[᭑᭙᭐ 190B]
᭑᭙᭐
ᬧᬷᬘ᭄ᬙᬦ᭄ᬳᬶᬤᬢᭂᬓᬾᬦ᭄ᬳᬶᬬ᭟᭑᭐᭟ᬤᬶᬲᬸᬩᬦᬾᬓᬧᬳᬶᬘ᭞ᬯᬭᬦᬸᬕ᭄ᬭᬳᬵᬦᬾᬚᬦᬶ᭞ᬓᬤᬳᬢᬦ᭄ᬫᬭᬶᬂᬚᬕᬢ᭄᭞ᬕᬮᬓ᭄ᬲᭀᬫ᭄ᬩᭀᬂᬫᬶᬯᬄᬧᬮᬶᬂ᭞ᬓᬾ᭠
ᬢᭀᬮᬓ᭄ᬱᬡᬦ᭄ᬜᬲᬳᬶ᭞ᬢ᭄ᬯᬭᬗᭂᬮᬄᬓᭂᬦᭂᬄᬳᬲᬸᬂ᭞ᬢᬦ᭄ᬤᬾᬯᬢᬦ᭄ᬋᬱᬶᬢᭂᬮᬲ᭄᭞ᬓᬮᬶᬗ᭄ᬓᬾᬫᬵᬦᬸᬱᬲᬫᬶ᭞ᬲᬫᬶᬢᭂᬜᬸᬄ᭞ᬲᬓᬜ᭄ᬘᬦ᭄ᬳᬤᬤᬶᬚ
ᬕᬢ᭄᭟᭑᭑᭟ᬢᬸᬲᬶᬂᬳᬤᬚᬮᬦ᭄ᬳᬸᬮᬄ᭞ᬮᬓᬃᬗᬮᬳᬂᬬᬚᬦᬶ᭞ᬫᬓᭂᬚᬂᬕᬸᬫᬶᬦᬾᬓᬮᬄ᭞ᬧᬮᬶᬂᬯᬢᭂᬓ᭄ᬧᬭᬋᬱᬶ᭞ᬫᬶᬯᬄᬢᭂᬓ᭄ᬤᬾᬯᬲᬫᬶ᭞ᬢ᭠
ᬦ᭄ᬤᬸᬫᬤᬾᬮᬦ᭄ᬢᬲ᭄ᬧᬭᬹᬫ᭄ᬪᬝᬭᬯᬶᬱ᭄ᬡᬸᬓᬲᭂᬫ᭄ᬩᬄ᭞ᬫᬵᬧᬦ᭄ᬳᬶᬤᬧᬗᭂᬮᬶᬗ᭄ᬲᬶᬃ᭞ᬧᬶᬦᬶᬄᬳᬕᬸᬂ᭞ᬦᬾᬤᬤᭀᬲ᭄ᬧᬗᭂᬫ᭄ᬩᬦ᭄ᬚᬕᬢ᭄᭟᭑᭒᭟ᬧᬲ᭄ᬯᬾᬘ᭄ᬙᬵ
[᭑᭙᭑ 191A]
ᬓᬳ᭄ᬬᬸᬦ᭄ᬪᬝᬭ᭞ᬓᬵᬮᬳᬶᬤᬓᬢᬗ᭄ᬓᬶᬮᬶᬦ᭄᭞ᬗᬃᬥᬶᬳᬶᬤᬮᬮᬶᬗᬗ᭄ᬲᬾᬦᬦ᭄᭞ᬚᬤ᭄ᬫᬭᬕᬦ᭄ᬳᬶᬤᬚᬵᬢᬶ᭞ᬓᬾᬱᬭᬶᬫᬸᬗ᭄ᬕ᭄ᬯᬶᬂᬧ᭄ᬭᬭᬳᬶ᭞ᬓᬪᬷᬦᬯᬳᬶᬓᬂ
ᬓᬸᬓᬸ᭞ᬜᬜᬧ᭄ᬜᬦᬾᬓᬤᬶᬩᬚ᭄ᬭ᭞ᬮᬮᬶᬗ᭄ᬲᬾᬦ᭄ᬳᬶᬤᬦᬾᬰᬓ᭄ᬢᬶ᭞ᬫᬚ᭠ᬚᬸᬮᬸᬓ᭄᭞ᬦᬵᬭᬲᬶᬗ᭄ᬳᬓᬲᬸᬩ᭄ᬭᬶᬂᬭᬵᬢ᭄᭟᭑᭓᭟ᬓᬮᭀᬓ᭄ᬢᬄᬳᬶᬤᬭᬶᬂᬚᬕ᭠
ᬢ᭄᭞ᬫᬵᬥᭂᬫᬂᬳᬶᬤᬿᬢ᭄ᬬᬰᬓ᭄ᬢᬶ᭞ᬳᬶᬭᬡ᭄ᬬᬓᬲᬶᬧᬸᬄᬦᬵᬫ᭞ᬓᬲᬶᬩᬓ᭄ᬢᬗ᭄ᬓᬄᬦᬾᬯ᭄ᬬᬓ᭄ᬢᬶ᭞ᬳᬯᬓ᭄ᬦᬾᬯᬮᬸᬬᬩᭂᬲᬶ᭞ᬓ᭄ᬭᬡᬓᬢᭀᬲ᭄ᬦᬾᬓᬮᬗ᭄ᬓᬸᬂ᭞ᬦᬵ
ᬗ᭄ᬳᬶᬂᬚᬦᬶᬢᬦ᭄ᬧᬲᬭ᭞ᬓᬓᭂᬘᭂᬓ᭄ᬳᬶᬤᬿᬢ᭄ᬬᬫᬗ᭄ᬓᬶᬦ᭄᭞ᬳᬦ᭄ᬢᬸᬓ᭄ᬓᬸᬓᬸ᭞ᬳᬗ᭄ᬕᬾᬦ᭄ᬳᬶᬤᬫᬫᬵᬥᭂᬫᬂ᭟᭑᭔᭟ᬦᬄᬳᭂᬦ᭄ᬢᭀᬦᬾᬫᬯᬶᬰᬾᬱ᭞ᬳᬦᬾᬫᬮᬸ
Kaca:Bali-lontar-paparikan-ramayana-350ppi.pdf/191
Kaca puniki sampun kauji-wacén
