[᭓᭒ 32B]
᭓᭒
ᬲᬓᬾᬢᬦᬾᬗᬹᬦᬶ᭞ᬤᬓ᭄ᬲᬂᬧ᭄ᬭᬪᬸ᭞ᬗᬍᬫᭂᬲᬶᬦ᭄ᬓᬲ᭄ᬯᬾᬘ᭄ᬙᬦᬦ᭄᭟᭖᭟ᬦᬵᬗ᭄ᬳᬶᬂᬢᬦ᭄ᬯᬾᬦ᭄ᬢᭂᬦ᭄ᬤᬸᬓ᭄ᬦᬶᬓ᭞ᬧᬸᬢ᭄ᬭᬦ᭄ᬳᬶᬤᬲᬂᬓᬾᬓᬬᬷ᭞ᬭᬶᬂᬓᬓ᭄ᬬᬗᬾᬫᬲ
ᬲᬜ᭄ᬚᬦ᭄᭞ᬲᬂᬪᬭᬣᬦᬾᬦ᭄ᬢᭂᬦ᭄ᬳᬸᬦᬶᬂ᭞ᬭᬶᬂᬓᬳ᭄ᬬᬸᬦ᭄ᬤᬾᬯᬶᬓᬾᬓᬬᬷ᭞ᬯᬦ᭄ᬢᬄᬲᬂᬓᬾᬓᬬᬶᬢᬸᬳᬸ᭞ᬳᬶᬭᬶᬳᬢᬶᬭᬶᬂᬲᬂᬭᬵᬫ᭞ᬫᬵᬯᬶᬦᬦ᭄ᬳᬦ᭄ᬤᭂᬮ᭄ᬭᬶᬂᬳᬢᬶ᭞
ᬲᬦᬾᬲᬵᬫ᭄ᬧᬸᬦ᭄᭞ᬓᬵᬮᬍᬫᭂᬲᬶᬦ᭄ᬳᬶᬤ᭟᭗᭟ᬭᬭᬶᬲ᭄ᬦᬗ᭄ᬓᬶᬮ᭄ᬭᬶᬂᬲᬂᬦᬵᬣ᭞ᬧᬚᬕᬜᬤᭂᬮᬶᬦ᭄ᬕᬸᬫᬦ᭄ᬢᬶ᭞ᬲᬧᬸᬦᬶᬓᬓᬵᬳ᭄ᬬᬸᬦ᭄ᬳᬶᬤ᭞ᬓᬢᬸᬦᬲ᭄ᬲᬂᬭᬵᬫᬫ
ᬗ᭄ᬓᬶᬦ᭄᭞ᬫᬗ᭄ᬤᬾᬭᬾᬗ᭄ᬳᬮᬲ᭄ᬫᬮᬶᬗ᭄ᬕᬶᬄ᭞ᬫᬗ᭄ᬤᬾᬧᬸᬢ᭄ᬭᬦ᭄ᬳᬶᬤᬢᬸᬳᬸ᭞ᬲᬦᬾ᭠ᬓᬚᭂᬦᭂᬗᬂᬦᬵᬣ᭞ᬓ᭄ᬬᬸᬦ᭄ᬳᬶᬤᬲᬂᬓᬾᬓᬬᬷ᭞ᬲᬂᬤᬾᬯᬵᬕᬸᬂ᭞ᬲᬸᬗ᭄ᬲᬸᬢ᭄
[᭓᭓ 33A]
ᬓᬩᭂᬮ᭄ᬩᭂᬦ᭄ᬳᬶᬤ᭟᭘᭟ᬲᬵᬦ᭄ᬢᬸᬓᬦ᭄ᬲᬢ᭄ᬬᬧᬯᬘᬦ᭞ᬦᬸᬮᬶᬓᬦ᭄ᬤᬶᬓᬬᬂᬭᬭᬶᬲ᭄᭞ᬫᬗ᭄ᬤᬯᭀᬓᬦᬾᬫᬢᬶᬗ᭄ᬕᬮ᭄᭞ᬫᬯᬵᬰᬦᬇᬘᬮ᭄ᬳᬰᬶᬄ᭞ᬓᬩᬯᭀ
ᬲ᭄ᬭᬶᬂᬯᬤ᭄ᬯᬲᬫᬶ᭞ᬓᬾᬩᬸᬓᬦ᭄ᬫᬦᬄᬦᬾᬳᬶᬩᬸᬓ᭄᭞ᬲᬬᬦ᭄ᬲᬬᬦ᭄ᬲᬮᬶᬢ᭄ᬫᬦᬄ᭞ᬲᬗᭂᬢ᭄ᬩᬶᬗᬸᬂᬦᭀᬯᭀᬲ᭄ᬧᬮᬶᬂ᭞ᬲᬫᬶᬧᬭᬹᬫ᭄᭞ᬲᬫᬶᬦᬗ᭄ᬓᬶᬮ᭄ᬭᬶᬂᬲᬂᬭᬵᬫ
᭟᭙᭟ᬮᬶᬯᬢ᭄ᬧᬶᬲᬦ᭄ᬮᬲ᭄ᬲᬂᬦᬵᬣ᭞ᬦᬾᬦ᭄ᬢᭂᬦ᭄ᬳᬶᬤᬗᬯᬶᬮᬗᬶᬦ᭄᭞ᬭ᭄ᬬᬦ᭄ᬢᬸᬓ᭄ᬕᬸᬡᬓᬧ᭄ᬭᬚ᭄ᬜᬵᬦᬦ᭄᭞ᬫᬋᬧ᭄ᬲᬂᬪᬓᬣᬚᬵᬢᬶ᭞ᬳᬸᬤᬸᬄᬍᬢᬸᬄᬲᬂᬓᬾ
ᬓᬬᬶ᭞ᬲᬧᬸᬦᬶᬓᬓᬫᬸᬗ᭄ᬕ᭄ᬯᬶᬂᬳᬢᬹᬃ᭞ᬜᬦᬾᬧᬜ᭄ᬚᬓ᭄ᬢᬢ᭄ᬯᬶᬬᬦ᭄᭞ᬭᬶᬗᬚᭂᬂᬲᬂᬭ᭄ᬫᭀᬢ᭄ᬢᬫᬶ᭞ᬧᬘᬂᬢᬸᬫᬹᬢ᭄᭞ᬧᬗ᭄ᬭᬲᬦ᭄ᬳᬶᬧᬸᬦ᭄ᬢᬦ᭄ᬧᬲᬄ᭟᭑᭐
Kaca:Bali-lontar-paparikan-ramayana-350ppi.pdf/33
Kaca puniki sampun kauji-wacén
