[᭖᭑ 61B]
᭖᭑
ᬤᬹᬃᬫ
ᬦᬳᬶᬤᬳᬤᬶᬦ᭄ᬩᭂᬮᬶ᭞ᬢᬸᬲᬶᬂᬢᬳᬾᬦ᭄ᬫᬩᭂᬮᬲᬦ᭄᭞ᬳᬶᬤᬤᬾᬯᬶᬲᬶᬢᬓᬲᬸᬩ᭄᭞ᬢᬸᬲᬶᬂᬩᬶᬦ᭄ᬗᭂᬦᭂᬳᬂᬮᬾᬦᬦ᭄᭞ᬤ᭄ᬬᬄᬚᬵᬦᬓᬶ᭞ᬗᬭᬕᬳᬗ᭄ᬕᭀᬦ᭄ᬓᬸᬧᬡᬵ
ᬦ᭄᭟᭑᭕᭟ᬦᬾᬫᬸᬜᬶᬦ᭄ᬩᭂᬮᬶᬤᬶᬗᭂᬳᬂ᭞ᬳᭂᬦ᭄ᬢᭀᬳᬤᬳᬤᬶᬦ᭄ᬩᭂᬮᬶ᭞ᬳᬶᬤᬫᬵᬤᬦ᭄ᬲᬂᬮᬓ᭄ᬱ᭄ᬫᬡ᭞ᬦ᭄ᬢᭀᬓᬸᬋᬡᬶᬦ᭄ᬳᬤᬶᬳᬬᬸ᭞ᬲᬶᬦᬄᬳᬤᬶᬓᬲ᭄ᬯᬾᬘᬦᬦ᭄᭞ᬚᬵ
ᬢᬶᬳᬤᬶ᭞ᬚᭂᬕᬾᬕ᭄ᬫᬗ᭄ᬬᬸᬦ᭄ᬬᬸᬦᬶᬦ᭄ᬫᬦᬄ᭟᭑᭖᭟᭚ᬧᬸᬧᬸᬄᬤᬹᬃᬫ᭄ᬫ᭟᭚ᬲᬧᬸᬦᬶᬓᬯᬘᬦᬦ᭄ᬳᬶᬤᬲᬂᬭᬵᬫ᭞ᬲᬂᬰᬹᬃᬧᬦᬓᬦᬾᬫᬗ᭄ᬓᬶᬦ᭄᭞ᬭᬭᬶᬲ᭄ᬫᬮᬶᬧᭂ
ᬗᬭᬯᬸᬳᬶᬦ᭄ᬲᬂᬮᬓ᭄ᬱ᭄ᬫᬡ᭞ᬓᬩᬢᭂᬓ᭄ᬩᬵᬦ᭄ᬩᬸᬤᬸᬄᬧᬮᬶᬂ᭞ᬓᭂᬦᬶᬯᬭᬬᬂ᭞ᬧᬦᬳ᭄ᬬᬂᬲ᭄ᬫᬭᬫᬢᬶᬢᬶᬲ᭄᭟᭑᭟ᬫᬫᬃᬕᬳᬶᬧᬸᬦ᭄ᬦᬵᬭᬫᬤᬺᬩᬾ᭠
[᭖᭒ 62A]
ᬓᬾᬫᬤ᭄᭞ᬭᬯᬸᬄᬗᭂᬲᭀᬃᬧᬤᬯ᭄ᬬᬓ᭄ᬢᬶ᭞ᬢᬸᬃᬧᬭᬶᬲᭀᬮᬄᬜ᭞ᬩᬗᭂᬢ᭄ᬫᬗᬶᬫᬸᬤᬶᬦ᭄ᬫᬦᬄ᭞ᬦᭀᬭᬓᬤᬶᬳᬦᬓ᭄ᬳᬶᬲ᭄ᬢ᭄ᬭᬶ᭞ᬫᬧᬭᬶᬲᭀᬮᬄ᭞ᬮᬶᬯᬢ᭄ᬮᭂᬢᬸᬄ
ᬫᬶᬯᬄᬯᬾᬘᬶ᭟᭒᭟ᬜᬶᬗᬓ᭄ᬲᬂᬮᬓ᭄ᬱ᭄ᬫᬡᬦᬍᬓ᭄ᬢᭂᬓᬂᬧᬶᬲᬦ᭄᭞ᬓᬕᬕᬯᭀᬓ᭄ᬳᬶᬤᬫᬗ᭄ᬓᬶᬦ᭄᭞ᬭᬵᬓ᭄ᬱᬲᬢᬾᬦᬾᬦᬦ᭄᭞ᬭᬵᬓ᭄ᬱᬲᬮ᭄ᬯᬚᬵᬢᬶᬳᬶ
ᬩ᭞ᬫᭂᬢᬸᬲᬸᬫᭂᬮᬂᬭᬶᬳᬢᬶ᭞ᬲᬳᬯᬶᬭᭀᬱ᭞ᬓᬲᬯᬸᬧ᭄ᬧᬸᬦᬶᬓᬭᬭᬶᬲ᭄᭟᭓᭟ᬓᬳᬶᬭᬶᬲ᭄ᬳᬶᬤᬘᬸᬗᬸᬄᬳᬶᬧᬸᬦ᭄ᬧᬸᬦᬶᬓ᭞ᬦᬸᬮᬶᬘᬸᬗᬸᬄᬳᬶᬧᬸᬦ᭄ᬫᬗ᭄ᬓᬶᬦ᭄᭞ᬲ
ᬫ᭄ᬧᬸᬦ᭄ᬧᭂᬕᬢ᭄ᬳᬶᬘᬮ᭄᭞ᬢᬸᬫᬸᬮᬶᬳᬶᬧᬸᬦ᭄ᬫᬕᬶᬩ᭄ᬭᬲ᭄᭞ᬫᬦᬫ᭄ᬩᬸᬂᬭᬯᬸᬄᬓᬮᬗᬶᬢ᭄᭞ᬳᬶᬧᬸᬦ᭄ᬫᬭᬹᬧ᭞ᬚᬵᬢᬶᬫᬓᬦ᭄ᬢᭂᬦ᭄ᬭᬓ᭄ᬱᬲᬶ᭟᭔᭟ᬓᭀᬮᬭᬓ᭄ᬱᬮᬸᬄ
Kaca:Bali-lontar-paparikan-ramayana-350ppi.pdf/62
Kaca puniki sampun kauji-wacén
