Kaca puniki sampun kauji-wacén
[᭔᭔ 44B]
᭔᭔ᬢᭂᬓᬾᬦ᭄ᬯᭂᬘᬦ᭞ᬓᬾᬢᭀᬚᬢᬶ᭞ᬧᬸᬭᬸᬱᬳᭂᬦ᭄ᬢᭀᬯᬶᬮᬗᬂ᭟᭖᭟ᬢᬸᬃᬪᬓ᭄ᬢᬶᬳᬤᬶᬫᬋᬧᬹᬦ᭄ᬬ᭞ᬫᬋᬧ᭄ᬭᬶᬂᬩ᭄ᬭᬳ᭄ᬫᬵᬰᬯ᭄ᬬᬓ᭄ᬢᬶ᭞ᬫᬸᬯᬄᬭᬶᬂᬫᬸᬦᬶᬯᬭ᭞ᬲᭀ
ᬮᬳᬾᬢᭀᬳᬧᬂᬓᬸᬓᬸᬄ᭞ᬓᬃᬥᬶᬦᬦ᭄ᬳᬤᬶᬲᬤᬵ᭞ᬗᬫᭀᬂᬕᬸᬫᬶ᭞ᬲᬢᬢᬧᬕᭂᬄᬧᬕᭂᬳᬂ᭟᭗᭟᭒ᬯᬶᬳᬶᬂᬚ᭄ᬜᬵᬦᬧᬸᬦᬶᬓ᭞ᬬᬾᬦ᭄ᬳᬦᬓᬾ
ᬚᬵᬢᬶᬳᬸᬦᬶᬂ᭞ᬢᭂᬓᬦᬶᬂᬳᬶᬦ᭄ᬤᬶᬓ᭄ᬓᬕᬸᬡᬦ᭄᭞ᬲᬫᬶᬮᬶᬄᬧᬜ᭄ᬚᬓᬸ᭞ᬫᬗ᭄ᬤᬓᬘᬶᬗᬓ᭞ᬢᬢᬲ᭄ᬳᬸᬦᬶᬂ᭞ᬲᭀᬮᬄᬜᬦᬾᬯᬲ᭄ᬧᬤ᭠
ᬬᬂ᭟᭘᭟ᬳᬲᬶᬂᬳᬲᬶᬂᬦᬾᬍᬩᬶᬳᬦ᭄᭞ᬳᬚᬶᬲᭀᬮᬄᬫᬶᬯᬼᬭᬶᬭᬶᬄ᭞ᬩᬳᬗᬶᬦ᭄ᬢᭀᬗᭀᬲ᭄ᬦᬾᬫᭂᬮᬄ᭞ᬳᬦᬾᬓᬢᬸᬦᬦ᭄ᬧᬸᬦᬶᬓᬸ᭞ᬯᬦ᭄ᬢᬄ
᭔᭕ 45A]
ᬚᬕᬗᬯᬾᬮ᭞ᬜᬦ᭄ᬤᬂᬕᬶᬗ᭄ᬲᬶᬃ᭞ᬧᬸᬦᬶᬓᬤᭀᬳᬂᬕᭂᬦᬄᬜ᭟᭙᭟ᬳᬧᬂᬢᭂᬍᬩ᭄ᬳᬤᬶᬜᬶᬗᬓ᭄᭞ᬲᬃᬯ᭄ᬯᬕᬸᬡᬕᬦᬲᬳᬶ᭞ᬳᭂᬦ᭄ᬢᬾᬓᬮᬶᬯ
ᬢ᭄ᬳᬸᬢ᭄ᬢᬫ᭞ᬫᬋᬧ᭄ᬭᬶᬂᬲᬂᬜᭂᬦᭂᬂᬧ᭄ᬭᬪᬸ᭞ᬳᬗ᭄ᬕᬾᬦ᭄ᬳᬤᬶᬗᬯᬵᬲ᭄ᬧᬥ᭞᭠ᬧᬜ᭄ᬚᬓ᭄ᬲᬫᬶ᭞ᬳᬦᬾᬚᭂᬮᬾᬫᬶᬯᬄᬫᭂᬮᬄ᭟᭑᭐᭟ᬳᬧᬂᬕ᭄ᬮᬶᬢᬶᬓ᭄ᬢᭂᬓᬾᬦ᭄ᬫ
ᬦᬄ᭞ᬫᬶᬯᬄᬳᬤᬶᬤᬗᭂᬦ᭄ᬤᭂᬧᬶᬦ᭄᭞ᬲᬢᬢᬫᬶᬧᬂᬫᬶᬋᬗᬂ᭞ᬓᬲᬗ᭄ᬲᬭᬦ᭄ᬚᬕᬢ᭄ᬳᬶᬓᬸ᭞ᬯᬶᬭᬾᬄᬳᭂᬦ᭄ᬢᭀᬗᬭᬡᬬᬂ᭞ᬦᬾᬲᬸᬚᬵᬢᬶ᭞ᬮᬗ᭄ᬕᭂᬂᬭᬶᬲᬂ
ᬜᭂᬦᭂᬂᬦᬵᬣ᭟᭑᭑᭟ᬉᬢ᭄ᬲᬳᬦᬾᬧᬵᬢᬹᬢ᭄ᬧᭂᬲᬦ᭄᭞ᬳᬗ᭄ᬕᭀᬦ᭄ᬮᬭᬦ᭄ᬩᬵᬦ᭄ᬳᬤᬶ᭞ᬳᬲᬶᬂᬳᬗᬯᬾᬓᬃᬬ᭄ᬬᬳᬧᬂᬧᬕᭂᬄᬳᬧᬂᬓᬸᬓᬸᬄ᭞
