[᭑᭙ 19B]
᭑᭙
ᬦᬾᬓᬢᬦ᭄ᬤᬸᬃᬫᬳᬃᬱᬶ᭞ᬳᬸᬲᬦ᭄ᬲᬫ᭄ᬧᬸᬦ᭄ᬫᬗ᭄ᬓᬶᬦ᭄ᬭᬸᬲᬓ᭄᭞ᬲᬫᬶᬫᬯᭀᬄᬧᬥᬩᭂᬘᬶᬓ᭄᭞ᬧᭀᬄᬮᬦ᭄ᬧᬓᬾᬮ᭄ᬫᬶᬦᬓᬤᬶ᭞ᬕᭂᬮᬶᬲ᭄ᬧᬥᬲᬫᬄᬳᬶᬧᬸᬦ᭄᭞ᬲᬫᬶᬧ
ᬥᬦᭂᬥᭂᬂᬯᭀᬄᬜ᭞ᬢᬶᬗ᭄ᬓᬄᬜᬦᬾᬮ᭄ᬯᬶᬃᬓᬅᬓ᭄ᬱᬶ᭞ᬫᬶᬦᬩ᭄ᬳᬶᬧᬸᬦ᭄᭞ᬲᬓᬤᬶᬗᬢᬸᬭᬂᬩ᭄ᬯᬄᬜ᭟᭒᭘᭟ᬭᬶᬓᬵᬮᬧᬤᬦᬶᬓᬓᬭᬫ᭄ᬬ᭞ᬧᬢᬵᬧᬦᬾᬤᬳᬢ᭄ᬯᬺ
ᬥᬶ᭞ᬳᬶᬤᬲᬂᬭᬵᬫᬮᬓ᭄ᬱ᭄ᬫᬡᬵ᭞ᬓᬳᬲ᭄ᬢᬸᬢᬶᬳᬶᬤᬫᬗ᭄ᬓᬶᬦ᭄᭞ᬳᭀᬮᬶᬄᬳᬶᬤᬲᬂᬫᬳᬵᬃᬱ᭞ᬓᬲᬶᬭᬫᬶᬦ᭄ᬳᬶᬤᬲᬵᬫ᭄ᬧᬸᬦ᭄᭞ᬭᬭᬶᬲ᭄ᬓᬧᬹᬚᬳᬶᬦ᭄ᬳᬶᬤ᭞ᬫᬮᬶᬗ᭄ᬕᬶᬄ
ᬭᬶᬮᬸᬗ᭄ᬓᬵᬫᬗ᭄ᬓᬶᬦ᭄᭞ᬚᬵᬢᬶᬢᬸᬳᬸ᭞ᬭᬕᬍᬯᬶᬄᬦᭀᬚᬃᬳᬶᬤ᭟᭒᭙᭞ᬤᬸᬄᬤᬾᬯᬭᬾᬫᬮᬓ᭄ᬱ᭄ᬫᬡ᭞ᬯᭀᬓᬦ᭄ᬩᬧᬦᬶᬓᬶᬘᭂᬦᬶᬂ᭞ᬧᬶᬋᬗᬂᬤᬾᬯᬧᬶᬋᬗᬂ᭞
[᭒᭐ 20A]
ᬳ᭄ᬬᬂᬓᬾᬱᬯᬳᬶᬤᬾᬯᬢ᭄ᬯᬶ᭞ᬧᬭᬕᬬᬦ᭄ᬯᬶᬱ᭄ᬡᬸᬚᬵᬢᬶ᭞ᬲᬓᬝᬄᬚᬕᬢ᭄ᬧᬸᬦᬶᬓᬸ᭞ᬲᬵᬫ᭄ᬧᬸᬦ᭄ᬧᬕᭂᬳᬂᬳᬶᬤᬾᬯ᭞ᬓᭂᬫᬶᬢ᭄ᬤᬾᬯᬬᬚ᭄ᬜᬦ᭄ᬫᬫᬶ᭞ᬓᬵᬮᬦᬸᬚᬸ᭞ᬓᭂ
ᬜ᭄ᬚᭂᬓᬦ᭄ᬩᬧᬫᬬᬚ᭄ᬜ᭟᭓᭐᭟ᬲᬧᬸᬦᬶᬓᬩᬯᭀᬲ᭄ᬳᬶᬤ᭞ᬧᬸᬦᬶᬓᬲᬂᬫᬳᬵᬫᬸ᭠ᬦᬶ᭞ᬲᬸᬫᬯᬸᬃᬲᬶᬭᬂᬓᬧᬹᬚ᭞ᬳᬶᬗ᭄ᬕᬶᬄᬧ᭄ᬭᬦ᭄ᬤᬲᬂᬫᬳᬵᬃᬱᬶ᭞ᬲᬶᬗ᭄ᬕᬶᬄᬧ᭄ᬭᬦ᭄ᬤᬦᬾᬲᬸ
ᬚᬵᬢᬶ᭞ᬢᬦ᭄ᬲᬦ᭄ᬤᬾᬳᬬᬸᬓ᭄ᬢᬶᬢᬸᬳᬸ᭞ᬲᬓᬶᬂᬰᬓ᭄ᬢᬾᬦ᭄ᬢᬧᬦ᭄ᬧ᭄ᬭᬦ᭄ᬤ᭞ᬦᬾᬗᬯᬾᬦᬂᬢᬶᬢ᭄ᬬᬂᬫᭀᬮᬶᬄ᭞ᬲᬶᬤ᭄ᬥᬳᬦ᭄ᬢᬸᬓ᭄᭞ᬫᭂᬫᬵᬥᭂᬫᬂᬫᭂᬲᭂᬄᬧ᭄ᬭᬡ᭄ᬥᬵ
᭟᭓᭑᭟ᬲᬧᬸᬦᬶᬓᬳᬢᬹᬃᬳᬶᬤ᭞ᬅᬦᬓ᭄ᬳᬕᬸᬂᬤᬰᬭᬢᬶ᭞ᬭᬭᬶᬲ᭄ᬳᬶᬤᬗᬫ᭄ᬩᬶᬮ᭄ᬮᬗ᭄ᬓᬧ᭄᭞ᬫᬲᬋᬗᬦ᭄ᬳᬶᬲᬸᬍᬯᬶᬄ᭞ᬲᬵᬳᬫᬫᬃᬕᬶᬦᬾᬫᬗ᭄ᬓᬶᬦ᭄᭞ᬗᬶᬤᭂᬭᬶ
Kaca:Bali-lontar-paparikan-ramayana-350ppi.pdf/20
Kaca puniki sampun kauji-wacén
