᬦᬭᬓᬧᬗ᭄ᬕᬸᬳᬶᬗ᭄ᬳᬸᬮᬸᬦ᭄᭞ᬗ᭄ᬫᬲᬶᬦ᭄ᬥᬸᬄᬓᬬ᭄ᬳᬗ᭄ᬓᬭ᭟᭑᭟ᬧᬗᬦ᭄ᬤᬶᬓᬦ᭄ᬳᭂᬫ᭄ᬩᭀᬓ᭄ᬯᬾ
ᬘᬶ᭞ᬩᬸᬤᬸᬄᬳᭂᬫ᭄ᬩᭀᬓ᭄ᬜᭂᬗ᭄ᬕᬸᬄᬢᬶᬢ᭄ᬬᬂ᭞ᬤᭂᬫᭂᬦ᭄ᬭᬶᬂᬭᬕᬦ᭄ᬳᭂᬫ᭄ᬩᭀᬓᬾ᭞᭠ᬫᬵᬧᬦ᭄ᬫ᭄ᬩᭀᬓ᭄ᬫᬩᬯᭀᬲ᭄ᬳᬮ᭞ᬚᬕᬫ᭄ᬩᭀᬓ᭄ᬫᬗ᭄ᬕᬶᬄᬲᬗ᭄ᬲᬭ᭞ᬓᬚᬭᬄ
ᬫ᭄ᬩᭀᬓ᭄ᬳᬦ᭄ᬢᬸᬓ᭄ᬫᬸᬲᬸᬄ᭞ᬭᬶᬓᬮᬓᬮᬳᬶᬦ᭄ᬢ᭄ᬬᬂ᭟᭒᭟ᬓᬾᬢᭀᬭᬯᭀᬲ᭄ᬜᬧᬫᬶᬚᬿᬮ᭄᭞ᬯᬲ᭄ᬢᬸᬕᭂᬮᬶᬲ᭄ᬳᬿᬤᬮᬸᬗ᭄ᬳ᭞ᬦᬸᬢᬸᬢᬶᬦ᭄ᬭᬓᬦ᭄ᬳᬶᬤᬦᬾ᭞ᬜᬋᬗᬶ
ᬦ᭄ᬗᬮᬶᬄᬳᬶᬓᬶᬤᬂ᭞ᬭᬶᬂᬳᬸᬗ᭄ᬓᬸᬃᬗᬤᭂᬕ᭄ᬲᬂᬲᬶᬢ᭞ᬓᬭᬶᬗᬺᬋᬄᬳᬶᬤᬲᬦ᭄ᬢᬸᬦ᭄᭞ᬇᬭᬶᬓᬲᬫ᭄ᬧᬶᬧᬰ᭄ᬭᬫᬦ᭄᭟᭓᭟᭚ᬧᬸᬧᬸᬄᬰᬶᬦᭀᬫ᭄᭟᭚
Kaca:Bali-lontar-paparikan-ramayana-350ppi.pdf/82
Kaca puniki sampun kauji-wacén
