[᭔᭒ 42B]
᭔᭒
᭞ᬳᬶᬦ᭄ᬤᬶᬓ᭄ᬪᬓ᭄ᬢᬶᬭᬶᬂᬳᬶᬭᬓ᭞ᬭᬭᬶᬲ᭄ᬫᬢᬹᬃᬳᬶᬤᬳᬕᬾ᭞ᬳᬫᬸᬦᬧᬶᬍᬕᬦ᭄ᬢᬶ᭠ᬢ᭄ᬬᬂ᭞ᬬᬦ᭄ᬧᬤᬾᬢᬶᬢ᭄ᬬᬂᬭᬶᬂᬧᬸᬭ᭞ᬲᬶᬗ᭄ᬕᬶᬄᬩᭂᬮᬶᬦᬦ᭄ᬤᬂᬲᬸᬗ᭄ᬲᬸᬢ᭄᭞ᬯᬾᬦ᭄ᬢᭂᬦ᭄ᬭᬶᬳ
ᬮᬲ᭄ᬓᬮᬭᬦ᭄᭟᭗᭟ᬲᬫᬮᬶᬳᬯᬦ᭄ᬢᬄᬩᭂᬮᬶ᭞ᬲᬦᬾᬧᬵᬢᬹᬢ᭄ᬜᭂᬦᭂᬂᬦᬵᬣ᭞ᬚᬢᬶᬦ᭄ᬧᬗᬫᭂᬮ᭄ᬚᬕᬢᬾ᭞ᬲᬶᬭᬾᬄᬩᭂᬮᬶᬤᬸᬳᬸᬭᬦ᭄᭞ᬢᬸᬃᬍᬯᬶᬳᬶᬂ᭠
ᬓᬯᬶᬰᬾᬱᬦ᭄᭞ᬓᬧ᭄ᬭᬚ᭄ᬜᬵᬦᬦ᭄ᬢᬍᬃᬧᬸᬧᬸᬢ᭄᭞ᬢᬸᬃᬩᭂᬮᬶᬧᬸᬭᬸᬱᬾᬂᬬᬸᬥ᭟᭘᭟ᬧᬸᬦᬶᬓᬶᬓᬸᬤᬮᬦ᭄ᬳᬲ᭄ᬢᬶ᭞ᬭᬯᬸᬳᬶᬂᬓᬦᬓᬭᬢ᭄ᬫᬵ᭞ᬮᬦ᭄ᬲᬲᭀᬘᬦ᭄ᬲ
ᬦᬾᬫᬹᬮᬾ᭞ᬤ᭄ᬭᬸᬯᬾᬦ᭄ᬲᬂᬚᬸᬫᭂᬂᬦᬵᬣ᭞ᬤᬶᬚᬓᬯ᭄ᬬᬓ᭄ᬢ᭄ᬬᬦ᭄ᬧᬸᬦᬶᬓ᭞᭠ᬫᬲᬢᬶᬢ᭄ᬬᬂᬚᬕᬧᬵᬢᬹᬢ᭄᭞ᬗᬯᬶᬰᬾᬱᬬᬂᬧᬸᬦᬶᬓ᭟᭙᭟ᬧ᭄ᬭᬯᬷᬭᬫᬶᬯᬄ᭠
[᭔᭓ 43A]
ᬧ᭄ᬭᬚᬸᬭᬶᬢ᭄᭞ᬧᬭᬫᬦ᭄ᬢ᭄ᬭᬶᬩᬳᬥᬦ᭄ᬟ᭞ᬦᬧᬶᬧᬸᬦᬶᬓᬧᬵᬢᬹᬢ᭄ᬓᬾ᭞ᬫᬜᬶᬯᬶᬲᬓᬤᬶᬢᬶᬢ᭄ᬬᬂ᭞ᬧᬸᬦᬶᬓᬓᬾᬫᬯᬶᬦ᭄᭞ᬮᬾᬤᬂᬫᬵᬦ᭄ᬢᬸᬓ᭄ᬜᭂᬦᭂᬂ᭠
ᬧ᭄ᬭᬪᬸ᭞ᬲᬫᬮᬶᬄᬢᬶᬢ᭄ᬬᬂᬦᬶᬃᬕᬸᬡ᭟᭑᭐᭟ᬢᭀᬬᬦ᭄ᬕᬗ᭄ᬕᬕᬸᬡᬦ᭄ᬩᭂᬮᬶ᭞ᬲᬹᬃᬬ᭄ᬬᬕᬸᬦᬸᬂᬮᬦ᭄ᬲᬵᬕᬭ᭞ᬲᬲᬫᬾᬦ᭄ᬕᬸᬡᬦ᭄ᬩᭂᬮᬶᬦᬾ᭞ᬢᬢ᭄ᬬᬂᬳᬚᬸᬫ᭄ᬩᭂᬮᬶ
ᬯᬷᬭ᭞ᬯ᭄ᬬᬓ᭄ᬢᬶᬢᬦ᭄ᬯᬾᬦ᭄ᬢᭂᬦ᭄ᬧᬶᬲᬦ᭄᭞ᬯᬘᬦᬦ᭄ᬩᭂᬮᬶᬢᬦ᭄ᬧᬵᬢᬹᬢ᭄᭞ᬗᭀᬗ᭄ᬲᭀᬓᬂᬩᬗᭂᬢ᭄ᬫᬗ᭄ᬮᬭ᭟᭑᭑᭟ᬲᬧᬤᬦᬶᬓᬳᬢᬹᬃᬳᬶᬳᬭᬶ᭞ᬳᬶᬤᬲᬂ
ᬓᬿᬓᬬᬶᬧᬸᬢ᭄ᬭ᭞ᬓᬘᬯᬶᬲ᭄ᬳᬦ᭄ᬢᬸᬓ᭄ᬭᬓᬦᬾ᭞ᬫᬓᬵᬤᬶᬳᬶᬤᬲᬂᬭᬵᬫ᭞ᬓᬍᬫᭂᬲᬶᬦ᭄ᬲᬂᬪᬭᬢ᭞ᬫᬗ᭄ᬤᬓᬳ᭄ᬬᬸᬦ᭄ᬳᬶᬤᬫᬵᬦ᭄ᬢᬸᬓ᭄᭞ᬗᬦ᭄ᬤᬶᬓᬳᬶᬤᬤᬗᬶ᭠
Kaca:Bali-lontar-paparikan-ramayana-350ppi.pdf/43
Kaca puniki sampun kauji-wacén
