[᭒᭔᭐ 240B]
᭒᭔᭐
ᬦᬶᬓᬧᬗᬶᬲᭂᬧ᭄ᬜᬵ᭞ᬲᬧᬸᬦᬶᬓ᭞ᬲᬫᬾᬦ᭄ᬓᬳ᭄ᬬᬸᬦ᭄ᬲᬂᬓᬧᬸᬗᬸ᭞ᬜᬸᬲᬸᬧ᭄ᬭᬶᬂᬳᬗ᭄ᬕᬰᬭᬷᬭ᭞ᬗᬭᬜ᭄ᬚᬶᬂᬭᬶᬂᬢ᭄ᬮᭂᬗᬶᬂᬳᬢᬶ᭟᭘᭟ᬭᬭᬶᬲ᭄ᬪᬱ᭄ᬫᬶᬭᬓᬦ᭄ᬳᬶᬤ᭞ᬯᬸᬲ᭄ᬫᬩᬺᬲᬶᬄ
᭞ᬓᬵᬢᬹᬭᬦ᭄ᬢᬃᬧᬡᬲᬚᬶ᭞ᬳᬶᬤᬧᬸᬦᬶᬓᬗᬯᬦ᭄ᬢᬸ᭞ᬓᬚᭂᬦᭂᬗᬂᬳᬕᬸᬂᬭᬶᬂᬍᬗ᭄ᬓᬵ᭞ᬮ᭄ᬯᬶᬄᬫᬢᬾᬚ᭞ᬲᬧᬜ᭄ᬦᭂᬂᬳᬶᬤᬓᬲᬸᬩ᭄᭞ᬳᬸᬲᬦ᭄ᬫᬲᬮᬶᬦ᭄ᬫᬰᬶᬮᬵ᭞
ᬮ᭄ᬯᬶᬄᬅᬫᬺᬢᬢᬓᬂᬧᬶᬦᬓ᭄ᬱᬶ᭟᭙᭟ᬋᬱᬶᬕᬡᬳᬦᬸᬫᭀᬤ᭞ᬮᬦ᭄ᬤᬾᬯ᭠ᬢᬶᬲᬋᬂᬳᬶᬤᬫᬗᬶᬘᬦᬶᬦ᭄᭞ᬮᬾᬤᬂᬫᬜᬶᬗᬓ᭄ᬧᬸᬦᬶᬓᬸ᭞ᬭᬢᬸᬧᬬᬸᬂᬳᬶᬢ᭄ᬭᬶ
ᬮᭀᬓ᭞ᬓᬳ᭄ᬬᬸᬦ᭄ᬳᬶᬤ᭞ᬫᬗᬺᬡᬦᬶᬳᬦ᭄ᬢᬸᬓ᭄ᬕᬸᬭᬸᬄ᭞ᬢᬶᬃᬣᬢᭂᬤᬸᬦ᭄ᬫᬲᬦ᭄ᬯᬃᬱ᭞ᬗ᭄ᬯᬍᬲᬂᬲᬍᬗ᭄ᬓᬧᬸᬭᬶ᭟᭑᭐᭟ᬤᬳᬢ᭄ᬮᬾᬤᬂᬓᬳ᭄ᬬᬸᬦ᭄ᬳᬶᬤ᭞ᬫᬶᬦᬓᬵ
[᭒᭔᭑ 241A]
ᬕᬶᬡᬤ
ᬤᬶ᭞ᬲᬳ᭄ᬬᬂᬰᬓ᭄ᬭᬲᬸᬓᬢᬸᬯᬶ᭞ᬩ᭄ᬭᬢᬦ᭄ᬳᬶᬤᬤᬦᬳᬲᬸᬂ᭞ᬳᬦ᭄ᬢᬸᬓ᭄ᬲᬩᭂᬄᬳᬕᭃᬂᬫᭂᬫ᭄ᬩᬄ᭞ᬲᬫᬳᬮ᭞ᬇᬘᬮ᭄ᬮᬸᬗᬲᬫᬶᬳᬜᬸᬤ᭄᭞ᬓᬦ᭄ᬢᬸᬦ᭄
ᬲᬳᬦᬦ᭄ᬦᬶᬃᬫᬮ᭞ᬫᬢᬾᬚᬚᬕᬢᬾᬰ᭄ᬭᬶ᭟᭑᭑᭟᭚᭐ᬕᬶᬡᬤ᭚ᬗ᭄ᬕᬶᬄᬮᬮ᭄ᬯᬂᬫᬗ᭄ᬓᬶᬦ᭄ᬧᬸᬦᬶᬓ᭞ᬧᬕᭂᬦ᭄ᬢᭀᬲ᭄ᬲᬂᬦᬭᬧᬢᬶ᭞ᬓ
ᬢᬸᬤᬸᬭᬂᬲᬂᬅᬦᬹᬫᬵᬦ᭄᭞ᬲᬭᬢ᭄ᬤᬦᬾᬚᬕᬓᬯᬸᬄ᭞ᬮᬸᬗ᭄ᬳᬓᬢᬫᬵᬦ᭄ᬦᬢᬲᬂ᭞ᬲᬵᬫ᭄ᬧᬸᬦ᭄ᬧ᭄ᬭᬧ᭄ᬢᬶ᭞ᬓᬘᬶᬗᬓ᭄ᬲᬸᬢᬚᬵᬦᬓ᭟᭑᭟ᬗᬲᭀᬃᬘᬘᬶᬲ᭄ᬤ
ᬦᬾᬜᬸᬫ᭄ᬩᬄ᭞ᬲᭀᬮᬄᬩᭂᬘᬓ᭄ᬤᬳᬢ᭄ᬩᬓ᭄ᬢᬶ᭞ᬧᬗᬲ᭄ᬢᬸᬗ᭄ᬓᬭᬑᬀᬚᬬ᭞ᬇᬗ᭄ᬕᬶᬄᬭᬢᬸᬤᬾᬯᬳᬬᬸ᭞ᬫᭀᬮᬶᬄᬲᬵᬫ᭄ᬧᬸᬦ᭄ᬦᬵᬣᬭᬵᬫ᭞ᬮᬶᬮᬂᬳᬢᬶ᭞ᬫ
Kaca:Bali-lontar-paparikan-ramayana-350ppi.pdf/241
Kaca puniki sampun kauji-wacén
