[᭒᭐᭕ 205B]
᭒᭐᭕
ᬥᬦᬶᬧᬸᬦ᭄᭞ᬳᬶᬭᬵᬫᬮᬦ᭄ᬳᬶᬮᬓ᭄ᬱ᭄ᬫᬡ᭟᭓᭟ᬯᬶᬭᬾᬄᬳᬓᬾᬢᭀᬗ᭄ᬭᬡᬬᬂ᭞ᬓᭂᬦᭂᬳᬂᬩᬦ᭄ᬩᭂᬮᬶᬳᬤᬶ᭞ᬓᬳ᭄ᬬᬸᬦ᭄ᬳᬤᬶᬦᬾᬮᬶᬮᬬᬂ᭞ᬲᬵᬫ᭄ᬧᬸᬦᬂᬫᬜ᭄ᬚᬗᬂᬫ
ᬮᬶᬄ᭞ᬓᬾᬯᬮᬧᬫᬸᬜᬶᬦ᭄ᬩᭂᬮᬶ᭞ᬳᭂᬦ᭄ᬢᭀᬳᬤᬶᬳᬧᬂᬢᬶᬦᬢ᭄᭞ᬤᬾᬦᬶᬂᬢᬦ᭄ᬧᬶᬲᬦ᭄ᬳᬤ᭞ᬳᬦᬓ᭄ᬗᬮᬶᬯᬢᬶᬦ᭄ᬩᭂᬮᬶ᭞ᬤᬶᬲᬲᬵᬫ᭄ᬧᬸᬦ᭄᭞ᬳᬶᬭᬵᬫᬧᬸᬦᬶᬓ᭠
ᬧᭂᬚᬄ᭟᭔᭟ᬢᬸᬳᬸᬩᭂᬮᬶᬫᬸᬢᭂᬃᬚᬕᬢ᭄᭞ᬚᬬᬤᬶᬕᬸᬫᬶᬦᬾᬲᬫᬶ᭞ᬲᬸ᭠ᬚᬵᬢᬶᬩᭂᬮᬶᬭᬹᬧᬯᬵᬦ᭄᭞ᬦᭂᬥᭂᬂᬩᬚᬂᬫᬲᬶᬄᬩᭂᬮᬶ᭞ᬫᬶᬯᬄᬳᬤᭂᬕ᭄ᬜᭂᬧᭂᬓ᭄ᬭᬫ᭄ᬧᬶᬂ
᭞ᬩᭂᬮᬶᬗᬲᭀᬃᬭᬶᬂᬳᬶᬭᬢᬸ᭞ᬗ᭄ᬤᬳ᭄ᬬᬤᬶᬫᬗᭀᬤᬕᬂ᭞ᬳᬤᬶᬗᬭᭀᬯᬗᬂᬩᭂᬮᬶ᭞ᬚᬵᬢᬶᬢᬸᬳᬸ᭞ᬳᬤᬶᬫᬫᬹᬓ᭄ᬢ᭄ᬬᬓᬲᭂᬫ᭄ᬩᬄ᭟᭕᭟ᬳᭂᬦ᭄ᬢᭀᬳᬶᬤᬲᬂ
[᭒᭐᭖ 206A]
ᬳ᭄ᬬᬂᬇᬦ᭄ᬤ᭄ᬭ᭞ᬢᬸᬯᬶᬪᬓ᭄ᬢᬶᬢᭂᬓᬾᬦ᭄ᬩᭂᬮᬶ᭞ᬭᬢᬸᬮᬸᬯᬶᬄᬫᬯᬶᬰᬾᬱ᭞ᬧᬭᬶᬘᬭᬢᭂᬓᬾᬦ᭄ᬩᭂᬮᬶ᭞ᬚᬵᬢᬶᬢᬸᬲᬶᬂᬤᭂᬫᭂᬦ᭄ᬩᭂᬮᬶ᭞ᬢᭂᬓᬾᬦ᭄ᬓᬲᬸᬓᬦ᭄ᬧᬸᬦᬶᬓᬸ᭞ᬲᬦᬾ
ᬮᬸᬯᬶᬄᬮᬸᬯᬶᬄᬧᬶᬲᬦ᭄᭞ᬭᬶᬓᬢᬸᬚᬸᬓᭀᬦ᭄ᬤᬾᬦ᭄ᬳᬤᬶ᭞ᬩᬓᬢ᭄ᬲᬸᬗ᭄ᬲᬸᬂ᭞ᬩᬳᬦ᭄ᬩᭂᬮᬶᬓᬾᬢᭀᬯᬦ᭄ᬢᬄ᭟᭖᭟ᬬᬾᬦ᭄ᬧᬤᬾᬳᬤᬶᬫᬶᬢᬸᬳ᭄ᬯ᭞ᬢᭂᬓᬾᬦ᭄
ᬲᬧᬫᬸᬜᬶᬦ᭄ᬩᭂᬮᬶ᭞ᬳᬶᬗ᭄ᬕᬶᬄᬳᬤᬶᬫᬓᬸᬋᬡᬦ᭄᭞ᬳᬶᬤᬤᬾᬯᬶᬰᬘᬶᬯ᭄ᬬᬓ᭄ᬢᬶ᭞ᬫᬢᬶᬫ᭄ᬧᬸᬄᬳᬶᬤᬭᬶᬂᬳᬤᬶ᭞ᬫᬶᬯᬄᬤᬥᬭᬶᬧᬸᬦᬶᬓᬸ᭞ᬮᬸᬯᬶᬄᬭᬳᬬᬸᬧᬸ
ᬦᬶᬓ᭞ᬫᬗᬢᬹᬭᬂᬳᬬᬄᬲᬫᬶ᭞ᬓᬃᬥᬶᬦ᭄ᬳᬶᬧᬸᬦ᭄᭞ᬭᬶᬂᬭᬵᬕᬦ᭄ᬳᬤᬶᬦᬾᬯᬦ᭄ᬢᬄ᭟᭗᭟ᬧ᭄ᬭᬤᬾᬳᬶᬤᬲᬂᬚᬵᬦᬓ᭞ᬭᬵᬕᬦ᭄ᬳᬤᬶᬜᬗ᭄ᬲᬬᬳᬶᬦ᭄᭞ᬧ
Kaca:Bali-lontar-paparikan-ramayana-350ppi.pdf/206
Kaca puniki sampun kauji-wacén
