Kaca:Bali-lontar-paparikan-ramayana-350ppi.pdf/42

Saking Wikisource
Kaca puniki sampun kauji-wacén

[᭔᭑ 41B]
᭔᭑
ᬦᬗᬶᬲ᭄ᬳᬸᬫ᭄ᬬᬂ᭞ᬯᬾᬢ᭄ᬦᬶᬂᬮᬭᬧᬓᬳ᭄ᬬᬸᬦᬦ᭄᭞ᬢᬦ᭄ᬘᬭᬶᬢᬳᬸᬲᬦ᭄ᬲᬸᬗ᭄ᬲᬸ᭠ᬢ᭄᭞ᬲᬫᬶᬫᬭᬯᬸᬧ᭄ᬫᬲᬶᬭᬫ᭄᭟᭑᭟ᬲᬂᬭᬵᬫᬲᬸᬢᬪᬸᬧᬢᬶ᭞ᬲᬳᬸᬲᬦ᭄ᬫᬭᬯᬸ
ᬧ᭄ᬳᬶᬤ᭞ᬭᬭᬶᬲ᭄ᬫᭀᬚᬃᬭᬶᬂᬳᬭᬶᬦᬾ᭞ᬳᬸᬤᬸᬄᬳᬤᬶᬲᬂᬪᬵᬭᬢ᭞ᬫᬵᬦ᭄ᬢᬸᬓ᭄ᬳᬤᬶᬓᬳᬬᭀᬤ᭄ᬬ᭞ᬲᬓᬶᬂᬯᬘᬦᬦ᭄ᬳᬶᬕᬸᬭᬸ᭞ᬫᬯᬦᬦ᭄ᬩᭂᬮᬶᬤᬶᬳᬮᬲ᭄᭟᭔᭟᭒
᭟ᬳᬤᬶᬯᬦ᭄ᬢᬄᬫᬗᭂᬦ᭄ᬢᭀᬲᬶᬦ᭄᭞ᬫᬵᬤᭂᬕ᭄ᬳᬕᬸᬂᬤᬶᬳᬬᭀᬤ᭄ᬬ᭞ᬳᭂᬦ᭄ᬢᭀ᭠ᬳᬯᬶᬦᬦ᭄ᬳᬤᬶᬦᬾ᭞ᬢ᭄ᬯᬭᬧᬵᬢᬹᬢ᭄ᬲᬫᭂᬦ᭄ᬤᬾᬬ᭞ᬩ᭄ᬯᬶᬦᬳᬤᬶᬲᬗᭂᬢ᭄ᬧᭂ᭠
ᬲᬦ᭄᭞ᬕᬸᬡᬦ᭄ᬳᬶᬤᬦᬾᬓᬮᬗ᭄ᬓᬸᬂ᭞ᬬᬾᬦ᭄ᬧᭂᬢᬾᬓ᭄‌ᬲᬶᬂᬢᭂᬮᬄᬢᭂᬮᬄ᭟᭓᭟ᬧ᭄ᬭᬯᬷᬭᬢᬸᬃᬧ᭄ᬭᬚ᭄ᬜᬦ᭄ᬳᬤᬶ᭞ᬢᭂᬓᬾᬦ᭄ᬢᬢ᭄ᬯᬫᬶᬯᬄᬦᬬ᭞ᬳᭂᬦ᭄ᬢᭀ
[᭔᭒ 42A]
ᬢ᭄ᬯᬄᬓᬭᬡᬦᬾ᭞ᬧᬵᬢᬹᬢ᭄ᬳᬤᬶᬜᭂᬦᭂᬂᬦᬵᬣ᭞ᬧᬵᬢᬹᬢ᭄ᬓᬰᬶᬯᬶᬭᬵᬓ᭄ᬱᬓ᭞ᬕᬸᬡᬦ᭄ᬳᬤᬶᬦᬾᬢᬦ᭄ᬲᬥᬸ᭞ᬬᬦ᭄ᬢᬦ᭄ᬳᬗ᭄ᬕᭀᬦ᭄ᬫᭂᬗ᭄ᬓᬸᬚᬕᬢ᭄᭟᭔᭟ᬬᬦ᭄ᬢᬦ᭄ᬓ
ᬳ᭄ᬬᬸᬦ᭄‌ᬗᬶᬲᬶᬕᬸᬫᬶ᭞ᬩᬵᬦ᭄‌ᬩᭂᬮᬶᬗᭀᬬᭀᬂᬤᬶᬳᬮᬲ᭄᭞ᬦᬾᬕᬶᬲᬶᬫᬸᬜᬶᬦ᭄ᬩᭂᬮᬶᬦᬾ᭞ᬦᬵᬗ᭄ᬳᬶᬂᬳᬤᬶᬪᬓ᭄ᬢ᭄ᬬᬵᬓᬓ᭞ᬫᬵᬦ᭄ᬢᬸᬓ᭄ᬳᬤᬶᬦᬄᬳᬶᬗᭂᬢᬂ᭞᭠
ᬳᭂᬤᬳᬤᬶᬲᬸᬗ᭄ᬲᬸᬢ᭄ᬓᬳ᭄ᬬᬸᬦ᭄᭞ᬧᬂᬳᬤᬗᭂᬫᬶᬢ᭄ᬤᬶᬧᬸᬭ᭟᭕᭟ᬲᬧᬸ᭠ᬦᬶᬓᬯᬦ᭄ᬢᬄᬤᬕᬶ᭞ᬯᬘᬦᬦ᭄ᬳᬶᬤᬲᬂᬭᬵᬫ᭞ᬤᬳᬢᬶᬂᬧᬕᭂᬄᬳᬶᬤᬦᬾ᭞ᬗ᭠
ᬫᭂᬮ᭄ᬯᬘᬦᬦ᭄ᬲᬂᬩᬧ᭞ᬓᬩ᭄ᬯᬢᬦ᭄ᬢᬸᬓ᭄ᬲᬢ᭄ᬬᬦ᭄ᬳᬶᬤ᭞ᬦ᭄ᬤᬶᬓᬬᬂᬅᬭᬶᬦᬾᬫᬵᬦ᭄ᬢᬸᬓ᭄᭞ᬫᬗ᭄ᬤᬳᬶᬤᬜᭂᬦᭂᬂᬦᬵᬣ᭟᭖᭟ᬢᬦᭀᬩᬄᬳᬶᬤᬭᬶᬗᬢᬶ