Kaca:Bali-lontar-paparikan-ramayana-350ppi.pdf/63

Saking Wikisource
Kaca puniki sampun kauji-wacén

[᭖᭒ 62B]
᭖᭒
ᬓᭀᬮᬰᬹᬃᬧᬦᬓᬵ᭞ᬳᬶᬩᬢᬸᬲᬶᬂᬦᬯᬂᬓᬳᬶ᭞ᬩᭂᬮᭀᬕ᭄ᬦᬶᬱ᭄ᬝᬳᬶᬩ᭞ᬚᬕᬓᭂᬫᬶᬢ᭄ᬚᬷᬯᬦ᭄ᬳᬶᬩ᭞ᬬᬢ᭄ᬦᬳᬶᬦ᭄ᬳᬶᬩᬦᬾᬚᬦᬶ᭞ᬲᭂᬫᬬᬦ᭄ᬳᬶᬩ᭞ᬮᬓᬃᬫᬗᭂᬫ
ᬲᬶᬦ᭄ᬫᬢᬶ᭟᭕᭟ᬮᬓᬂᬢᭂᬓᬩᭂᬮᬶᬦ᭄ᬓᭀᬮᬲᬂᬤᬸᬰᬦ᭞ᬲᬂᬓᬵᬭᬭᬵᬓ᭄ᬱᬲᬰᬓ᭄ᬢᬶ᭞ᬢᬸᬲᬶᬂᬳᬤᬫᬵᬥ᭞ᬢᬦ᭄ᬧᬢᬦ᭄ᬤᬶᬂᬤᬶᬧᬲ᭄ᬬᬢᬦ᭄᭞ᬩ᭄ᬯᬢ᭄ᬫᬯᬶᬰᬾᬱᬵ
ᬰᬓ᭄ᬢᬶ᭞ᬳᬶᬩᬳᬚᬓ᭄‌ᬤ᭄ᬯ᭞ᬫᬓᭀᬮᬶᬳᬂᬓᬮᬫᬳᬶ᭟᭖᭟ᬲᬳᬸᬲ᭠ᬦ᭄ᬦᬾᬲ᭄ᬯᬭᬦ᭄ᬳᬶᬧᬸᬦ᭄ᬫᬗ᭄ᬕᭂᬫᭃᬭᬦ᭄᭞ᬲᬂᬰᬹᬃᬧᬦᬓᬵᬫᬕᭂᬤᬶ᭞ᬫᬗᭂᬮᬶᬂᬧᬸᬦᬶᬓ᭞ᬭ᭠
ᬯᬸᬄᬳᬶᬦ᭄ᬳᬶᬧᬸᬦ᭄ᬩᭂᬮᬶᬦ᭄ᬜ᭞ᬫᬫᬃᬕᬶᬳᬶᬧᬸᬦ᭄ᬤᬶᬕᭂᬮᬶᬲ᭄᭞ᬭᬶᬂᬲᬂᬢ᭄ᬭᬶᬰᬶᬭᬄ᭞ᬲᬂᬓᬭᬤᬹᬰᬵᬦᬫᬮᬶᬄ᭟᭗᭟ᬳᬶᬗ᭄ᬕᬶᬄᬩᭂᬮᬶᬲᬂᬢ᭄ᬭᬶᬰᬶᬭᬄᬢᬸᬮᬸᬂᬢᬶᬢ᭄ᬬᬂ᭞ᬓᬵ
[᭖᭓ 63A]
ᬮᬶᬯᬢ᭄ᬩᭂᬮᬶᬢᬦ᭄ᬳᬸᬦᬶᬂ᭞ᬭᬶᬂᬲᬗ᭄ᬲᬭᬦ᭄ᬢᬶᬢ᭄ᬬᬂ᭞ᬦᭀᬭᬫᬤ᭄ᬯᬾᬧᬓᬳ᭄ᬬᬸᬦᬦ᭄᭞ᬲᬧᬸᬦᬶᬓᬭᬲᬩᭂᬮᬶ᭞ᬳᬶᬫᬸᬲᬸᬄᬢᭂᬓ᭞ᬳᬶᬧᬸᬦ᭄ᬲᬳᬲᬭᬶᬂᬫᬫᬶ᭟᭘
᭟ᬯᬾᬦ᭄ᬢᭂᬦ᭄ᬳᬶᬭᬵᬫᬯᬵᬱ᭄ᬝᬦᬶᬧᬸᬦ᭄ᬢᬧᬲ᭞ᬯᬾᬦ᭄ᬢᭂᬦ᭄ᬳᬤᬶᬦᬶᬧᬸᬦ᭄ᬫᬮᬶᬄ᭞ᬫᬯᬵᬱ᭄ᬝᬳᬶᬮᬓ᭄ᬱ᭄ᬫᬡ᭞ᬲ᭄ᬯᬪᬵᬯᬦᬧᬸᬦ᭄ᬧᬸᬦᬶᬓ᭞ᬯᬮᬸᬬᬓᬤᬶᬢᬧᬲ᭄ᬯᬶ᭞
ᬗᬫᭂᬮ᭄ᬲᬜ᭄ᬚᬢ᭞ᬘᭀᬭᬄᬳᬶᬥᭂᬧ᭄ᬳᬶᬧᬸᬦ᭄ᬚᬢᬶ᭟᭙᭟ᬫᬗ᭄ᬭᬸᬲᬓ᭄‌ᬧᬸᬭᬸᬦ᭄ᬳᬶᬧᬸᬦ᭄ᬧᬭᬶᬓᭀᬱ᭞ᬦᬸᬕᭂᬮ᭄ᬘᬸᬗᬸᬄᬢᬶᬢ᭄ᬬᬂᬧᬸᬦᬶᬓ᭞ᬳᬶᬧᬸᬦ᭄ᬕᭂᬫᬲ᭄ᬤᬳᬢ᭄᭞ᬲ
ᬫᬮᬶᬄᬯ᭄ᬬᬓ᭄ᬢᬶᬢᬶᬢ᭄ᬬᬂ᭞ᬢ᭄ᬯᬭᬧᭂᬲᬦ᭄‌ᬗᭂᬮᬄᬧᭂᬮᬶᬄ᭞ᬬᬳᬶᬮᬓ᭄ᬱ᭄ᬫᬵᬡ᭞ᬚᬵᬢᬶᬳᬶᬧᬸᬦ᭄ᬮᬶᬯᬢ᭄ᬩᭂᬕᬶᬕ᭄᭟᭑᭐᭟ᬬᬾᬦᬶᬂᬧᬤᬾᬩᭂᬮᬶᬫᬗ᭄ᬕᬬᬂᬫᬸᬲᬸᬄ