Kaca:Bali-lontar-paparikan-ramayana-350ppi.pdf/134

Saking Wikisource
Kaca puniki sampun kauji-wacén

[᭑᭓᭓ 133B]
᭑᭓᭓
᭞ᬤᬾᬯᬷᬲᬶᬢᬓᬓᬳ᭄ᬬᬸᬦᬶᬦ᭄᭞ᬢᬦ᭄ᬫᬭᬶᬫᬦᬳᬾᬲᬸᬗ᭄ᬲᬸᬢ᭄᭞ᬳᬶᬩᬸᬓ᭄‌ᬧᬮᬶᬂᬭᬲᬧᭂᬚᬄ᭞ᬳᬦ᭄ᬢᬸᬓ᭄ᬢᬸᬓ᭄ᬲᬗ᭄ᬲᬭᬢᬦ᭄ᬲᬶᬧᬶ᭞ᬲᬶᬬᬸᬢᬳᬸᬦ᭄᭞ᬭᬶᬫᬗᬾᬚ
ᬳᬦ᭄ᬭᬲᬬᬂ᭟᭑᭟ᬦᭀᬭᬓᬳᬸᬘᬧ᭄ᬧᬸᬦᬶᬓ᭞ᬲ᭄ᬯᬰᬦᬦ᭄ᬕᬸᬦᬸᬗᬾᬫᬗ᭄ᬓᬶ᭠ᬦ᭄᭞ᬭᬯᬸᬄᬰᬰᬶᬄᬧᬪᬾᬬ᭞ᬩᬺᬲᬶᬄᬫᬮᬶᬮᬂᬭᬶᬂᬮᬗᬶᬢ᭄᭞ᬲᬓᬤᬶᬓᬳ᭄ᬬᬸ᭠
ᬦ᭄ᬲᬂᬫᬸᬦᬶ᭞ᬫᬸᬯᬄᬚᬮᬤᬧᬸᬦᬶᬓᬸ᭞ᬧᬮᬶᬂᬲᬫᬶᬲᬕ᭄ᬲᬕ᭄ᬳᬶᬘᬮ᭄᭞ᬓᬢᭀᬦ᭄ᬯᬾᬦ᭄ᬢᭂᬦ᭄‌ᬳᬗ᭄ᬰᬧᬸᬢᬶᬄ᭞ᬓᬤᬶᬓᬳ᭄ᬬᬸᬦ᭄᭞ᬳᬶᬤᬲᬂᬫᬳᬵᬧᬡ᭄ᬥᬶᬢ᭟᭒᭟
ᬫᬜᬶᬗᬓ᭄ᬳᬶᬤᬲᬂᬭᬵᬫ᭞ᬲᬵᬫ᭄ᬧᬸᬦ᭄ᬩᬶᬦ᭄ᬓᬶᬦᬂᬭᬶᬂᬮᬗᬶᬢ᭄᭞ᬲᬬᬦ᭄ᬲᬬᬦ᭄‌ᬩᬺᬲᬶᬄᬕᬮᬂ᭞ᬘᬶᬗᬓ᭄ᬳᬶᬤᬲᬂᬳ᭄ᬬᬂᬭᬣᬶᬄ᭞ᬩᬸᬦ᭄ᬢᭂᬃᬫᬦᭂᬥᭂᬂᬧᬹᬃᬡᬫᬶ᭞ᬲᬵ᭠
[᭑᭓᭔ 134A]
ᬢ᭄ᬫᬸᬓᬦ᭄ᬭᬩᬶᬦᬾᬤᬶᬢᬸ᭞ᬲᬂᬤ᭄ᬬᬄᬲᬶᬢᬓᬭᬲᬬᬂ᭞ᬓᬧᬫᬸᬗᬸᬳᬶᬤᬕᭂᬮᬶᬲ᭄᭞ᬩᬯᭀᬲ᭄ᬫᭂᬢᬸ᭞ᬗᬦ᭄ᬤᬶᬓᬳᬶᬦ᭄ᬲᬂᬮᬓ᭄ᬱ᭄ᬫᬡᬵ᭟᭓᭟ᬳᬤᬶᬦ᭄ᬩᭂᬮᬶᬲᬂᬮᬵ
ᬓ᭄ᬱ᭄ᬫᬡ᭞ᬘᬶᬗᬓᬶᬦ᭄ᬚᬫᬭᬶᬂᬮᬗᬶᬢ᭄᭞ᬅᬗ᭄ᬰᬍᬕᬬᬫᬗ᭄ᬮᬬᬂ᭞ᬫᬗᬸᬗ᭄ᬲᬶᬢᭂᬮᬕᬚᬵᬢᬶ᭞ᬕᬶᬭᬂᬬᬧᬥᬫᬸᬜᬶ᭞ᬲᬶᬦᬄᬲᬵᬫ᭄ᬧᬸᬦ᭄ᬫᬲᬦ᭄ᬮᬳ᭄ᬭᬸ᭞ᬲᬫ
ᬬᬦᬾᬫᬗ᭄ᬓᬶᬦ᭄ᬢᬶᬩᬵ᭞ᬤᬸᬄᬮᬶᬜᭀᬓ᭄ᬲᬸᬕ᭄ᬭᬶᬯᬓᬧᬶ᭞ᬦᭀᬭᬢᬸᬳᬸ᭞ᬭᬶᬂᬲᬫᬬᬦᭀᬭᬲᬚ᭟᭔᭟ᬧᬵᬢᬹᬢ᭄ᬬᬗᬢᬹᬭᬂᬥᬦᬳᭂᬗ᭄ᬲᬧ᭄‌ᬢᭀᬢᭀᬦ᭠
ᬦ᭄ᬲᬂᬓᬧᬶ᭞ᬢᭂᬓᬾᬦ᭄ᬚᬜ᭄ᬚᬶᬦᬾᬳᬶᬧᬶᬤᬦ᭄᭞ᬓᬮᬶᬯᬢ᭄ᬮᭂᬢᬸᬄᬬᬚᬦᬶᬓ᭄ᬭᬡᬢ᭄ᬯᬭᬢᭂᬓᬫᬳᬶ᭞ᬳᬸᬮ᭄ᬬᬦ᭄ᬓᬮᬮᬾᬦ᭄ᬫᬢᭂᬫᬸ᭞ᬦᭀᬭᬗᬶᬯᬲᬶᬦ᭄