[᭑᭓᭙ 139B]
᭑᭓᭙
ᬓᬶᬂᬓᬦ᭄ᬤᬶᬓᬳᬶᬦ᭄᭞ᬳᬦ᭄ᬢᬸᬓ᭄ᬳᬶᬤᬲᬂᬭᬵᬖᬯ᭞ᬓᬘ᭄ᬭᬶᬢᬲᬦᬾᬫᬮᬓᬸ᭞ᬲᬓᬜ᭄ᬘᬦ᭄ᬲᬦᬾᬗᬚᬦᬂ᭞ᬓᬮᬶᬗ᭄ᬲᬶᬭᬶᬦ᭄᭞ᬳᬦ᭄ᬢᬸᬓ᭄ᬤᬦᬾᬲᬂᬅᬦᬹᬫᬵ᭠
ᬦ᭄᭟᭑᭟ᬢᬸᬫᬸᬮᬶᬭᬶᬲᬵᬫ᭄ᬧᬸᬦ᭄ᬧ᭄ᬭᬧ᭄ᬢᬵ᭞ᬳᬶᬯᬵᬦᬭᬫ᭄ᬯᬄᬧ᭄ᬭᬚᬸᬭᬶᬢ᭄᭞ᬭᬶᬂᬕᬸᬦᬸᬂᬯᬶᬦ᭄ᬤ᭄ᬬᬧᬸᬦᬶᬓ᭞ᬕᬸᬦᬸᬂᬳᬕᭃᬂᬢᬸᬭᬶᬂᬮᬸᬳᬸᬃ᭞ᬫᬘᬦ᭄ᬲᬶᬗ᭄ᬳᬵᬚᭂᬚᭂᬄᬧᬥ᭞᭠
ᬳᬶᬧᬸᬦ᭄ᬲᬫᬶ᭞ᬓᬾᬯᭂᬄᬢᬸᬃᬓᬩ᭄ᬮᬲᬄ᭟᭒᭟ᬢᬸᬂᬢᬸᬗᬶᬂᬕᬸᬦᬸᬂᬧᬸᬦᬶᬓ᭞ᬩᬗᭂᬢ᭄ᬧᭂᬲᬦ᭄ᬫᬗᬺᬲ᭄ᬋᬲᬶᬦ᭄᭞ᬫᬮᬶᬄᬯᬾᬦ᭄ᬢᭂᬦ᭄ᬢᬸᬓᬤ᭄ᬮᬶᬗ᭄ᬕᬄ᭞ᬯᬾᬦ᭄ᬢᭂᬦ᭄ᬭᬾᬚᬾᬂᬯᬾᬦ᭄ᬢᭂ
ᬦ᭄ᬧᬗ᭄ᬓᬸᬂ᭞ᬢᬸᬓᬤ᭄ᬥᬍᬫ᭄ᬓᬪᬶᬦᬯ᭞ᬓᬮᬶᬯᬢᬶᬦ᭄᭞ᬳᭀᬮᬶᬄᬳᬶᬯᬵᬦ᭠ᬭᬩᬮ᭟᭓᭟ᬧᬥᬕᬸᬫᬸᬭᬸᬄᬭᬶᬗ᭄ᬳᬮᬲ᭄᭞ᬧᬓᬭᭀᬲᭀᬓ᭄ᬳᬶᬧᬸᬦ᭄ᬲᬫᬶ᭞ᬧ
[᭑᭔᭐ 140A]
ᬬᬤᬶᬢᬸᬫᬲᬸᬲᬸᬧᬦ᭄᭞ᬘᬾᬮᬾᬂᬓᬶᬤᬂᬲᬶᬗ᭄ᬳᬢᬸᬳᬸ᭞ᬳᬶᬧᬸᬦ᭄ᬲᬫᬶᬓᬳᭂ᭠ᬫ᭄ᬧᭂᬗᬦ᭄᭞ᬓᬧᬢᬸᬮᬶ᭞ᬲᬫᬶᬧᬥᬧᬮᬬ᭄ᬯ᭟᭔᭟ᬓᬩᬢᭂᬩᬵᬦ᭄ᬩᭂᬢ᭄ᬳᬶᬳᬮᬲ᭄
᭞ᬦᬧᬶᬫᬮᬶᬄᬢᬶᬸᬯᬶᬦ᭄ᬤ᭄ᬬᬕᬶᬭᬶ᭞ᬩᬗᭂᬢ᭄ᬳᬦ᭄ᬢᬸᬓ᭄ᬢᭂᬕᭂᬄᬧᬶᬲᬦ᭄᭞ᬳᬶᬯᬦᬭᬧᬥᬍᬲᬸ᭞ᬲᬫᬶᬫᬦᭀᬳᭀᬲ᭄ᬳᬗ᭄ᬓ᭄ᬬᬦ᭄ᬜ᭞ᬲᬂᬳ᭄ᬬᬂᬭᬯᬶ᭞ᬫᬗᭂᬦ᭄ᬢᬾᬭᬶ᭠
ᬦ᭄ᬓᭂᬩᬸᬲ᭄ᬗᭂᬦ᭄ᬢᬓ᭄᭟᭕᭟ᬓᬧᬶᬩᬮᬓᬲᬓᬶᬢᬦ᭄᭞ᬮᬾᬦ᭄ᬦᬳᬦᬂᬲᭂᬤᬸᬓ᭄ᬫᬮᬶᬄ᭞ᬓᭂᬜᭂᬮ᭄ᬩᬵᬦ᭄ᬯᬋᬕ᭄ᬳᬸᬫᬳᬲ᭄᭞ᬓᬩᬢᭂᬓ᭄ᬩᬵᬦ᭄ᬲᬗᭂᬢ᭄ᬲᭂᬤᬸᬓ᭄᭞ᬗ
ᬯᬾᬦᬂᬲᬯᬸᬤ᭄ᬫᬲ᭄ᬯᬭ᭞ᬓᬤᬶᬧᬲᬶᬄ᭞ᬲᬦᬾᬤᭂᬕ᭄ᬟᭂᬕ᭄ᬤᬬᬸᬄᬫᬸᬯᬄ᭟᭠᭖᭟ᬯᬾᬦ᭄ᬢᭂᬦ᭄ᬩᬢᬸᬮᬾᬫ᭄ᬧᬾᬄᬳᬲᬄ᭞ᬢᬭᬸᬦᬾᬲᬦᬾᬗᬾᬫ᭄ᬩᭀᬦᬶᬦ᭄᭞
Kaca:Bali-lontar-paparikan-ramayana-350ppi.pdf/140
Kaca puniki sampun kauji-wacén
