Kaca puniki sampun kauji-wacén
[᭕᭔ 54B]
᭕᭔
ᬳᬸᬦᬶᬂᬭᬶᬂᬢᬸᬚᭀᬦ᭄ᬚᬢᬶ᭞ᬫᬶᬯᬄᬤᬕᬶᬂᬢᬢ᭄ᬯᬲᬹᬓ᭄ᬱ᭄ᬫᬵ᭞ᬭᬶᬂᬲᬫᬵᬥᬶᬚᬵᬢᬶᬓᬸᬓᬸᬄ᭞ᬢᬦ᭄ᬓᬳᬦᬦ᭄ᬓᬍᬢᭂᬳᬦ᭄᭞ᬧᬘᬂᬧᬫᬶᬢ᭄᭞ᬳᬶᬤᬚᬕᬮᬸ
ᬗ᭄ᬳᬵᬫᭀᬓ᭄ᬱ᭄ᬫᬵ᭟᭑᭐᭟ᬭᬵᬫᬧᭂᬲᬾᬗᬦ᭄ᬳᬶᬤᬾᬯ᭞ᬓᬧᬸᬢ᭄ᬭᬳᬦ᭄ᬢᬸᬓ᭄ᬪᬸᬧᬢᬶ᭞ᬦᬾᬩᬧᬫᬧᬫᬶᬢ᭄ᬮᬸᬗ᭄ᬳ᭞ᬚᬕᬫᬵᬦ᭄ᬢᬸᬓ᭄ᬫᭀᬓ᭄ᬱᬳᬓᬸ᭞ᬪᬵᬕ᭄ᬬ
ᬭᬶᬭᬯᬸᬄᬳᬶᬤᬾᬯ᭞ᬲᬦᬾᬫᬗ᭄ᬓᬶᬦ᭄᭞ᬳ᭄ᬬᬂᬯᬶᬱ᭄ᬡᬸᬘᬸᬓᬂᬩᬧ᭟᭑᭑᭟ᬯᬾᬦ᭄ᬢᭂᬦ᭄ᬳᬶᬭᬶᬓᬧᬢᬵᬧᬦ᭄᭞ᬳᬶᬤᬲᬂᬲᬸᬝᬶᬓ᭄ᬱ᭄ᬡᬵᬬᭀᬕᬶ᭞ᬦᬶᬓᬢᬗ᭄ᬓᬶᬮᬶ᭠
ᬦ᭄ᬳᬶᬤᬾᬯ᭞ᬩᬗᭂᬗᬺᬡᬦᬶᬦ᭄ᬧᬸᬦᬶᬓᬸ᭞ᬢᬦ᭄ᬯᬾᬦ᭄ᬢᭂᬦ᭄ᬤᭀᬄᬢᬫ᭄ᬧᭂᬓ᭄ᬧᬶᬲᬦ᭄᭞ᬫᬓᬓᬡ᭄ᬝᬶᬦ᭄᭞ᬧ᭄ᬭᬡ᭄ᬥᬧᬸᬢᬸᬲ᭄ᬲᬂᬲᬸᬝᬶᬓ᭄ᬱ᭄ᬡᬵ᭟᭑᭒᭟ᬲ
[᭕᭕ 55A]
ᬤᬸᬃᬫ
ᬧᬸᬦᬶᬓᬫᬗᬦ᭄ᬤᬶᬓ᭞ᬳᬶᬤᬲᬂᬧᬡ᭄ᬟᬶᬢᬲᬶᬥᬶ᭞ᬢᬸᬫᬸᬮᬶᬫᬬᭀᬕᬳᬶᬤ᭞ᬗᭂᬮᬭᬂᬲᬫᬵᬥᬶᬧᬸᬢᬸᬲ᭄᭞ᬗᬃᬥᬶᬕᭂᬦᬶᬧᬗᭂᬲᭂᬗᬦ᭄᭞ᬭᬭᬶᬲ᭄ᬫᬱ᭄ᬫᬶ᭞ᬢᭂ᭠
ᬮᬲ᭄ᬭᬕᬦ᭄ᬳᬶᬤᬫᭀᬓ᭄ᬱᬵ᭟᭑᭓᭟ᬧᬸᬄᬤᬹᬃᬫ᭟ᬲᬵᬫ᭄ᬧᬸᬦ᭄ᬳᬶᬤᬲᬂᬧᬡ᭄ᬥᬶᬢᬲᬶᬥᬶᬫᭀᬓ᭄ᬱ᭞ᬲᬂᬭᬵᬖᬸᬯᬦᬬᬓᬭᬶᬫᬮᬶᬄᬫᬲᬸ
ᬲᬸᬧᬦ᭄᭞ᬳᬶᬤᬭᬳᬮᬲᬾᬯᬬᬄ᭞ᬓᬧᬗ᭄ᬕᬶᬄᬧᬰ᭄ᬭᬫᬦ᭄ᬩᭂᬘᬶᬓ᭄᭞ᬧᬢᬧᬦ᭄ᬳᬶᬤ᭞ᬲᬂᬲᬸᬝᬶᬓ᭄ᬱ᭄ᬡᬢᬵᬧᬲ᭄ᬯᬶ᭟᭑᭟ᬫᬶᬓᭀᬮᬶᬄᬓᬢᬗ᭄ᬓᬶᬮ᭄ᬳᬶ
ᬤᬲᬂᬲᬸᬝᬶᬓ᭄ᬱ᭄ᬡᬵ᭞ᬳᬶᬤᬩᬗᭂᬢ᭄ᬳᭀᬮᬲᬵᬲᬶᬄ᭞ᬭᬶᬂᬲᬂᬚᬦ᭄ᬫᬢᬶ᭠ᬯᬲ᭄᭞ᬫᬭᬕᬢᬫ᭄ᬬᬸᬧᬸᬦᬶᬓ᭞ᬲ᭄ᬯᬾᬲᬂᬧᬸᬢ᭄ᬭᬭᬵᬖᬸᬮᬶᬢ᭄᭞ᬫᬭᬶᬂ