[᭑᭔᭙ 149B]
᭑᭔᭙
ᬓᬸᬫᬫ᭄ᬩᬂ
ᬧᬸᬦᬶᬓ᭞ᬫᬦᭂᬤᬸᬦᬂᬯᬵᬦᬭᬓᬜ᭄ᬘᬦ᭄ᬳᬶᬧᬸᬦ᭄᭞ᬭᬶᬂᬲᬶᬲᬶᬦ᭄ᬧᬲᬶᬄᬧᬸᬦᬶᬓ᭞ᬳᬶᬭᬶᬓᬧᬥᬓᬳᬸᬗ᭄ᬲᬶ᭟᭑᭐᭟ᬲᬭᬯᬸᬄᬜᬦᬾᬫᬭᬵᬃᬬ᭄ᬬᬦ᭄᭞ᬳᬶ
ᬧᬸᬦ᭄ᬲᬫᬶ᭞ᬇᬭᬶᬓᬧᬥᬫᬩᬮᬶᬄ᭞ᬯᬾᬦ᭄ᬢᭂᬦ᭄ᬳᬸᬤᬂᬫᬮᬶᬄᬧᬓᬸᬂ᭞ᬭᬶᬂᬧ᭠ᬭᬗᬦ᭄ᬳᬓ᭄ᬭᬫ᭄ᬓᬫ᭄᭞ᬯᬾᬦ᭄ᬢᭂᬦ᭄ᬳᬸᬮᬫ᭄᭞ᬳᬶᬩᭀᬚᭀᬕ᭄ᬫᬓᭂᬘᭀᬲ᭄ᬤᬶᬢᬸ᭞ᬓᭂᬤᬾᬓ᭄ᬳᭂᬗ᭄ᬓᭂᬮ᭄ᬳᬶᬯᬵᬦᬭ᭞ᬳᭀᬮᬶᬄᬲᬳᬦᬦᬶᬂᬇᬦ᭄ᬤᬶᬓ᭄᭟᭑᭑᭚᭐ᬫᬵᬲ᭄ᬓᬸᬫᬫ᭄ᬩᬂ᭚ᬦᬸᬚᬸᬩᭂᬗᭀᬂᬳᬶᬯᬵᬦᬭᬧ᭄ᬭᬚᬸᬭᬶᬢ᭄᭞ᬫᬗᬦ᭄ᬢᭂᬦᬶᬦ᭄ᬳᬸᬮᬫ᭄
ᬲᬂᬗᬤᬫᬓᭀᬦ᭄ᬫᬫᬃᬕᬶ᭞ᬭᬭᬶᬲ᭄ᬗᬤᭂᬕ᭄ᬲᬂᬅᬦᬹᬫᬵᬦ᭄᭟᭑᭟ᬫᬵᬧᬵᬦ᭄ᬤᬦᬾᬳ᭄ᬬᬦᭀᬫᬦ᭄ᬫᬸᬓ᭄ᬬᬓᭀᬚᬭᬶᬦ᭄᭞ᬧᬸᬦᬶᬓᬫᬦᬢᬲ᭄᭞ᬫᬗᬤᭂᬕ᭄ᬭ
[᭑᭕᭐ 150A]
ᬲ᭄ᬫᬭᬦ᭄ᬤᬦ
ᬭᬶᬲ᭄ᬫᬫᬃᬕ᭄ᬕᬶ᭞ᬓᬭᬶᬲᬫᬶᬳᬶᬩᭀᬚᭀᬕ᭄ᬮᬶᬬᬦ᭄᭟᭒᭟᭚ᬲ᭄ᬫᬭᬦ᭄ᬤᬦ᭚ᬳᬶᬤᬾᬯᬪᬝᬭᬳᬶᬗᬦ᭄᭞ᬫᬗ᭄ᬤᬗᭀᬮᬲᬶᬦ᭄ᬰᬭᬡᬫᬗᬶᬘᬾᬦᬶᬦ᭄ᬭᬶᬂᬚᬤ᭄ᬫ
ᬦᬾ᭞ᬲᬦᬾᬫᬫ᭄ᬯᬢᬂᬓᬧᬶᬯᭀᬮᬲ᭄᭞ᬲᬂᬭᬵᬖᬯᬭᬶᬂᬧᬢᬧᬦ᭄᭞᭠ᬢᬸᬢᬸᬭᬂᬧᬸᬦᬶᬓᬶᬳᬓᬸ᭞ᬭᬶᬂᬳᬶᬭᬵᬓ᭄ᬱᬲᬓᬚᬭᬄ᭟᭑᭟ᬪᬓ᭄ᬢᬶᬤᭂᬫᭂᬦ᭄ᬫᬶᬯᬄ
ᬲᭂᬤᬶᬄ᭞ᬧᬸᬦᬶᬓᬤᬾᬯᬭᬯᬸᬳᬂ᭞ᬲᬫᬮᬶᬄᬲᭂᬗ᭄ᬲᬭᬦ᭄ᬢ᭄ᬬᬗᬾ᭞ᬢᬦ᭄ᬧᬢᬦ᭄ᬤᬶᬗᬦ᭄ᬧᬸᬦᬶᬓ᭞ᬲᬶᬦᬄᬧᬵᬥᭂᬫ᭄ᬚᭀᬄᬭᬶᬂᬳᬶᬤ᭞ᬲᬧᬸᬦᬶᬓᬳᬢᬹᬭᬂᬫᬸ᭞ᬭᬶᬂᬳᬶᬤ
ᬲᬂᬳᬲᬶᬄᬧᬲᬄ᭟᭒᭟ᬲᭂᬤᬶᬄᬫᬦᬳᬾᬢᬦ᭄ᬲᬶᬧᬶ᭞ᬭᬶᬂᬳᬶᬤᬧ᭄ᬭᬪᬸᬚᬦᬓ᭞ᬫᬩ᭄ᬯᬢ᭄ᬲᬸᬪᬓ᭄ᬢᬶᬦ᭄ᬢᬶᬢ᭄ᬬᬗᬾ᭞ᬧᬸᬦᬶᬓᬤᬾᬯᬭᬯᬸᬳᬂ᭞ᬳᬸᬚᬭᬂᬢᬶᬢ᭄ᬬᬂ
Kaca:Bali-lontar-paparikan-ramayana-350ppi.pdf/150
Kaca puniki sampun kauji-wacén
