[᭒᭖ 26B]
᭒᭖
ᬓᬰ᭄ᬯᬫᬶᬦ᭄ᬲᬂᬫᬿᬢᬷᬮᬶ᭞ᬧᬸᬧᬸᬢ᭄ᬳᬶᬤᬍᬯᬶᬳᬶᬂᬯᬗ᭄ᬰ᭞ᬓᬮᬶᬄᬭᬕᬳᬦᭀᬫ᭄ᬯ᭄ᬬᬓ᭄ᬢᬶ᭞ᬧᬭᬶᬧᬹᬃᬡᬳᬦ᭄ᬢᬸᬓ᭄ᬰᬓ᭄ᬢᬶ᭞ᬳᬢᬹᬭᬶᬦ᭄ᬳᬶᬤᬲᬂᬧ᭄ᬭᬪᬸ᭞ᬧᬸᬦᬶᬓᬲᬂᬤᬰ
ᬭᬢ᭞ᬧᬫᬦ᭄ᬫᬚᬮᬦ᭄ᬧᬂᬕᭂᬮᬶᬲ᭄᭞ᬫᬵᬢᬹᬃᬤᬶᬢᬸ᭞ᬲᬂᬭᬵᬫᬓᬩᬸᬜ᭄ᬘᬶᬗᬂ᭟᭕᭙᭟ᬲᬧᬸᬦᬶᬓᬫᬯᬘᬦ᭞ᬳᬶᬤᬲᬂᬚᬦᬓᬧᬢᬶ᭞ᬭᬶᬲᬂᬓᬧᬗᬦ᭄ᬤᬶ
ᬓᬚᬂ᭞ᬳᬸᬢᬸᬲᬦ᭄ᬮᬸᬫᬓᬸᬕᭂᬮᬶᬲ᭄᭞ᬲᬵᬫ᭄ᬧᬸᬦ᭄ᬭᬯᬸᬄᬭᬭᬶᬲ᭄ᬫᬜ᭄ᬚᬶᬂ᭞ᬫᬗᬢᬹᬭᬂᬯᭀᬃᬣᬲᬵᬫ᭄ᬧᬸᬦ᭄᭞ᬢᬗ᭄ᬓᭂᬚᬸᬢ᭄ᬲᬂᬤᬰᬭᬢ᭞ᬭᬶᬓᬵᬮᬓᬵᬢᬹᬭᬦ᭄
ᬯᬺᬢ᭄ᬢᬶ᭞ᬦᭀᬭᬧᬸᬭᬸᬦ᭄᭞ᬭᬭᬶᬲ᭄ᬤᬶᬕᭂᬮᬶᬲ᭄ᬫᬫᬃᬕ᭄ᬕ᭟᭖᭐᭟ᬓᬵᬮᬳᬶᬤᬲᬵᬫ᭄ᬧᬸᬦ᭄ᬧ᭄ᬭᬧ᭄ᬢᬵ᭞ᬭᬶᬓᬭᬶᬂᬫᬿᬢᬶᬮᬧᬸᬭᬶ᭞ᬮᬸᬫᬓᬸᬤᬳᬢᬶᬂᬭᬵᬫ᭄ᬬ᭞ᬳᬶᬤᬲᬂ
[᭒᭗ 27A]
ᬫᬿᬢᬶᬮᬧᬢᬶ᭞ᬫᬫᭂᬦ᭄ᬤᬓᬶᬦ᭄ᬳᬶᬤᬕᭂᬮᬶᬲ᭄᭞ᬦᬵᬦᬧ᭄ᬭᬓᬭᬧᬲᬸᬕᬸᬄ᭞ᬅᬢᬶᬰᬬᬧᬭᬶᬪᭀᬕ᭞ᬲᬂᬚᬵᬦᬓᬫᬵᬢᬹᬃᬫᬗ᭄ᬓᬶᬦ᭄᭞ᬚᬵᬢᬶᬢᬸᬳᬸᬘᬘᬶᬗ
ᬓᬾᬳᬶᬤᬮᬾᬤᬂ᭟᭖᭑᭟ᬳᬶᬗ᭄ᬕᬶᬄᬭᬢᬸᬤᬰᬭᬣ᭞ᬧᬸᬭᬸᬱᬯᬶᬱᬾᬱᬚᬵᬢᬶ᭞ᬥᬃᬫ᭄ᬫᬅᬂᬣᬫᬶᬯᬄᬓᬵᬫ᭞ᬓᬃᬥᬶᬦ᭄ᬳᬶᬤᬾᬯᬦᬾᬯ᭄ᬬᬓ᭄ᬢᬶ᭞ᬫᬶᬢ᭄ᬭᬦ᭄ᬲᬗ᭄ᬳ᭄ᬬᬂᬇᬦ᭄ᬤ᭄ᬭ
ᬚᬵᬢᬶ᭞ᬪᬝᬭᬧᬢᬶᬲ᭄ᬳᬶᬭᬢᬸ᭞ᬪᬕ᭄ᬬᬧᬶᬲᬦ᭄ᬧᬶᬲᬦ᭄ᬢᬶᬢ᭄ᬬᬂ᭞ᬭᬯᬸᬳᬾᬶᬤᬾᬯᬦᬾᬫᬗ᭄ᬓᬶᬦ᭄᭞ᬳᬶᬗ᭄ᬕᬶᬄᬭᬢᬸ᭞ᬧᬦᬶᬓᬾᬫᬗ᭄ᬓᬶᬦ᭄ᬧᬶᬋᬗᬂ᭟᭖᭒᭟ᬢᬦ᭠
ᬬᬦ᭄ᬘᭀᬓᭀᬃᬲᬂᬦᬵᬣ᭞ᬧ᭄ᬭᬚ᭄ᬜᬦ᭄ᬍᬯᬶᬳᬶᬂᬲᭀᬮᬄᬚᬵᬢᬶ᭞ᬫᬓᬵᬤᬶᬲᬂᬭᬵᬫᬤᬾᬯ᭞ᬢᬦ᭄ᬯᬾᬦ᭄ᬢᭂᬦ᭄ᬳᬶᬤᬜᬫᬾᬦᬶᬦ᭄᭞ᬭᬶᬂᬚᬕᬢ᭄ᬧᬵᬤ
Kaca:Bali-lontar-paparikan-ramayana-350ppi.pdf/27
Kaca puniki sampun kauji-wacén
