[᭒᭑ 21B]
᭒᭑
ᬳᬶᬩᬫᬵᬭᬶᬘ᭄ᬮᬫᬹᬥ᭞ᬳᬧᬩ᭄ᬯᬢᬂᬳᬶᬩᬫᬳᬶ᭞ᬤᬶᬧᬰ᭄ᬭᬕᬧᬫᬦ᭄ᬲᬂᬧᬡ᭄ᬥᬶᬢᬵ᭞ᬳᬶᬩᬮᬓᬃᬗᬫᬄᬳᬶᬲᬶ᭞ᬲᬶᬂᬧᬡ᭄ᬥᬶᬢᬢᬦ᭄ᬧᬳᬶᬲᬶ᭞ᬬᬾᬦ᭄ᬧᬤᬾᬫᬵᬲ᭄ᬓᬩ᭄ᬯᬢᬂᬫᬸ
᭞ᬫᬋᬧ᭄ᬭᬶᬲᬂᬫᬸᬫᬶᬯᬭ᭞᭞ᬳᬶᬤᬢᬦ᭄ᬫᬤ᭄ᬯᬾᬫᬵᬲ᭄ᬫᬡᬶᬓ᭄᭞ᬳᬶᬩᬍᬢᬸᬄ᭞ᬓᭂᬦᭂᬄᬳᬶᬩᬤᬳᬢ᭄ᬘᭀᬭᬄ᭟᭓᭗᭟ᬇᬄᬭᬵᬖᬯᬩᭂᬮᭀᬕ᭄ᬤᬳᬢ᭄᭞ᬢᬸᬃᬫᬦᬶᬂ
ᬫᬧᬤᬗ᭄ᬕᬸᬂᬚᬵᬢᬶ᭞ᬲᬶᬂᬚᬫᬵᬲ᭄ᬫᬡᬶᬓ᭄ᬓᬩ᭄ᬯᬢᬂ᭞ᬲᬗ᭄ᬓᬦ᭄ᬓᬳᬶᬢᭂᬓᬫᬳᬶ᭞ᬦᭀᬭᬓᬳᬶᬫᬸᬯᬢᬂᬳᬂᬲᬶ᭞ᬲᬶᬂᬚᬳᬧᬩ᭄ᬯᬢᬂᬳᬓᬸ᭞ᬓᭂᬦᭂᬄᬓᬳᬶᬮᬓᬃᬗᬩᬲ᭄᭞
ᬓᬾᬢᭀᬲᬭᬳᬶᬫᬳᬶ᭞ᬥᬃᬫᬦ᭄ᬳᬓᬸ᭞ᬳᬶᬭᬵᬓ᭄ᬱᬲᬫᬸᬲᬸᬄᬚᬕᬢ᭄᭟᭓᭘ᬗ᭄ᬓᬮᬾᬦ᭄ᬤᬶᬧᬬᬚ᭄ᬜᬦ᭄᭞ᬗᬫᬵᬢ᭄ᬬᬂᬲᬓᬜ᭄ᬘᬦ᭄ᬬᬢᬶ᭞ᬦ
[᭒᭒ 22A]
ᬤ᭄ᬬᬲ᭄ᬢᬸᬦ᭄ᬲᬶᬂᬗᭂᬮᬄᬲᬮᬄ᭞ᬓᬾᬢᭀᬓᬧᬵᬢᬹᬢᬦ᭄ᬓᬳᬶ᭞ᬧᬦᬺᬱ᭄ᬝᬶᬬᬦ᭄ᬓᬮᬚᬵᬢᬶ᭞ᬓᬜ᭄ᬘᬦ᭄ᬳᬶᬭᬵᬓ᭄ᬱᬲᬳᬶᬓᬸ᭞ᬧᬭᬶᬓᭀᬱᬫᬜᭂᬗ᭄ᬓᬮ᭞ᬲᬤᬗ
ᬫᬸᬲᬸᬳᬶᬦ᭄ᬕᬸᬫᬶ᭞ᬓᬾᬢᭀᬢᬸᬳᬸ᭞ᬲᭀᬮᬄᬓᬳᬶᬧᬭᬶᬓᭀᬱ᭟᭓᭙᭟ᬫᬶᬯᬄᬚᬕᬢᬾᬫᬓᭂᬚᬂ᭞ᬦ᭄ᬢᭀᬮᬓᬃᬳᬸᬯᬸᬕᬶᬦ᭄ᬓᬳᬶ᭞ᬳᬧᬂᬢ᭄ᬯᬭᬫᬕᬦ᭄ᬢᬸᬮᬦ᭄᭞ᬤ
ᬤ᭄ᬬᬂᬓᬳᬶᬭᬢᬲᬫᬶ᭞ᬳᬧᬂᬤᬤᬶᬳᬮᬲ᭄ᬲᬫᬶ᭞ᬫᬢᬫᬶᬯᬄᬲᭂᬧᬶᬲᬸᬯᬸᬂ᭞᭠ᬳᬧᬦ᭄ᬲᭀᬮᬄᬳᬶᬭᬵᬓ᭄ᬱᬲ᭞ᬯᬶᬭᭀᬱᬤᬶᬚᬕᬢᬾᬲᬳᬶ᭞ᬧᬸᬧᬸᬢ᭄ᬲᬵ᭠
ᬫ᭄ᬧᬸᬦ᭄᭞ᬕᭂᬮᬶᬲ᭄ᬫᬲᬯᬸᬃᬲᬂᬭᬵᬫ᭟᭔᭐᭟ᬬᬾᬦ᭄ᬳᬕᬮ᭄ᬭᬓ᭄ᬱᬲᬘᭀᬭᬄ᭞ᬢᬾᬳᬶᬩᬮᬓᬃᬢᬶᬦᬹᬢᬶᬦ᭄᭞ᬬᬾᬦ᭄ᬓᬳᬶᬧᬸᬢᬸᬲᬶᬂᬦᬵᬣ᭞ᬳᭂᬦ᭄ᬢᭀᬳᬦᬾᬳᬶᬦᬹ᭠
Kaca:Bali-lontar-paparikan-ramayana-350ppi.pdf/22
Kaca puniki sampun kauji-wacén
