[᭑᭙᭕ 195B]
᭑᭙᭕
ᬲ᭄ᬫᬭᬦ᭄ᬤᬦ
ᬓᬳᬢᬹᬃᬳᬶᬤ᭞ᬫᬭᬶᬂᬳᬶᬤ᭞ᬲᬂᬦᬵᬣᬭᬄᬯᬡᬯ᭄ᬬᬓ᭄ᬢᬶ᭞ᬫ᭄ᬯᬄᬓᬸᬫ᭄ᬩᬓᬃᬡᬫᬢᬸᬭᬹ᭞ᬳᬶᬤᬲᬂᬕᬸᬡᬯᬵᬦ᭄ᬦᬶᬫ᭄ᬩᬮ᭄᭞ᬘᬶᬭᬶᬳᬮ᭞ᬘᬶᬗᬓ᭄ᬳᬶᬤᬲᬵᬫ᭄ᬧᬸ
ᬦ᭄ᬭᬯᬸᬄ᭞ᬭᬭᬶᬲ᭄ᬳᬶᬤᬫᬗᬦ᭄ᬤᬶᬓ᭞ᬲ᭄ᬫᬭᬦ᭄ᬤᬦᬳᬗ᭄ᬕᬾᬦ᭄ᬫᬗ᭄ᬓᬶᬦ᭄᭟᭑᭕᭞᭚ᬧᬸᬄᬲ᭄ᬫᬭᬦ᭄ᬤᬦ᭚ᬳᬸᬤᬸᬄᬲᬂᬭᬵᬯᬡᬩ᭄ᬮᬶ᭞ᬲᬶᬦᬄᬲᬾᬤᬚᬕ
ᬢᭂᬓ᭞ᬓᬵᬦ᭄ᬪᬹᬢᬘᬶᬭᬶᬓᬯᭀᬦᬾ᭞ᬲᬦᬾᬯᬳᬸᬯᬳᬸᬧᬶᬲᬦ᭄᭞ᬦᬶ᭠ᬓᬩᬸᬓ᭄ᬗᭂᬩᭂᬓᬶᬦ᭄ᬧᬸᬭ᭞ᬧᬸᬭᬶᬦᬾᬲᬫᬶᬓᬮᬶᬧᬸᬢ᭄᭞ᬫᬲᭂᬧᬸᬓ᭄ᬦᭀᬭᬧᬲᬗ᭄ᬓᬦ᭄
᭟᭑᭟ᬳᬗᬶᬦ᭄ᬗᬮᬶᬦᬸᬲ᭄ᬫᬜᭂᬚᭂᬳᬶᬦ᭄᭞ᬗᬭᬸᬤᬸᬕ᭄ᬳᬕᭃᬂᬭᬶᬂᬓᬸᬝ᭞ᬲᬓᬤᬶᬓ᭄ᬭᬸᬕ᭄ᬲᬲᬫᬾᬦ᭄ᬦᬾ᭞ᬫᬮᬶᬄᬧᬓ᭄ᬱᬶᬦᬾᬫᬲ᭄ᬯᬭ᭞ᬓᬤᬶᬗᭂᬮᬶᬂᬫᬢ᭄ᬭᬬᬸ᭠
[᭑᭙᭖ 196A]
ᬳᬦ᭄᭞ᬫᬓᬫᬶᬯᬄᬓᬶᬤᬂᬳᬶᬧᬸᬦ᭄᭞ᬧᬲ᭄ᬮᬶᬯᭂᬃᬜᭂᬍᬧᬶᬦ᭄ᬳᬸᬫᬄ᭟᭒᭟ᬫᬮᬶᬄᬪᬝᬭᬭᬯᬶ᭞ᬤᬳᬢ᭄ᬳᬳᬾᬂᬫᬓᬮᬗᬦ᭄᭞ᬲᬓᬤᬶᬓᬮᬫᬺᬢ᭄ᬬᬸ
ᬦᬾ᭞ᬧᬸᬦᬶᬓᬬᬦ᭄ᬢᬾᬚᬦ᭄ᬳᬶᬤ᭞ᬫᬲᬲᬯᬂᬓᬸᬦᬶᬂᬧᬶᬲᬦ᭄᭞ᬲᬶᬂᬜᬦ᭄ᬤᬂᬲᭂᬮᬗᬶᬦ᭄ᬳᬶᬧᬸᬦ᭄᭞ᬢᭂᬓᬾᬦ᭄ᬧᬓᬾᬯᭂᬳᬾᬧᬶᬤᬦ᭄᭟᭓᭟ᬮᬾᬦ᭄ᬳᬤᬓᬮᬶᬯᬢ᭄
ᬧᬸᬢᬶᬄ᭞ᬓᬸᬮᬶᬮᬶᬗᬦ᭄ᬫᬓᬮᬗᬦ᭄᭞ᬤᬶᬢᬸᬤᬶᬭᬕᬦ᭄ᬳᬶᬤᬦᬾ᭞ᬫᬜᭂᬚᭂᬳᬶᬦ᭄ᬤᬶᬬᬩᬭᬓ᭄᭞ᬬᬾᬦ᭄ᬧᭂᬤᬲᬂᬫᬶᬦᬩ᭄ᬲᬶᬗ᭄ᬳᬵ᭞ᬳᬦᬾᬫᬭᬳᬶᬬᬧᭂᬲᬸ᭞
ᬢᬾᬚᬦ᭄ᬭᬫ᭄ᬩᬸᬢ᭄ᬓᭂᬮ᭄ᬬᬄᬓᭂᬮ᭄ᬬᬄ᭟᭔᭟ᬫᬓᬫᬶᬯᬄᬯᬺᬳᬲ᭄ᬧᬢᬶ᭞᭠ᬓ᭄ᬢᬶᬫᬦ᭄ᬮᭂᬫᬄᬫᬲᬶᬄᬗᭂᬦᬄ᭞ᬧᬸᬦᬶᬓᬮᬸᬯᬸᬦ᭄ᬤᬤᬳᬾ᭞ᬧᬺᬣᬶᬯᬶᬦᬾᬫᬕᬾ
Kaca:Bali-lontar-paparikan-ramayana-350ppi.pdf/196
Kaca puniki sampun kauji-wacén
