Kaca:Bali-lontar-paparikan-ramayana-350ppi.pdf/58

Saking Wikisource
Kaca puniki sampun kauji-wacén

[᭕᭗ 57B]
᭕᭗
ᬦ᭄ᬢᬸᬓ᭄ᬲᬂᬭᬵᬯᬡᬧ᭄ᬭᬪᬸ᭞ᬧᬗ᭄ᬤᬫᬜᬸᬲᬸᬧ᭄ᬭᬶᬂᬳᬮᬲ᭄᭞ᬫᬜᭂᬮᬓ᭄ᬱᬓ᭞ᬳᬶᬭᬶᬓᬭᬶᬂᬳᬮᬲ᭄ᬕᬸᬦᬸᬂ᭞ᬫᬗ᭄ᬤᬭᬯᬸᬄᬓᬧᬢᬧᬦ᭄᭞ᬭᬶᬗᬮᬲ᭄ᬥᬦ᭄ᬥᬓᬲ
ᬫᬶ᭟᭑᭟ᬳᬶᬤᬲᬂᬭᬵᬫᬯᬶᬚᬬ᭞ᬓᬧᬗ᭄ᬕᬳᬶᬦ᭄᭞ᬳᬦ᭄ᬢᬸᬓ᭄ᬳᬶᬧᬸᬦ᭄ᬳᬶᬭᬵᬓ᭄ᬱᬲᬷ᭞ᬓᬢᬸᬚᬸᬫᬗᬧ᭄ᬲᬵᬦ᭄ᬢᬸᬦ᭄᭞ᬳᬶᬤᬭᬶᬂᬢᭂᬗᬳᬶᬂᬳᬮᬲ᭄᭞ᬫᬓᬫᬶ
ᬯᬄ᭞ᬳᬶᬤᬦᬾᬯᬶᬢᬢᬸᬫᬹᬢ᭄᭞ᬳᬶᬤᬢᬦ᭄ᬯᬾᬦ᭄ᬢᭂᬫ᭄ᬫᬢᬶᬗ᭄ᬕᬮ᭄᭞ᬳᬲᬶᬂᬲᬮᬫ᭄ᬧᬄᬫᬗᬶᬭᬶᬂ᭟᭒᭟ᬫᬓᬯᭀᬦ᭄ᬳᬶᬲᬸᬃᬧ᭄ᬧᬦ᭄ᬓ᭞ᬫᬗᬦ᭄ᬢᭂᬦᬶ᭞ᬳᬶ᭠
ᬤᬫᬭᬾᬭᭀᬤ᭄ᬧᬓᬓᬮᬶᬄ᭞ᬳᬶᬭᬵᬓ᭄ᬱᬲᬷᬳᬶᬧᬸᬦ᭄ᬓᬶᬫᬸᬤ᭄᭞ᬢᬸᬫᬸᬮᬶᬳᬶᬧᬸᬦ᭄ᬫᬓᬮᬄ᭞ᬜᬸᬲᬸᬧ᭄ᬮ᭄ᬬᬦᬦ᭄᭞ᬳᬶᬭᬶᬓᬭᬭᬶᬲ᭄ᬓᬢᭂᬫᬸ᭞ᬭᬶᬂᬲᬂᬮᬓ᭄ᬱ᭄ᬫ
[᭕᭘ 58A]
ᬡᬧᬸᬦᬶᬓ᭞ᬦᬸᬚᬸᬢᬍᬃᬫᭂᬢᬶᬓ᭄ᬲᬭᬶ᭟᭓᭟ᬓᭂᬦᬶᬧᬦᬄᬲᬂᬳ᭄ᬬᬂᬲ᭄ᬫᬭ᭞ᬯᬳᬸᬗᬓ᭄ᬱᬶ᭞ᬳᬶᬤᬲᬂᬮᬓ᭄ᬱᬡᬍᬯᬶᬄ᭞ᬭᬭᬶᬲ᭄ᬗᬯᬾᬭᬗᬳᬬᬸ᭞ᬫᬮᬓ᭄ᬱ
ᬡᬲᬲᬶᬮᬸᬫᬦ᭄᭞ᬧᬭᬶᬧᬹᬃᬡᬵ᭞ᬥᬾᬯᬾᬓ᭄ᬳᬶᬧᬸᬦ᭄ᬚᬢᬶᬳᬬᬸ᭞ᬩᬸᬮᬦ᭄ᬧᬹᬃᬡᬫᬭᬳᬶᬦ᭞ᬲᬧᬸᬦᬶᬓᬫᬶᬦᬩ᭄ᬚᬢᬶ᭟᭔᭟ᬘᭂᬦᬶᬓ᭄ᬳᬘᭂᬓᭂᬮ᭄ᬩᬗ᭄ᬓ᭄ᬬᬂᬜ᭞ᬚᬂᬚᬂ
ᬭᬫ᭄ᬧᬶᬂ᭞ᬍᬫᬸᬄᬗᭀᬮᬾᬢ᭄ᬮᬜ᭄ᬚᬃᬮᬗ᭄ᬲᬶᬂ᭞ᬧᬮ᭄ᬬᬢ᭄ᬮᬶᬦ᭄ᬤᬶᬫᬦᬶᬲ᭄ᬜᬸᬜᬸᬃ᭞ᬫᭂᬭᭀᬲ᭄ᬧᬳᬦ᭄ᬜᬧᬸᬦᬶᬓ᭞ᬫᬓᬫᬶᬯᬄ᭞ᬭᬶᬂᬩᭂᬢᭂᬓᬦ᭄ᬩᬢᬶᬲ᭄ᬳᬶᬧᬸᬦ᭄᭞ᬚᬭᬶᬚᬶ᭠
ᬗᬭᬾᬤᬾᬧ᭄ᬩᬭᬓ᭄᭞ᬮ᭄ᬯᬶᬃᬢᬚᬶᬧᬘᭂᬓᬂᬯ᭄ᬬᬓ᭄ᬢᬶ᭟᭕᭟ᬩᬩᭀᬓᭀᬗ᭠ᬦ᭄ᬚᭂᬩᬾᬤ᭄ᬧᭂᬲᬦ᭄᭞ᬜᭀᬜᭀᬜᬗ᭄ᬓᬶᬄ᭞ᬩᬸᬦ᭄ᬢᭂᬃᬓᬤᬶᬳᬶᬜᬸᬄᬕᬥᬶᬂ᭞ᬧᬸᬢᬶᬄ

Kapolihang saking "https://ban.wikisource.org/w/index.php?title=Kaca:Bali-lontar-paparikan-ramayana-350ppi.pdf/58&oldid=85422"