Kaca:Bali-lontar-paparikan-ramayana-350ppi.pdf/227

Saking Wikisource
Kaca puniki sampun kauji-wacén

[᭒᭒᭖ 226B]
᭒᭒᭖
ᬲ᭄ᬫᬭᬦ᭄ᬥᬦ
ᬕ᭄ᬭᬭᬶᬲ᭄ᬫᬜᬸᬫ᭄ᬩᬄ᭞ᬓᬩᬢᭂᬓ᭄ᬩᬵᬦ᭄ᬤᬳᬢ᭄ᬳᬚ᭄ᬭᬶᬄ᭞ᬲᬳᬵᬫᬧᬚᬃ᭞ᬜ᭄ᬫᬭᬦ᭄ᬥᬦᬫᬵᬢᬹᬃᬪᬓ᭄ᬢᬶ᭟᭔᭟᭚ᬧᬸᬧᬸᬄᬲ᭄ᬫᬭᬦ᭄ᬥᬦ᭚ᬳᬶᬗ᭄ᬕᬶᬄᬭᬢᬸᬲᬂᬪᬸᬧ
ᬢᬶ᭞ᬭᬢᬸᬧᬦᭂᬫ᭄ᬩᬳᬦ᭄ᬢᬶᬢ᭄ᬬᬂ᭞ᬲᬵᬫ᭄ᬧᬸᬦᬂᬳᬢᬹᬃᬢᬶᬢ᭄ᬬᬗᬾ᭞ᬋᬗᭃᬬᬗᬲᬦᬾᬳᬶᬯᬂ᭞ᬲᬓᬶᬂᬚᬵᬢᬶᬫᬦᬄᬢᬶᬢ᭄ᬬᬂ᭞ᬳᬲᬶᬄᬲᬸᬪᬓ᭄ᬢᬶᬫᬧ᭄ᬭᬪᬸ᭞ᬳᬲᬧᬸ
ᬦᬶᬓᬓᬩ᭄ᬯᬢᬦ᭄᭟᭑᭟ᬦᬵᬗ᭄ᬳᬶᬂᬧᬤᬾᬲᬂᬪᬸᬧᬢᬶ᭞ᬫᬓᬳ᭄ᬬᬸᬦ᭄ᬚᬕᬫᬬᬸᬥᬧᬸᬦᬶᬓᬶᬥᬾᬯᬾᬓ᭄ᬢᬶᬢ᭄ᬬᬗᬾ᭞ᬫᬗ᭄ᬤᬧᬵᬥᭂᬫ᭄ᬭᬶᬂᬧᬬᬸᬥᬦ᭄᭞ᬫᬓᬘ
ᬭᬸᬦ᭄ᬢᭀᬓᭀᬃᬳᬶᬤᬾᬯ᭞ᬧᬦᬯᬸᬭᬦ᭄‌ᬲ᭄ᬯᬾᬘᬦ᭄ᬭᬢᬸ᭞ᬦᬾᬤᬳᬢ᭄ᬫᬩ᭄ᬯ᭠ᬢ᭄ᬭᬶᬂᬢᬶᬢ᭄ᬬᬂ᭟᭒᭟ᬲᬫᬮᬶᬳᬲᬧᬸᬦᬶᬸᬓᬶᬸᬦᬧᬶ᭞ᬓᬬᬢ᭄ᬦᬦ᭄ᬭᬢᬸᬭᬶᬂᬮᬵᬯᬦ᭄
[᭒᭒᭗ 227A]
ᬲᬶᬦᭀᬫ᭄
᭞ᬦᬾᬦᬾᬫᬗ᭄ᬓᬶᬦ᭄ᬳᬸᬧᬵᬬᬦᬾ᭞ᬓᬃᬥᬶᬦᬶᬦ᭄ᬧᬸᬦᬶᬓᬕ᭄ᬮᬶᬲᬂ᭞ᬢᬶᬢ᭄ᬬᬂᬧᬋᬓᬦ᭄ᬳᬶᬤᬾᬯ᭞ᬢᬦ᭄ᬧᬘᬂᬫᬫᬦᬄᬧᬸᬭᬸᬦ᭄᭞ᬲᬦ᭄ᬤᬶᬓᬦ᭄ᬭᬢᬸᬳᬶᬭᬶᬂᬢᬶᬢ᭄ᬬᬂ᭟᭓
᭟ᬦᬧᬶᬕᬸᬡᬦ᭄ᬦᬾᬫᬦᬶᬢᬶ᭞ᬓᬵᬮᬶᬄᬫᬧᬗᬶᬦ᭄ᬤ᭄ᬭᬚᬮ᭞ᬫᬵᬧᬦ᭄ᬫᭂᬲᭂᬄᬳᬶᬤᬾᬯᬦᬾ᭞ᬩᭀᬚᭀᬕ᭄ᬦᬶᬱ᭄ᬝᬍᬢᬸᬄᬧᬶᬲᬦ᭄᭞ᬳᬶᬚᬸᬭᬸᬩᭀᬭᭀᬲ᭄ᬢᭂᬤᬸᬦᬂ᭞ᬫ
ᬗ᭄ᬤᬓᬧᬬᬸᬥᬦ᭄ᬭᬯᬸᬄ᭞ᬧᬦᬄᬢᬸᬮᬸᬧ᭄ᬳᬲᬸᬩᬓ᭄ᬢ᭟᭔᭟ᬚᬭᬶᬂᬘᬤᬗᬂᬫᬮᬶᬄ᭞ᬲᬵᬫ᭄ᬧᬸᬦ᭄ᬲᬶᬦᬄᬢᭂᬮᬲ᭄ᬭᬸᬲᬓ᭄᭞ᬫᬦᬯᬶᬳᬦ᭄ᬢᬸᬓ᭄ᬳᬓᬾᬄᬦᬾ᭞᭠ᬜᬫᬶᬦᬩ᭄ᬯᬾᬦ᭄ᬢᭂᬦ᭄ᬲᬦᬾᬍᬧᬲ᭄᭞ᬧᬸᬦᬶᬓᬧᬵᬢᬹᬢ᭄ᬓᬬᬢ᭄ᬦᬵ᭞ᬲᬦᬾᬓᬸᬯᬢ᭄ᬫᬶᬯᬄᬢᭂᬕᬸᬄ᭞ᬲᬶᬦᭀᬫ᭄ᬳᬗ᭄ᬕᬾᬦ᭄ᬗᬮᬦ᭄ᬢᬸᬭᬂ᭟᭕᭟᭚ᬲᬶᬦᭀᬫ᭄