[᭒᭒᭕ 225B]
᭒᭒᭕
ᬢᬸ᭞ᬦᬵᬗ᭄ᬳᬶᬂᬲᬓᬶᬂᬪᬓ᭄ᬢᬶᬦ᭄ᬫᬦᬄ᭟᭑᭐᭟ᬫᬗ᭄ᬤᬳᬤᬸᬂᬲᬂᬪᬸᬧᬢᬶ᭞ᬦᬶᬓᬦᬾᬧᬶᬦᬶᬄᬉᬢ᭄ᬢᬫ᭞ᬫᬵᬋᬧ᭄ᬭᬶᬂᬲᬂᬭᬵᬫᬲᬦ᭄ᬮᬾᬦ᭄᭞ᬫᬗ᭄ᬤᬲ᭄ᬯᬾᬳᬶᬭᬢᬸᬓᬾᬦᬓ᭄
᭞ᬫᬗ᭄ᬤᬾᬦ᭄ᬳᬶᬤᬤᬾᬯᬶᬲᬶᬢ᭞ᬕ᭄ᬮᬶᬲᬂᬳᬢᬹᬭᬂᬧᬸᬦᬶᬓᬸ᭞ᬤᬾᬦᬶᬂᬳᬶᬤᬗᬃᬥᬶᬬᬸᬥ᭟᭑᭑᭟ᬲᬧᬸᬦᬶᬓᬧᬸᬧᬸᬢ᭄ᬩᭂᬘᬶᬓ᭞ᬳᬢᬹᬃᬲᬂᬲᬸᬓᬵᬰᬭᬡ᭞ᬗᬸᬦᬶ
ᬗᬂᬳᬶᬦ᭄ᬤᬶᬓ᭄ᬧᬵᬢᬹᬢᬾ᭞ᬳᬦ᭄ᬢᬸᬓ᭄ᬪᬓ᭄ᬢᬶᬦᬾᬫᬦᬵᬣ᭞ᬓ᭄ᬭᭀᬥᬳᬶᬤᬬ᭠ᬦ᭄ᬓᬵᬢᬹᬭᬦ᭄᭞ᬧᬲᬯᬸᬭᬾᬲᬤᬩᭂᬦ᭄ᬤᬸ᭞ᬕᬮᬓ᭄ᬲᬫ᭄ᬩᬶᬮᬗᬦᬹᬃᬫ᭟᭑᭒᭟
᭚ᬧᬸᬄᬤᬹᬃᬫ᭄ᬫ᭚ᬳᬸᬤᬸᬄᬳᬶᬩᬧᬜ᭄ᬚᬓ᭄ᬦᬶᬱ᭄ᬝᬍᬢᬸᬄᬧᬶᬲᬦ᭄᭞ᬢᬸᬳᬸᬳᬤᬦ᭄ᬭᬵᬓ᭄ᬱᬲᬾᬓᬶ᭞ᬢᬦ᭄ᬧᬩᬬᬸᬳᬶᬩ᭞ᬓᬩᬢᭂᬓ᭄ᬩᬦ᭄ᬮᬶᬯ᭠
[᭒᭒᭖ 226A]
ᬢ᭄ᬕᭂᬢᬧ᭄᭞ᬳᬶᬩᬢᭂᬓᬾᬦ᭄ᬫᬸᬲᬸᬄᬢᬸᬯᬶ᭞ᬫᬦᬸᬦ᭄ᬤᬾᬦ᭄ᬳᬶᬩ᭞ᬢᬦᬾᬭᬂᬓᭀᬦ᭄ᬓᬳᬶᬪᬓ᭄ᬢᬶ᭟᭑᭟ᬲᬶᬂᬚᬫᬫᬸᬲᬸᬄᬤᬾᬯᬲᬶᬂᬚᬭᬵᬓ᭄ᬱᬲ᭞ᬢ᭄ᬯᬄᬯᬦᬭᬓ
ᬮᬶᬯᬢ᭄ᬦᬶᬱ᭄᭞ᬢᬸᬃᬫᬦᬶᬂᬅᬥᬫ᭞ᬓᬩᬢᭂᬓ᭄ᬩᬵᬦ᭄ᬦᬶᬱ᭄ᬝᬦ᭄ᬳᬶᬩ᭞ᬫᬶᬯᬄᬮᬶᬯᬢᬕᭂᬢᬧ᭄ᬕᬢᬶ᭞ᬩᬲ᭄ᬮᭂᬢᬸᬄᬳᬶᬩ᭞ᬢᭂᬓᬾᬦ᭄ᬫᬸᬲᬸᬄᬳᬶᬩᬪᬓ᭄ᬢᬶ᭟᭒᭟ᬓᬲᬸ᭠
ᬩ᭄ᬳᬶᬩᬦᬾᬫᬮᬸᬧᬸᬭᬸᬱᬲᬭ᭞ᬧ᭄ᬭᬤᬾᬦᬾᬳᬶᬩᬦᬾᬚᬦᬶ᭞ᬳᬶᬩᬧᬜ᭄ᬚ᭠ᬓ᭄ᬮᬸᬫᬄ᭞ᬫᬕᭂᬤᬶᬚᬦᬶᬫᬓᬳᬤ᭄᭞ᬫᬸᬲᬸᬳᬾᬳᬶᬩᬚᬕ᭄ᬚᬕᬶᬦ᭄᭞ᬓᭂᬫᭀ
ᬳᬮᬶᬄᬬ᭞ᬳᭂᬦ᭄ᬢᭀᬲᬂᬯᬶᬪᬶᬱᬡᬦᬶᬱ᭄᭟᭓᭟ᬲᬧᬸᬦᬶᬓᬧᬗᬦ᭄ᬤᬶᬓᬵᬦ᭄ᬲᬂᬭᬄᬯᬡ᭞ᬫᬤᬸᬮᬸᬃᬓᬳ᭄ᬬᬸᬦᬾᬩ᭄ᬭᬗ᭄ᬢᬶ᭞ᬳᬶᬲᬸᬓᬵᬰᬭᬡ᭞ᬚᬸᬫᭂᬍ
Kaca:Bali-lontar-paparikan-ramayana-350ppi.pdf/226
Kaca puniki sampun kauji-wacén
