Kaca:Bali-lontar-paparikan-ramayana-350ppi.pdf/2

Saking Wikisource
Kaca puniki sampun kauji-wacén

[᭑ 1B]

᭚᭜᭚ᬒᬁᬅᬯᬶᬖ᭄ᬦᬫᬲ᭄ᬢᬸ᭚᭜᭚ᬧᬗᬓ᭄ᬱᬫᬵ᭟᭜᭟ᬧᬸᬧᬸᬄᬤᬸᬃᬫ᭄ᬫ᭟᭜᭟ᬲᬓᬶᬂᬇᬭᬶᬓᬶᬢᬶᬢ᭄ᬬᬂᬫᬵᬢᬹᬃᬅᬓ᭄ᬱᬫ᭞ᬭᬶᬂᬕᬦ᭄ᬢᬶᬢ᭄ᬬᬂ
ᬲᬶᬦᬫᬶ᭞ᬳᬶᬤᬤᬦᬾᬫᬸᬯᬄ᭞ᬫᬶᬦᬓᬤᬶᬭᬶᬲᬂᬧ᭄ᬭᬚ᭄ᬜᬦ᭄᭞ᬭᬶᬧᬶᬤᬩ᭄ᬤᬩ᭄ᬤᬕᬶᬕᬸᬭᬶᬢ᭄᭞ᬓᬩᬢᭂᬓ᭄ᬢᬶᬢ᭄ᬬᬂ᭞ᬫᬦᬄᬫᭀᬫᭀᬤᭀᬢ᭄ᬫᬗᬯᬶ᭟᭑᭟
ᬲᬶᬦᬄᬲᬵᬫ᭄ᬧᬸᬦ᭄ᬢᬸᬦᬮᬗ᭄ᬓᬸᬂᬦ᭄ᬢᬸᬓ᭄ᬢᬶᬢ᭄ᬬᬂ᭞ᬪᬵᬱᬪᬱᬶᬝᬦ᭄ᬜᬲᬫᬶ᭞᭠ᬮᬾᬤᬂᬗᬫ᭄ᬧᬹᬭᬬᬂ᭞ᬫᬓᬩ᭄ᬯᬢ᭄ᬢᬢᬸᬚᭀᬦ᭄ᬫᬦᬄ᭞ᬯᬦ᭄ᬢᬄᬳᬗ᭄ᬕᬾᬦ᭄ᬗᬮᬷᬮᬵᬂᬳ
ᬢᬶ᭞ᬦᬸᬚᬸᬓᬲᭂᬧ᭄ᬬᬦ᭄᭞ᬩᭂᬗᬂᬩᭂᬗᭀᬂᬧᬥᬶᬥᬶᬬᬶᬦ᭄᭟᭒᭟ᬳᬸᬮ᭄ᬬᬦ᭄ᬧᬸᬦᬶᬓᬦᭀᬭᬢᬓᬸᬢ᭄ᬓᬘᬾᬤ᭞ᬬᬤ᭄ᬬᬧᬶᬦ᭄ᬩᬦ᭄ᬢᭂᬲ᭄ᬓᬓᭂᬤᬾᬓᬶ᭠
[᭒ 2A]
ᬦ᭄᭞ᬤᬲᬃᬲᬓᬶᬂᬧᭀᬗᬄ᭞ᬯᬦ᭄ᬢᬄᬓᬮᬗᭂᬦ᭄ᬫᬦᭂᬫ᭄ᬩᬂ᭞ᬧᬸᬧᬸᬄᬮᬕᬸᬓᬶᬭᬂᬩᭂᬘᬶᬓ᭄᭞ᬦᬵᬗ᭄ᬳᬶᬂᬤᬸᬫᬤᬓ᭄᭞ᬯᬾᬦ᭄ᬢᭂᬦ᭄‌ᬕᬸᬡᬦᬳᬓᬶᬤᬶᬓ᭄᭞᭓᭟ᬢᬸ
ᬢᬸᬃᬭᬵᬫᬬᬵᬦᬲᬦᬾᬓᬲᬢ᭄ᬯᬬᬂ᭞ᬳᬗ᭄ᬳᬶᬂᬢᬦ᭄ᬢᬶᬢ᭄ᬬᬂᬳᬗ᭄ᬕᬾᬦ᭄ᬕᬸᬭᬶᬢ᭄᭞ᬤᬸ᭠ᬓ᭄‌ᬯᬺᬲ᭄ᬧᬢᬶᬓ᭄ᬮᬶᬯᭀᬦ᭄᭞ᬢᬗᬓᬕᬮ᭄‌ᬤ᭄ᬯᬩᬸᬮᬦ᭄ᬮᬶᬫ᭞ᬢᬳᬸᬦ᭄ᬜᬦᬾᬓᬯᬶ
ᬮᬗᬶᬦ᭄᭞ᬲᬢᬸᬲᭂᬫ᭄ᬩᬶᬮᬦ᭄᭞ᬳᭂᬦᬫ᭄ᬤᭂᬮᬧᬦ᭄ᬥᬸᬓ᭄ᬗᬯᬶᬢ᭄᭟᭜᭟ᬤᬹᬃᬫ᭄ᬫᬵ᭟᭑᭟ᬯᬾᬦ᭄ᬢᭂᬦ᭄ᬪᬸᬧᬢᬶᬫᬳᭀᬢ᭄ᬢᬫᬧ᭄ᬬᬃᬱᬬᬂ᭞ᬓᬲᬸᬗ᭄ᬳᬶᬤᬫᬭᬶᬂᬪᬹᬫᬶ
᭞ᬫᭂᬲᭂᬄᬳᬶᬤᬳᬢ᭄ᬯᬂ᭞ᬫᭀᬮᬶᬳᬶᬂᬓᬯᬶᬓᭀᬦ᭄‌ᬳᬶᬤ᭞ᬳᬶᬦ᭄ᬤᬶᬓ᭄ᬓᬕᬶᬂ᭠ᬢᬢ᭄ᬯᬲᬫᬶ᭞ᬲᬂᬤᬰᬭᬢ᭞ᬧᭂᬲᬾᬗᬦ᭄ᬳᬶᬤᬢᬦ᭄ᬧᬢᬦ᭄ᬤᬶ᭟᭒ᬳᬚᬶᬦ᭄ᬪ᭠