[᭒᭒᭘ 228B]
᭒᭒᭘
ᬤᭂᬤᭂᬢᬾᬳᬶᬘᬮ᭄᭞ᬲᬂᬳ᭄ᬬᬂᬲᬹᬃᬬ᭄ᬬᬗᭂᬦ᭄ᬢᬾᬃᬫᬮᬶᬄ᭞ᬭᬯᬸᬄᬤᬦᬾᬲᬂᬆᬗ᭄ᬕᬥ᭞ᬗᬫᬃᬕᬶᬦᬶᬦ᭄ᬢᬾᬫ᭄ᬩᭀᬓ᭄ᬗ᭄ᬭᬜ᭄ᬚᬶᬂ᭞ᬧᬸᬭᬸᬱᬢᬦ᭄ᬧᬓᭂᬓᬾᬭᬶ᭞ᬤ
ᬦᬾᬢᬦᬵᬚ᭄ᬭᬶᬄᬢᬦ᭄ᬓᬾᬗ᭄ᬕᬸᬄ᭞ᬓ᭄ᬭᬸᬭᬥᬷᬭᬤᬷᬧᬱᬾᬪᬦ᭄᭞ᬓᬲᭀᬩ᭄ᬳᬶᬤᬲᬂᬪᬸᬧᬢᬶ᭞ᬫᬗᬵᬦ᭄ᬤᬸᬮᬸ᭞ᬧᬶᬤᬩ᭄ᬤᬩᬾᬧᬭᬶᬓᭀᬱᬵ᭟᭕᭟ᬫᬮᬶ᭠
ᬗ᭄ᬕᬶᬄᬭᬶᬂᬧᬦᬗ᭄ᬓᬶᬮᬦ᭄᭞ᬲᬂᬤᬰᬦᬦᬪᬸᬧᬢᬶ᭞ᬫᬤᬫ᭄ᬧ᭄ᬬᬓ᭄ᬯᬢᭂᬓ᭄ᬇᬧᬜ᭄ᬚᬓ᭄᭞ᬩᬳᬸᬥᬡ᭄ᬥᬧᬭᬫᬦ᭄ᬢ᭄ᬭᬶ᭞ᬧ᭄ᬭᬘᬶᬭᬶᬢᬦ᭄ᬓᬫᬦᬳᬶᬦ᭄᭞ᬤᭂᬕ᭄ᬤᭂ᭠
ᬕ᭄ᬳᬶᬤᬫᬧᬓᬳ᭄ᬬᬸᬦ᭄᭞ᬫᬗᬋᬧᬂᬲᬂᬅᬗ᭄ᬕᬥ᭞ᬢᬸᬫᬸᬮᬶᬤᬦᬾᬫᬮᬶᬗ᭄ᬕᬶᬄ᭞ᬲᬳᬵᬫᬵᬢᬹᬃ᭞ᬩᬦ᭄ᬩᬦ᭄ᬲᭂᬓᭂᬦ᭄ᬢᭂᬭᬂᬧ᭄ᬬᬵᬃᬱ᭟᭖᭟ᬳᬶᬗ᭄ᬕᬶᬄᬭ
[᭒᭒᭙ 229A]
ᬢᬸᬲᬂᬤᬰᬭᬵᬯᬡ᭞ᬘᭀᬓᭀᬃᬤᬾᬯᬲᬸᬦ᭄ᬤᬃᬕᬸᬫᬶ᭞ᬦᬶᬓᬶᬳᬢᬹᬃᬢᬶ᭠ᬢ᭄ᬬᬂᬧ᭄ᬬᬃᬱᬵ᭞ᬢᬶᬢ᭄ᬬᬂᬧ᭄ᬬᬦᬓ᭄ᬲᬂᬲᬸᬩᬮᬶ᭞ᬓ᭄ᬮᭀᬓ᭄ᬢᬄᬓᭂᬢᬄᬲᬓᬶᬂᬗᬹᬦᬶ᭞
ᬫᬤᬵᬦ᭄ᬳᬶᬅᬗ᭄ᬕᬤᬢᬸᬳᬸ᭞ᬫᬸᬗ᭄ᬕ᭄ᬯᬶᬂᬳᬶᬤᬲᬂᬭᬵᬖᬯ᭞ᬳᬶᬤᬭᬢᬸᬦ᭄ᬚᬕᬢ᭄ᬲᬫᬶ᭞ᬳᬶᬤᬗᬸᬢᬸᬲ᭄᭞ᬓ᭄ᬭᬡᬢᬗ᭄ᬓᬶᬮ᭄ᬭᬶᬂᬳᬶᬤᬾᬯ᭟᭗᭟ᬗᬢᬹᬭᬶᬦ᭄ᬘᭀ
ᬓᭀᬃᬳᬶᬤᬾᬯ᭞ᬫᬗ᭄ᬤᬳᬶᬭᬢᬸᬲᬸᬪᬓ᭄ᬢᬶ᭞ᬧᬸᬦᬶᬓᬧᬶᬲᬭᬢ᭄ᬢᬶᬢ᭄ᬬᬂ᭞ᬲᬳᬵᬯᬤ᭄ᬯᬲᬫᬶᬪᬓ᭄ᬢᬶ᭞ᬫᬗ᭄ᬤᬲᬢᬢᬫᬫᬹᬓ᭄ᬢᬶ᭞ᬧᬜᭂᬦᭂᬂᬳᬶᬤᬾᬯᬮᬸᬗ᭄ᬲᬸᬃ᭞
ᬲᬮ᭄ᬯᬶᬃᬫᬹᬮᬾᬭᬶᬂᬓᬥᬢ᭄ᬯᬦ᭄᭞ᬫᬵᬲ᭄ᬧᬘᭀᬘᬦ᭄ᬪᬓ᭄ᬢᬲᬫᬶ᭞ᬫᬗ᭄ᬤᬓᬵᬢᬹᬃ᭞ᬗᬶᬭᬶᬫᬵᬦ᭄ᬢᬸᬓ᭄ᬤᬾᬯᬷᬲᬶᬢ᭟᭘᭟ᬬᬾᬦ᭄ᬧᬤᬾᬳᬶᬤᬾᬯᬢᭂᬫ᭄ᬧ
Kaca:Bali-lontar-paparikan-ramayana-350ppi.pdf/229
Kaca puniki sampun kauji-wacén
