Kaca:Bali-lontar-paparikan-ramayana-350ppi.pdf/170

Saking Wikisource
Kaca puniki sampun kauji-wacén

[᭑᭖᭙ 169B]
᭑᭖᭙
ᬗ᭄ᬓᬸᬂᬧᬶᬲᬦ᭄ᬭᬱᬶᬓ᭞ᬢᬦ᭄ᬤᬦᬾᬓᬾᬗ᭄ᬕᬸᬄᬭᬶᬂᬳᬢᬶ᭞ᬢᬍᬃᬢᬦ᭄ᬤᬦᬾᬳᬚᭂᬭᬶᬄ᭞ᬳᬶᬦ᭄ᬤᬶᬓ᭄ᬲᬗᬦᭀᬫᬦ᭄ᬫᬢᬹᬃ᭞ᬭᬯᭀᬲ᭄ᬤᬦᬾᬲᭂᬧᭂᬢ᭄ᬩᬦ᭄ᬩᬦ᭄᭞ᬭᬶᬗᬋᬧ᭄ᬩᬮᬭᬵ
ᬓ᭄ᬱᬲᬶ᭞ᬲᭂᬓ᭄ᬱᭂᬓ᭄ᬧᭂᬦᬸᬄ᭞ᬧᬭᬫᬦ᭄ᬢ᭄ᬭᬶᬩᬳᬸᬥᬦ᭄ᬥ᭟᭓᭟ᬩᭂᬦ᭄ᬤᬸᬳᬶᬤᬲᬂᬭᬵᬯᬡ᭞ᬭᬭᬶᬲ᭄ᬚᬸᬫᭂᬍᬕ᭄‌ᬤᬶᬕᭂᬮᬶᬲ᭄᭞ᬓᬢᬸᬤᬶᬂᬧᬯᬦᬲᬸᬢ᭞ᬳᬦ᭄ᬢᬸᬓ᭄ᬢ
ᬗᬦ᭄ᬓᬾᬩᬾᬢ᭄‌ᬯ᭄ᬬᬓ᭄ᬢᬶ᭞ᬗᬭᬋᬗᬸᬢ᭄ᬫᬗᬺᬲᬺᬲᬶᬦ᭄᭞ᬧ᭄ᬭᬭᬳᬶᬦᬾᬩᬭᬓ᭄ᬫᬸᬭᬸᬩ᭄᭞ᬘᬘᬶᬗᬓ᭄ᬳᬶᬤᬤᬸᬫᬶᬮᬄ᭞ᬫᬸᬭᬶᬭᬓ᭄‌ᬢᬸᬃᬫᬦᬶᬂᬦᭂᬮᬶᬓ᭄᭞ᬲᬳᬲ
ᬯᬸᬃ᭞ᬩᬗ᭄ᬕ᭄ᬭᬲ᭄ᬕᬮᬓ᭄‌ᬲ᭄ᬯᬭᬦ᭄ᬳᬶ᭟᭔᭟ᬳᬸᬤᬸᬄᬳᬶᬩᬩᭀᬚᭀᬕ᭄ᬳᬧ᭞ᬓᬮᬶᬯᬢ᭄ᬮᭂᬢᬸᬄᬲᬸᬚᬵᬢᬶ᭞ᬢᬸᬭᬶᬂᬫᭂᬮᬶᬮᬶᬸᬤ᭄ᬧᭂᬢᬦ᭄ᬳᬶᬩ᭞ᬘᬭᬳᬶᬩᬫᬦᬗ᭄ᬢᬗᬶ᭠
[᭑᭗᭐ 170A]
ᬦ᭄᭞ᬚᬜ᭄ᬚᬦ᭄ᬧᭂᬢᬦ᭄ᬳᬶᬩᬯᬾᬘᬶ᭞ᬢᭂᬕᬸᬮ᭄ᬳᬶᬬᬧᬳᬢᭂᬕᬸᬄ᭞ᬳᬶᬓᬸᬢ᭄ᬦᬾᬜ᭄ᬚᬸᬢᬶᬦ᭄ᬮᬯᬸᬢᬂ᭞ᬩ᭄ᬯᬢᬂᬳᬯᬓ᭄ᬦᬾᬲᬓᬶᬢᬶᬦ᭄᭞ᬓᭂᬦᭂᬄᬳᬶᬧᬸᬦ᭄᭞ᬕᬳᬾᬳᬦᬂᬳᬧᬂᬲ
ᬭᬦ᭄ᬢ᭟᭕᭟ᬧᬸᬧᬸᬢ᭄ᬳᬶᬤᬫᬗᬦ᭄ᬤᬶᬓ᭞ᬚᬸᬫᭂᬍᬕ᭄ᬧᬸᬦᬶᬓᬲᬫᬶ᭞ᬲᬓᬜ᭄ᬘᬦ᭄ᬯᬢᭂᬓ᭄ᬭᬓ᭄ᬱᬲ᭞ᬯᬾᬦ᭄ᬢᭂᬦ᭄ᬫᬓ᭄ᬢᬮᬮᬂᬗᬓᬶᬂ᭞ᬓᬳᬗ᭄ᬕᬾᬦ᭄ᬫᬫᬸᬗ᭄ᬓᬸᬲ᭄‌ᬯ᭄ᬬᬓ᭄ᬢᬶ᭞ᬳᬶ
ᬓᬸᬢ᭄ᬤᬦᬾᬧᬸᬢ᭄ᬭᬩᬬᬸ᭞ᬓᬓᬧᬸᬢ᭄ᬳᬦ᭄ᬢᬸᬓ᭄‌ᬤᬮ᭄ᬯᬂ᭞ᬓᬱ᭄ᬬᬭᬮᬦ᭄ᬳᬲᬶ᭠ᬢᬶᬧᬶᬲ᭄᭞ᬳᬾᬮᬄᬧᬸᬯᬸᬦ᭄᭞ᬢᬸᬃᬩᭂᬤ᭄ᬩᭂᬤ᭄‌ᬓᬢᭂᬓᭂᬓᬂ᭟᭖᭟ᬓ᭄ᬭᬫᬳᬸᬯᬸ
ᬢ᭄ᬳᬶᬦᬧᬸᬲᬦ᭄᭞ᬧ᭄ᬭᬤᬾᬦᬾᬭᬭᬶᬲ᭄ᬓᬲ᭄ᬬᬫᬶᬦ᭄᭞ᬳᬦ᭄ᬢᬸᬓ᭄ᬢᬾᬮᬫᬶᬯᬄᬫᬶᬜᬓ᭄᭞ᬢᭂᬓᬧᬥᬗᬩᬳᬧᬶ᭞ᬳᬸᬫᬲᭃᬲᭂᬓ᭄ᬱᭂᬓ᭄‌ᬗᭂᬫ᭄ᬩᬮᬶ᭞ᬧᬥᬜᬓᬶᬢᬶ᭠