Kaca:Bali-lontar-paparikan-ramayana-350ppi.pdf/222

Saking Wikisource
Kaca puniki sampun kauji-wacén

[᭒᭒᭑ 221B]
᭒᭒᭑
ᬕᬶᬦᬤ
ᬤᬾᬯᬶᬲᬶᬢ᭄᭞ᬳᬶᬤᬲᬂᬦᬵᬭᬪᬸᬧᬢᬶ᭞ᬓᬦ᭄ᬢᭂᬦᬶᬦ᭄ᬢᬶᬢ᭄ᬬᬂᬇᬭᬶᬓ᭞ᬜᭂᬦᭂᬂᬮᬾᬤᬂᬤᬾᬯᬳᬕᬸᬂ᭞ᬯᬾᬦ᭄ᬢᭂᬦ᭄ᬫᬭᬶᬂᬕᬶᬭᬶᬰ᭄ᬯᬾᬮ᭞ᬲᬂᬫᬵᬭᬸᬣᬶ᭞ᬲᬂᬮᬓ᭄ᬱ᭄ᬫᬡ
ᬲᬂᬲᬸᬕ᭄ᬭᬷᬯ᭟᭑᭑᭟ᬩᬧᬦ᭄ᬢᬶᬢ᭄ᬬᬗᬾᬧᬸᬦᬶᬓ᭞ᬢᬦ᭄ᬯᬾᬦ᭄ᬢᭂᬦ᭄ᬫᬵᬤᭀᬄᬫᬮᬶᬗ᭄ᬕᬶᬄ᭞ᬲᬋᬂᬧ᭄ᬭᬯᬭᬧ᭄ᬮᬯᬖ᭞ᬳᬾᬩᭂᬓ᭄ᬳᬶᬭᬶᬓᬭᬶᬂᬕᬸᬦᬸᬂ᭞ᬳᬦ᭄ᬢᬸᬓ᭄ᬳᬶᬧᬸᬦ᭄
ᬳᬶᬯᬵᬦᬭ᭞ᬲᬾᬩᭂᬢ᭄ᬲᬫᬶ᭞ᬭᬶᬂᬧᬢᬧᬦ᭄ᬫᬲᬋᬗᬦ᭄᭟᭑᭒᭟᭚᭟ᬩᬩ᭄᭟᭑᭘᭟ᬕᬶᬦᬤ᭚ᬳᬶᬗ᭄ᬕᬶᬄᬳᬸᬲᬦᬂᬗᬸᬘᬧᬂ᭞ᬳᬶᬤᬲᬂᬦ
ᬭᬾᬦ᭄ᬤ᭄ᬭᬧᬸᬢ᭄ᬭᬶ᭞ᬳᬶᬤᬲᬂᬤᬰᬯᬵᬬᬦ᭞ᬳᬶᬤᬦᬾᬫᬗ᭄ᬓᬶᬦ᭄ᬓᬢᬸᬢᬸᬃ᭞ᬗᬯᬾᬇᬦ᭄ᬤ᭄ᬭᬚᬮᬘᭀᬭᬄ᭞ᬮᬭᬲᭂᬤᬶᬄ᭞ᬓᬲᭀᬭᬦᬶᬂᬓᬧᬸᬭᬸᬱᬦ᭄᭟᭑᭟
[᭒᭒᭒ 222A]
ᬲᬸᬓᬰᬭᬡᬧᬸᬭᬸᬱ᭞ᬲᬭᬫᬯᬶᬰᬾᬱᬰᬓ᭄ᬢᬶ᭞ᬳᬗ᭄ᬕᬾᬦ᭄ᬓᬳ᭄ᬝᬶᬭᬶᬂᬧᬬᬸᬥᬦ᭄᭞ᬤ᭄ᬯᬦᬶᬂᬩᬮᬧᬕᭂᬄᬓᬸᬓᬸᬄ᭞ᬓᬳᬸᬢᬸᬲ᭄ᬳᬦ᭄ᬢᬸᬓ᭄ᬲᬂᬦᬵᬣ᭞ᬜᬸᬲᬸ
ᬧ᭄ᬫᬗ᭄ᬓᬶᬦ᭄᭞ᬳᬶᬭᬶᬓᬭᬶᬂᬕᬸᬦᬸᬂᬰ᭄ᬯᬾᬮ᭟᭒᭟ᬫᬶᬮᬗᬂᬯᬵᬦᬭᬯᬶᬭ᭞ᬫᬗ᭄ᬤᬳᬸᬦᬶᬂᬲᬦᬾᬰᬓ᭄ᬢᬶ᭞ᬓᬮᬵᬯᬦ᭄ᬤᬸᬤᬹᬫᬦᬄᬦ᭄ᬬ᭞ᬭᬯᬸᬳᬶᬂᬲᬂᬓᬧᬶᬭᬢᬸ᭞ᬬᬦ᭄ᬧ
ᬤᬾᬲᬶᬭᬲᬸᬩᬤ᭞ᬯᭂᬦᬂᬫᬢᬶ᭞ᬳᬣᬯᬜᬓ᭄ᬬᬫᬢᬶᬳ᭟᭓᭟ᬲᬧᬸᬦᬶᬓᬓᬦ᭄ᬤᬶᬓᬬᬂ᭞ᬳᭀᬮᬶᬄᬳᬶᬤᬲᬂᬪᬸᬧᬢᬶ᭞ᬮᬸᬗ᭄ᬳᬲᬂᬓᬰᬭᬡ᭞ᬧᬫᬃᬕᬶ
ᬦ᭄ᬦᬾᬤᬳᬢ᭄ᬕᬶᬲᬸ᭞ᬭᬯᬸᬄᬫᬭᬶᬂᬕᬶᬭᬶᬲ᭄ᬯᬾᬮ᭞ᬕ᭄ᬮᬶᬲ᭄ᬫᬯᬃᬡᬶ᭞ᬤᬤᬵᬲ᭄‌ᬩᭀᬚᭀᬕ᭄ᬫᬜᭂᬗ᭄ᬓᬮ᭟᭔᭟ᬫᬜᬶᬗᬓ᭄ᬧᬸᬦᬶᬓᬳᬶᬤ᭞ᬲᬂᬕᬸᬡᬯᬦ᭄