Kaca puniki sampun kauji-wacén
[᭒᭙ 29B]
᭒᭙
ᬲᬂᬪᬸᬧᬢᬶ᭞ᬦᭀᬭᬯᬾᬦ᭄ᬢᭂᬦ᭄ᬓᬧᬶᬋᬗᬂ᭞ᬪᬕᬯᬦ᭄ᬧᬭᬰᬸᬚᬵᬢᬶ᭞ᬅᬪᬶ᭠ᬫᬦᬦᬾᬲᬸᬫᬶᬗ᭄ᬓᬶᬦ᭄᭞ᬓᬩᬢᭂᬓ᭄ᬳᬸᬮᬶᬳᬦ᭄ᬗᬕᬸ᭞ᬦᭀᬭᬗᬭᬲᬬᬂᬚᬦ᭄ᬫᬵ᭞
ᬦᭀᬭᬯᬾᬦ᭄ᬢᭂᬦ᭄ᬳᬦᬓ᭄ᬰᬓ᭄ᬢᬶ᭞ᬓᬲᬶᬦᬗ᭄ᬕᬸᬄ᭞ᬲᬾᬯᭀᬲ᭄ᬭᬶᬂᬳᬶᬤᬓᬾᬯᬮ᭟᭗᭒᭟ᬕᬦ᭄ᬤᬾᬯᬦ᭄ᬳᬶᬤᬕᭃᬂᬤᬳᬢ᭄᭞ᬲᬵᬫ᭄ᬧᬸᬦ᭄ᬕᭃᬂᬧᬜ᭄ᬚᬂᬫᬮᬶᬄ᭞ᬫᬶᬯᬄᬇ᭠
ᬲᬸᬧᬳᬶᬘᬬᬂ᭞ᬭᬶᬳᬶᬤᬲᬂᬭᬵᬫᬫᬗ᭄ᬓᬶᬦ᭄᭞ᬬᬦᬶᬂᬥᬩᬵᬦ᭄ᬫᬬᬢᬶ᭞ᬚᬢᬶᬲᬶᬥᬓᬮᬄᬅᬓᬸ᭞ᬗᬪᬓ᭄ᬢᬶᬓᬳᬶᬓᬾᬦ᭄ᬳᬶᬩ᭞ᬗᬦ᭄ᬤᬶᬓᬳᬶᬤᬲᬸᬚᬵᬢᬶ᭞
ᬫᬧᬓᬳ᭄ᬬᬸᬦ᭄᭞ᬫᬫᭂᬭᬶᬓ᭄ᬱᬯᬶᬰᬾᬱᬦ᭄᭟᭗᭓᭟ᬲᬂᬭᬵᬫᬳᬶ᭠ᬤᬧᬸᬭᬸᬱ᭞ᬲᬸᬥᬶᬭᬗᬋᬧᬂᬫᬗ᭄ᬓᬶᬦ᭄᭞ᬓᬢᬗ᭄ᬕᬧ᭄ᬧᬦᬄᬧᬸᬦᬶᬓ᭞ᬳᬕᭃᬂ
[᭓᭐ 30A]
ᬢᬸᬂᬧᬜ᭄ᬚᬂᬢᬦᬭᬶ᭞ᬫᬶᬯᬄᬳᬶᬰᬸᬫᬜᬋᬗᬶᬦ᭄᭞ᬓᬧᭂᬡ᭄ᬝᬂᬕᭂᬮᬶᬲ᭄ᬧᬸᬦᬶᬓᬸ᭞ᬧᬦᬳᬾᬓᬧᬢᬶᬢᬶᬲᬂ᭞ᬲᬂᬚᬫᬤᬵᬖ᭄ᬦᬶᬦᬾᬫᬗ᭄ᬓᬶᬦ᭄᭞ᬤᬳᬢ᭄ᬓᭂᬘᬸᬤ᭄
᭞ᬲᬳᬫᭂᬦᭂᬂᬲᬍᬕ᭄ᬲᭂᬕᬦ᭄᭟᭗᭔᭟ᬇᬄᬳᬶᬩᬭᬵᬫᬪᬵᬃᬖᬯ᭞ᬅᬧᬦ᭄ᬳᬶᬩᬧᬦᬄᬓᬳᬶ᭞ᬧᭂᬢᬳᬂᬦᬾᬚᬦᬶᬳᬶᬩ᭞ᬩᬯᭀᬳᬶᬩᬧᬦᬄᬓᬳᬶ
᭞ᬅᬧᬳᬢᬶᬦ᭄ᬫᬸᬩᭂᬦᭂᬗᬶᬦ᭄᭞ᬢᬸᬲᬶᬂᬧᭂᬲᬦ᭄ᬤᬤᬶᬧᬸᬬᬸᬂ᭞ᬫᬹᬱ᭄ᬝᬶᬫᬢᬶᬚᬦᬶᬳᬶᬩ᭞ᬬᬦᬶᬂᬧᬤᬾᬢᬓᬸᬢ᭄ᬫᬢᬶ᭞ᬩᬸᬥᬶᬳᬶᬤᬸᬧ᭄᭞ᬮᬓᬃᬫᬦᬸᬗ᭄ᬓᬸᬮ᭄ᬧᭂᬢ᭠
ᬳᬂ᭟᭗᭕᭟ᬓᬮᬶᬫᬶᬤ᭄ᬓᬮᬶᬫᬶᬤ᭄ᬪᬵᬃᬖᬯ᭞ᬳᬶᬤᬯᭀᬲᭂᬓ᭄ᬳᬶᬩᬸᬓ᭄ᬰᭂᬤᬶᬄ᭞ᬓᬵᬦ᭄ᬢᬸᬦ᭄ᬲᬬᬂᬫᬭᬶᬂᬚᬶᬯ᭞ᬭᬭᬶᬲ᭄ᬳᬶᬤᬫᬵᬢᬹᬃᬳᬸᬦᬶᬂ᭞ᬳᬸᬫᬄᬩᬧᬵ
