[᭑᭗᭗ 177B]
᭑᭗᭗
ᬦ᭄ᬧᬢᬦ᭄ᬤᬶᬂ᭞ᬓᭂᬧᭂᬮ᭄ᬓᭂᬧᭂᬮ᭄ᬢᬸᬮ᭄ᬬ᭞ᬢᬦ᭄ᬜᬦ᭄ᬤᬂᬳᬶᬧᬸᬦ᭄ᬩᬯᭀᬲᬂ᭞ᬢᬦ᭄ᬜᬦ᭄ᬤᬂᬳᬶᬧᬸᬦ᭄ᬦᬬᬳᬶᬦ᭄᭞ᬳᬶᬗ᭄ᬕ᭄ᬬᬦ᭄ᬧᬭᬸᬫᬂᬬᬾᬦ᭄ᬧᬤᬾᬭᬯᬸᬄᬫᬭᬶᬓᬶ᭟᭑᭖᭟ᬕᬸᬦᬸᬂᬓᬾ
ᬮᬰᬲᬦᬾᬭᬶᬬᬶᬦ᭄ᬓᬳᭀᬬᬕ᭄᭞ᬤᬗᬦ᭄ᬳᬦ᭄ᬢᬸᬓ᭄ᬲᬂᬪᬸᬧᬢᬶ᭞ᬓᬢᬫ᭄ᬧᬩᬵᬦ᭄ᬢᬗᬦ᭄᭞ᬤ᭄ᬬᬲ᭄ᬢᬸᬦ᭄ᬳᬶᬤᬲᬂᬳ᭄ᬬᬂᬰᬶᬯ᭞ᬓᬲᬋᬗᬶᬦ᭄ᬭᬶᬂᬳᬶᬭᬩᬶ᭞ᬭᬶᬓᬫᬕᭂᬦᬄ᭞
ᬭᬶᬂᬧᬸᬘᬓᬶᬂᬕᬸᬦᬸᬂᬢᬸᬯᬶ᭟᭑᭗᭟ᬲᬵᬫ᭄ᬧᬸᬦᬂᬩᬯᭀᬲᬗᬰᬓ᭄ᬢᬶᬦ᭄ᬲᬂᬦᬵᬣ᭞ᬧ᭄ᬭᬚᬸᬭᬶᬢ᭄ᬭᬓ᭄ᬱᬲᬵᬤᭂᬫᬶᬢ᭄᭞ᬧᬸᬦᬶᬓᬦ᭄ᬤᬶᬓᬬᬂ᭞ᬕᬸᬫᬶᬲᬶᬥᬓᬓᬶ᭠
ᬲᬶᬤᬂ᭞ᬫᬕᭂᬦᬄᬭᬶᬤᬸᬳᬸᬃᬯ᭄ᬬᬓ᭄ᬢᬶ᭞ᬲ᭄ᬯᬃᬕᬧᬸᬦᬶᬓ᭞ᬕᭂᬦᬳᬂᬭᬶᬂᬲᭀᬃᬧ᭄ᬭ᭠ᬣᬶᬯᬶ᭟᭑᭘᭟ᬳᬸᬢᬸᬲᬦ᭄ᬳᬶᬭᬵᬫᬢᭀᬩᭀᬚᭀᬕ᭄ᬳᬥᬫ᭞ᬳᬶᬦ᭄ᬤᬶᬓ᭄ᬳᬶᬧᬸᬦ᭄ᬫᬦᬸᬜ᭄ᬚᭂ
[᭑᭗᭘ 178A]
ᬕᬶᬦᬤ
ᬮᬶᬦ᭄᭞ᬢᬦ᭄ᬚᬫᬯᬶᬰᬾᬱ᭞ᬓᬮᬄᬦᬾᬳ᭄ᬬᬳᬶᬭᬵᬓ᭄ᬱᬲ᭞ᬫᬸᬮᬳᬦᬓᬾᬦᬾᬰᬓ᭄ᬢᬶ᭞ᬬᬾᬦ᭄ᬮᬶᬬᬸᬦ᭄ᬳᬫ᭄ᬧᬄ᭞ᬳᬫ᭄ᬧᬳᬾᬗᬭᬡᬬᬂᬰᬓ᭄ᬢᬶ᭟᭑
᭙᭟ᬫᬓᬵᬯᬶᬦᬦ᭄ᬧᬸᬦᬶᬓᬳᬶᬦᬵᬬᬯ᭄ᬬᬃᬣ᭞ᬳᬶᬗ᭄ᬕ᭄ᬬᬦ᭄ᬚᬕᬫᬗᬃᬥᬶ᭠ᬦᬶᬦ᭄᭞ᬫᬗ᭄ᬤᬫᬧᬭᬸᬫᬦ᭄᭞ᬢᬦ᭄ᬚᬗᬤᬓᬂᬧᬸᬦᬧ᭞ᬤᭀᬦᬶᬂᬲᬦᬾᬰᬓ᭄ᬢᬶ᭠
ᬭᬶᬬᬶᬦ᭄᭞ᬫᬓᭂᬚᬂᬓᬮᬄ᭞ᬳᬶᬭᬵᬫᬲᬸᬗ᭄ᬓᬦᬂᬫᬗ᭄ᬓᬶᬦ᭄᭟᭒᭐᭟ᬲᬧᬸᬦᬶᬓᬳᬢᬹᬃᬧ᭄ᬭᬚᬸᬭᬶᬢ᭄ᬭᬵᬓ᭄ᬱᬲ᭞ᬫᬤᬲᬃᬅᬗ᭄ᬓᬭᬯ᭄ᬬᬓ᭄ᬢᬶ᭞ᬫᬦᬄᬜᬦᬾᬳᬾ
ᬕᬃ᭞ᬫᬗ᭄ᬓᬶᬦ᭄ᬦᬶᬫ᭄ᬩᬮ᭄ᬲᬂᬕᬸᬡᬯᬵᬦ᭄᭞ᬲᬓᬶᬂᬓᬳ᭄ᬬᬸᬦ᭄ᬳᬶᬤᬪᬓ᭄ᬢᬶ᭞ᬧ᭄ᬭᬡ᭠ᬫ᭄ᬬᬧᬶᬲᬦ᭄᭞ᬧᬸᬄᬕᬶᬦᬵᬤᬗ᭄ᬕᬾᬦ᭄ᬜᬯᬸᬭᬶᬦ᭄᭟᭒᭑᭟ᬕᬶᬦᬤ᭟
Kaca:Bali-lontar-paparikan-ramayana-350ppi.pdf/178
Kaca puniki sampun kauji-wacén
