Kaca puniki sampun kauji-wacén
[᭒᭒᭒ 222B]
᭒᭒᭒
ᬲᬦᬾᬫᬗ᭄ᬓᬶᬦ᭄᭞ᬭᬭᬶᬲ᭄ᬜᬕ᭄ᬚᬕ᭄ᬳᬶᬤᬥᬷᬭ᭞ᬯᬶᬭᭀᬱᬗᬦ᭄ᬤᬶᬓᬢᬸᬳᬸ᭞ᬬᬶᬄᬘᬳᬶᬲᬸᬓᬰᬭᬡ᭞ᬳᬧᬳᬶᬓᬶ᭞ᬭᬸᬧᬩᭀᬚᭀᬕ᭄ᬮᭂᬢᬸᬄᬧᭂᬲᬦ᭄᭟
᭕᭟ᬯᬦ᭄ᬢᬄᬲᬧᬸᬦᬶᬓᬳᬶᬤ᭞ᬧᬢᬓᬾᬦ᭄ᬳᬶᬤᬲᬸᬚᬢᬶ᭞ᬫᭂᬦᭂᬂᬲᬂᬲᬸᬓᬰᬭᬡ᭞ᬓᬮᬗ᭄ᬓᬸᬂᬓᬩᬶᬮ᭄ᬩᬶᬮ᭄ᬳᬶᬧᬸᬦ᭄᭞ᬓᬚᬕ᭄ᬚᬕ᭄ᬢᬸᬃᬓᬋᬚᭂᬂ᭞ᬓᬧᭂᬩᬮᬶᬄ᭞ᬳ
ᬤᬜᬯᬸᬧ᭄ᬫᬗᬢᬸᬭᬂ᭟᭖᭟ᬫᬜᬶᬗᬓ᭄ᬳᬶᬤᬲᬂᬭᬵᬫ᭞ᬫᬗᬦ᭄ᬤᬶᬓᬳᬶᬤᬭᬭᬶᬲ᭄᭞ᬧᬶᬗᬚᭂᬂᬭᬶᬂᬲᬂᬯᬶᬪᬶᬱᬡᬩᭀᬚᭀᬫ᭄ᬓᬾᬦ᭄ᬓᬾᬦ᭄ᬦᬾᬫᬢᭂᬕᬸᬮ᭄
ᬳᬧᬫᬶᬭᬶᬩ᭄ᬤᭀᬱᬦ᭄ᬦᬬ᭞ᬫᬜᭂᬤᬶᬳᬶᬦ᭄᭞ᬓᭂᬦᭂᬄᬢ᭄ᬬᬗᬾᬳᭀ᭠ᬮᬶᬄᬬ᭟᭗᭟ᬪᬕ᭄ᬬᬭᬢᬸᬲᬂᬭᬵᬖᬯ᭞ᬩᭀᬜᬯᬤ᭄ᬯᬦ᭄ᬭᬢᬸᬦᬶᬓᬶ᭞ᬫᬗ᭄ᬕ᭄ᬯᬶᬂ
[᭒᭒᭓ 223A]
ᬧᬸᬦᬶᬓᬿᬭᬵᬓ᭄ᬱᬲ᭞ᬳᬸᬢᬸᬲᬦ᭄ᬲᬂᬓᬵᬮᬧ᭄ᬭᬪᬸ᭞ᬲᬸᬓᬰᬭᬡᬧ᭄ᬭᬯᬶᬭ᭞ᬭᬹᬧᬓᬧᬶ᭞ᬓᬩ᭄ᬯᬢᬦ᭄ᬳᬶᬧᬸᬦ᭄ᬫᬜ᭄ᬘᬦ᭟᭘᭟ᬓᬾᬗᬶᬦ᭄ᬮᬾᬤᬂᬧᬯᬘᬦ
ᬦ᭄᭞ᬲᬶᬗ᭄ᬕᬶᬄᬪᬝᬭᬦᬾᬫᬗ᭄ᬓᬶᬦ᭄᭞ᬯᬦ᭄ᬢᬄᬦᬶᬓᬲᬦᬾᬢᬸᬦᬲ᭄᭞ᬧᬸᬦᬶᬓᬫᬵᬯᬶᬦᬦ᭄ᬳᬶᬧᬸᬦ᭄᭞ᬓᬕᭀᬲᭀᬂᬢᬸᬃᬓᬳᬢᬹᬭᬂ᭞ᬦᬧᬶᬫᬢᬶ᭞ᬦᬧᬶᬧᬘᬂ
ᬲᬧᬸᬦᬧ᭄ᬬᬂ᭟᭙᭟ᬢᬸᬲᬶᬂᬧᭂᬲᬦ᭄ᬧᬵᬢᬹᬢ᭄ᬫᬢ᭄ᬬᬂ᭞ᬜᬾᬦ᭄ᬢᭀᬮᬓᬃᬗᬩᬳᭀᬃᬣᬶ᭞ᬦᬸᬢᬸᬭᬂᬢᭂᬓᬾᬦ᭄ᬕᬸᬲ᭄ᬢᬶᬦ᭄ᬜ᭞ᬳᭂᬦ᭄ᬢᭀᬓ᭄ᬭᬡᬧᬵᬢᬹᬢ᭄ᬳᬶᬤᬸᬧ᭄᭞ᬳᬾ
ᬜ᭄ᬘᭀᬮ᭄ᬚᬮᬶᬦ᭄ᬦᬾᬓᭂᬮᬾᬲᬂ᭞ᬳᬧᬂᬕᭂᬮᬶᬲ᭄᭞ᬢᭂᬓᬓᬾᬦ᭄ᬕᬸᬲ᭄ᬢᬶᬦ᭄ᬦᬾᬫᬵᬚᬃ᭟᭑᭐᭟ᬲᬧᬸᬦᬶᬓᬧᬯᬘᬦᬦ᭄᭞ᬳᬶᬤᬲᬂᬲᬸᬢᬪᬸᬧᬢᬶ᭞ᬳᬶᬳᬸ
