[᭓᭔ 34B]
᭓᭔
᭞ᬫᬋᬋᬧ᭄ᬳᬶᬤᬓᬦ᭄ᬤᬸᬕᬶ᭞ᬭᬶᬂᬳᬮᬄᬲᬫᬗᬺᬲ᭄ᬋᬲᬶᬦ᭄᭞ᬓᭂᬫᬶᬢ᭄ᬯᬤ᭄ᬯᬦ᭄ᬳᬶᬤ᭠ᬢᬸᬳᬸ᭞ᬧᬸᬍᬲ᭄ᬮᭂᬧ᭄ᬮᭂᬧ᭄ᬬᬫᬓᭂᬚᬂ᭞ᬤᬲ᭄ᬭᬳᬶᬓᬵᬳᬶᬤᬭᬭᬶᬲ᭄᭞ᬕᭂᬮᬶᬲ᭄ᬫᬮᬓᬸ᭞
ᬫᬜᬶᬮᬶᬩ᭄ᬳᬶᬤᬲᬂᬭᬵᬫ᭟᭑᭕᭟ᬲᬋᬂᬳᬶᬤᬲᬂᬮᬓ᭄ᬱ᭄ᬫᬡ᭞ᬫᬶᬯᬄᬤᬾᬯᬷᬲᬷᬢᬗᬶᬭᬂ᭞ᬦᬾᬦ᭄ᬢᭂᬦ᭄ᬯᬾᬦ᭄ᬢᭂᬦ᭄ᬳᬦᬓ᭄ᬦᬯᬂ᭞ᬭᬶᬓᬵᬮᬦ᭄ᬳᬶᬤᬦᬾᬜᬶᬮᬶ᭠
ᬩ᭄᭞ᬫᬓ᭄ᬮᬶᬬᭂᬲ᭄ᬳᬶᬘᬮ᭄ᬭᬭᬶᬲ᭄᭞ᬯᬤ᭄ᬯᬓᬾᬩᬸᬓᬦ᭄᭞ᬤᬸᬓ᭄ᬩᬗᬸᬦ᭄᭞ᬫᬶᬯᬄᬲᬸᬫᬦ᭄ᬢ᭄ᬭᬩ᭄ᬬᬧᬭ᭞ᬤᬾᬦᬶᬂᬓᬳᬶᬘᬮᬦ᭄ᬕᬸᬲ᭄ᬢᬶ᭞ᬢᬦ᭄ᬓᬧᬗ᭄ᬕᬸᬄ᭞ᬮᬶᬗ᭄ᬕᬶᬄᬳᬶ
ᬤᬲᬂᬭᬵᬖᬯ᭟᭑᭖᭟ᬳᬸᬫ᭄ᬬᬂᬬᬫᬦᬗᬶᬲ᭄ᬲᬫ᭄ᬬᬦ᭄᭞ᬭᬶᬢ᭄ᬗᬄᬳᬮᬲᬾᬲᭂᬤᬶᬄ᭞ᬲᬵᬳᬫᬦ᭄ᬤᬸᬮᬫᬾᬳᬶᬤ᭞ᬚᬕᬗᬋᬋᬄᬢᬦ᭄ᬳᬸᬦᬶᬂ᭞ᬭᬶᬂᬲᬂᬳᬶ᭠
[᭓᭕ 35A]
ᬘᬮ᭄ᬢᬦ᭄ᬓᬧᬗ᭄ᬕᬶᬄ᭞ᬫᬯᬮᬶᬫᬓᭂᬚᬂᬫᬵᬦ᭄ᬢᬸᬓ᭄᭞ᬚᬕᬭᬯᬸᬄᬓᬳᬬᭀᬤ᭄ᬬ᭞ᬓᬾᬯᬦ᭄ᬢᭂᬦ᭄ᬫᬦᬄᬜᬲᬫᬶ᭞ᬢᬦ᭄ᬲᬄᬢᬸᬫᬹᬢ᭄᭞ᬲᬋᬂᬗᬶᬭᬶᬂᬲᬂᬭᬵᬖᬯ᭟
᭑᭗᭟ᬳᬶᬧᬧᬢᬶᬄᬫᬶᬯᬄᬩᬵᬮ᭞ᬫᬓᬤᬶᬧᬢᬶᬄᬲᬸᬫᬦ᭄ᬢ᭄ᬭᬶ᭞ᬫᬭᬯᬸᬧ᭄ᬤᬦᬾᬭᬶᬂᬢᬸᬓᬤ᭄᭞ᬗᬮᬷᬮᬮᬮᬶᬮᬬᬂᬳᬢᬶ᭞ᬲᬸᬫᬗ᭄ᬓᬶᬦ᭄ᬓᬮᬶᬯᬢ᭄ᬲᭂᬤᬶᬄ᭞ᬫᬵᬦ᭄ᬢᬸᬓ᭄ᬤ
ᬦᬾᬲᬧᬜ᭄ᬚᬂᬳᭂᬦᬸ᭞ᬢᬦᬫᬭᬶᬗᬾᬮᬶᬗᬂᬳᬶᬤ᭞ᬭᬯᬸᬄᬭᬶᬗᬬᭀᬤ᭄ᬬᬧᬸᬭᬶ᭞ᬮᬶᬯᬢ᭄ᬲᬸᬯᬸᬂ᭞ᬦᬵᬕᬭᬦᬾᬓᬭᬲᬬᬂ᭟᭑᭘᭟ᬭᬸᬫᬜ᭄ᬚᬶᬂᬤᬦᬾᬭᬶᬂᬧᬸᬭ᭄ᬬᬦ᭄᭞᭠
ᬫᬦᬗ᭄ᬓᬶᬮ᭄ᬭᬶᬂᬲᬂᬪᬸᬧᬢᬶ᭞ᬜᬶᬗᬓ᭄ᬳᬶᬤᬤᬰᬭᬢ᭞ᬮᬶᬜᬸᬦ᭄ᬳᬶᬤᬓᬍᬗᭂᬃᬭᬭᬶᬲ᭄᭞ᬤᭀᬦᬶᬂᬜᬶᬗᬓ᭄ᬲᬂᬲᬸᬫᬦ᭄ᬢ᭄ᬭᬶ᭞ᬢᬦ᭄ᬧᬳᬶᬭᬶᬗᬦ᭄ᬳᬶᬤᬢᬸᬳᬸ᭞ᬤᭂᬓ᭄ᬤᭂᬓ᭄ᬧ
Kaca:Bali-lontar-paparikan-ramayana-350ppi.pdf/35
Kaca puniki sampun kauji-wacén
