Kaca puniki sampun kauji-wacén
[᭑᭕᭕ 155B]
᭑᭕᭕
ᬦᬶᬂᬲᬗᬦᬹᬫᬦ᭄᭞ᬫᬭᬶᬓᬶᬘᭂᬦᬶᬂᬧᬳᭂᬓᬶᬦ᭄᭞ᬫᬦᬄᬫᬾᬫᬾᬍᬕᬧᭂᬲᬦ᭄ᬦᬶᬸ᭞ᬫᬓ᭄ᬭᬡᬘᭂᬦᬶᬂᬓᬳᬸᬢᬸᬲ᭄᭞ᬘᬸᬥᬫᬡᬶᬓ᭄ᬓᬸᬢᬾᬦᬾᬦ᭄᭞ᬪᬓ᭄ᬢ
ᬘᭂᬦᬶᬂ᭞ᬳᬢᬹᬭᬂᬭᬶᬂᬲᬂᬭᬵᬖᬯ᭟᭑᭟ᬩ᭄ᬯᬶᬦᬮᬾᬦ᭄ᬦᬾᬫᬲᬶᬄᬳᬤ᭞ᬦᬶᬓᬶᬲᬸᬭᬢ᭄ᬫᬾᬫᬾᬫᬮᬶᬄ᭞ᬘᬶᬭᬶᬦ᭄ᬫᬾᬫᬾᬲᭂᬤᬶᬄᬭᬶᬫᬂ᭞ᬲᬧᬸᬦᬶᬓᬪᬓ᭄ᬢᬳᬶ
ᬓᬸ᭞ᬢᬍᬃᬫᬲᬶᬄᬓᬳᬢᬹᬭᬂᬫᬓᬲᬫᬶ᭞ᬭᬶᬂᬳᬶᬤᬲᬂᬭᬵᬫᬤᬾᬯ᭟᭒᭟ᬲᬫᬮᬶᬄᬳᬢᬹᬭᬶᬦ᭄ᬳᬶᬤ᭞ᬧᬫᬸᬗᬸᬳᬲᬧᬸᬦᬶᬓᬶ᭞ᬫᬫᬗᬦ᭄ᬫᬶᬯᬄᬳᬢᬭ᭄ᬯ᭞ᬫ
ᬗ᭄ᬤᬲᬵᬫ᭄ᬧᬸᬦ᭄ᬳᬶᬤᬫᬵᬓᬸᬂ᭞ᬢᬦ᭄ᬯᬾᬦ᭄ᬢᭂᬦ᭄ᬮᬾᬤᬂᬲᬂᬭᬶᬫᬂ᭞ᬫᬾᬫᬾᬳᬸᬦᬶᬂ᭞ᬭᬶᬓᬩᬹᬢᬦᬾᬧᬸᬦᬶᬓ᭟᭓᭟ᬲᬧᬸᬦᬶᬓᬫᬯᬘᬦ᭞ᬳᬶᬤᬤᬾᬯᬶᬲᬶᬢᬫᬗ᭄ᬓᬶ
[᭑᭕᭖ 156A]
ᬦ᭄᭞ᬢᬦ᭄ᬲᬸᬫᭂᬮᬂᬓᬳ᭄ᬬᬸᬦ᭄ᬳᬶᬤ᭞ᬫᬜᬶᬗᬓ᭄ᬩᬸᬗ᭄ᬓᬸᬂᬧᬸᬦᬶᬓᬸ᭞ᬤ᭄ᬭᬸᬯᬾᬦ᭄ᬳᬶᬤᬲᬂᬭᬵᬫ᭞ᬲᬵᬳᬫᬗ᭄ᬓᬶᬦ᭄᭞ᬫᬯᬶᬦᬦ᭄ᬳᬶᬤᬫᬗᭂᬕ᭟᭔᭟ᬲᬗᬦᬹᬫᬵᬦ᭄
ᬫᬦᭂᬲᭂᬓᬂ᭞ᬘᬸᬥᬫᬡᬶᬓᬾᬦᬾᬫᬗ᭄ᬓᬶᬦ᭄᭞ᬲᬵᬫ᭄ᬧᬸᬦ᭄ᬧᬸᬦᬶᬓᬓᬢᬸᬦᬲ᭄᭞ᬫᬗᭂᬜ᭄ᬚᬮᬶᬦᬾᬲᬵᬫ᭄ᬧᬸᬦ᭄᭞ᬲᬳᬫᬤᬸᬮᬸᬭᬦ᭄ᬲᭂᬫ᭄ᬩᬄ᭞ᬦᬸᬮᬶ
ᬫᬗ᭄ᬓᬶᬦ᭄᭞ᬫᬢᬗᬶᬤᬦᬾᬫᬫᬃᬕ᭟᭕᭟ᬓᬳ᭄ᬬᬸᬦ᭄ᬤᬦᬾᬍᬕᬧᬶᬲᬦ᭄᭞ᬲᬵᬦ᭄ᬢᬸᬓᬦ᭄ᬲᬵᬫ᭄ᬧᬸᬦ᭄ᬫᬧᬗ᭄ᬕᬶᬄ᭞ᬫᬭᬶᬂᬳᬶᬤᬤᬾᬯᬷᬲᬶᬢ᭞ᬗᭂᬚᭀᬤᬦᬾ
ᬫᬗ᭄ᬓᬶᬦ᭄ᬲᬵᬫ᭄ᬧᬸᬦ᭄᭞ᬇᬭᬶᬓᬫᬫᬦᬄᬫᬦᬄ᭞ᬫᬓᬳ᭄ᬬᬸᬦᬶᬦ᭄᭞ᬢᬦ᭄ᬧᬧᭂᬕᬢᬦ᭄ᬧᬸᬦᬶᬓ᭟᭖᭟ᬓᬾᬦᬾᬓ᭄ᬭᬡᬓᬳᬚᬸᬫᬂ᭞ᬳᬤ
