[᭒᭒᭓ 223B]
᭒᭒᭓
ᬲ᭄ᬫᬭᬦ᭄ᬤᬦ
ᬢᬸᬲᬦ᭄ᬮᬰ᭄ᬬᬧᬶᬲᬦ᭄᭞ᬲᬯᬶᬭᬾᬳᬸᬲᬦ᭄ᬓᬢᭂᬕᬸᬮ᭄᭞ᬕᭂᬮᬶᬲ᭄ᬗᬋᬧᬂᬢᬸᬃ᭠ᬜᬸᬫ᭄ᬩᬄ᭞ᬩᬸᬤᬮ᭄ᬫᬗ᭄ᬓᬶᬦ᭄᭞ᬲᬵᬫ᭄ᬧᬸᬫ᭄ᬭᬯᬸᬄᬫᬭᬶᬂᬍᬗ᭄ᬓᬵ᭟᭑᭑᭟ᬭᬯᬸᬄᬜ
ᬦᬾᬤᬳᬢ᭄ᬮᭂᬕ᭞ᬳᬕᬾᬳᬶᬧᬸᬦ᭄ᬫᬗ᭄ᬭᬜ᭄ᬚᬶᬂ᭞ᬫᬗᭀᬚᭀᬕ᭄ᬭᬶᬂᬧᬦᬗ᭄ᬓᬶᬮᬦ᭄ᬧ᭄ᬭᬤᬢᬳᬦ᭄ᬢᬓᬫᬵᬢᬹᬃ᭞ᬲᬮ᭄ᬯᬶᬃᬲᬦᬾᬓᬓᬦ᭄ᬢᭂᬦᬂ᭞ᬭᬶᬳᬶᬕᬸᬲ᭄ᬢᬶ᭞ᬳᬢᬹ
ᬭᬾᬜ᭄ᬫᬭᬦ᭄ᬤᬦ᭟᭑᭒᭚ᬧᬸᬄᬲ᭄ᬫᬭᬦ᭄ᬤᬦ᭚ᬳᬶᬗ᭄ᬕᬶᬄᬭᬢᬸᬲᬂᬪᬸᬧᬢᬶ᭞ᬢᬶᬢ᭄ᬬᬂᬲᬦᬾᬓᬦ᭄ᬤᬶᬓᬬᬂ᭞ᬮᬸᬗ᭄ᬳᬦᭂᬢᭂᬲᬶᬦ᭄ᬰᬢ᭄ᬭᬸᬦᬾ᭞ᬫᬶᬦᬓᬵᬤᬶᬲᬂᬭᬵ
ᬖᬯ᭞ᬩᭂᬓ᭄ᬓᬧᬶᬭᬶᬂᬕᬸᬦᬸᬂᬲ᭄ᬯᬾᬮ᭞ᬭᬯᬸᬄᬫᬭᬶᬂᬮᬫ᭄ᬩᬸᬂᬳᬶᬧᬸᬦ᭄᭞ᬭᬶᬂᬩᭀᬗ᭄ᬓᭀᬮ᭄ᬢᬍᬃᬩᭂᬓ᭄ᬧᬶᬲᬦ᭄᭟᭑᭟ᬲᬫᬶᬰᬓ᭄ᬢᬶᬢᬦ᭄ᬧᬢᬦ᭄ᬤᬶᬂ᭞ᬧᬫᬸᬧᬓ᭄ᬫᬸᬧ
[᭒᭒᭔ 224A]
ᬓ᭄ᬧᬃᬯ᭄ᬯᬢ᭞ᬲᬵᬢ᭄ᬕᬸᬦᬸᬂᬫᬳᬵᬫᬾᬭᬸᬦᬾ᭞ᬬᬾᬦᬶᬂᬳᬦ᭄ᬢᬸᬓ᭄ᬓᬳᬕᭃᬗᬦ᭄᭞ᬲᬾᬢᬸᬩᬦ᭄ᬤᬮᬶᬯᬢ᭄ᬓᬸᬯᬢ᭄᭞ᬦᬶᬓᬢᬯᬄᬓᬃᬥᬶᬦ᭄ᬳᬶᬧᬸᬦ᭄᭞ᬤᬳᬢ᭄ᬓᬵ
ᬤ᭄ᬪᬸᬢᬭᬶᬂᬚᬕᬢ᭄᭟᭒ᬕᬸᬦᬸᬂᬧᬸᬦᬶᬓᬫᬩᬮᬶᬓ᭄᭞ᬯᬮᬸᬬᬫᬦᬤᬶᬢᬸᬓᬤ᭄᭞ᬲᬧᬸᬦᬶᬓᬲᬵᬕᬭᬦᬾ᭞ᬲᬓᬤᬶᬧᬃᬯᬢᬳᬯᬦ᭄᭞ᬲᬓᬶᬂ᭠
ᬰᬓ᭄ᬢᬶᬦ᭄ᬳᬶᬯᬦᬭ᭞ᬢᬦ᭄ᬯᬾᬦ᭄ᬢᭂᬦ᭄ᬫᬭᬲᬓᬾᬗ᭄ᬕᬸᬄ᭞ᬳᬶᬦ᭄ᬤᬶᬓᬾᬗᬃᬥᬶᬧᬸᬦᬶᬓ᭟᭓᭟ᬲᬫᬶᬯᬶᬰᬾᬱᬢᬸᬃᬪᬓ᭄ᬢᬶ᭞ᬯᬢᭂᬓ᭄ᬳᬶᬯᬤ᭄ᬯᬯᬦᬭ᭞ᬭᬶᬂᬲᬂᬭᬵᬫ
ᬫᬸᬮᬸᬲ᭄ᬜᭂᬢ᭄ᬦᬾ᭞ᬤᬳᬾᬲᬂᬫᬭᬸᬣᬲᬸᬢ᭞ᬭᬶᬂᬓᬳ᭄ᬬᬸᬦ᭄ᬢᬦ᭄ᬯᬾᬦ᭄ᬢᭂᬦ᭄ᬕᬶᬕᬂ᭞ᬢᬸᬯᬶᬲᬂᬅᬗ᭄ᬕᬤᬳᬶᬓᬸ᭞ᬢᬦᬺᬋᬤ᭄ᬳᬶᬦ᭄ᬤᬶᬓ᭄ᬪᬓ᭄ᬢᬶᬦ᭄ᬜᬵ᭟᭔᭟ᬲᬂᬕ᭠
Kaca:Bali-lontar-paparikan-ramayana-350ppi.pdf/224
Kaca puniki sampun kauji-wacén
