Kaca:Bali-lontar-paparikan-ramayana-350ppi.pdf/129

Saking Wikisource
Kaca puniki sampun kauji-wacén

[᭑᭒᭘ 128B]
᭑᭒᭘
ᬲᬳ᭄ᬬᬂᬲ᭄ᬫᬭᬢᬸᬳᬸ᭞ᬳᬶᬤᬗᬦ᭄ᬢᭂᬦᬶᬦ᭄ᬧᬸᬦᬶᬓ᭞ᬲᬬᬦ᭄ᬫᬭᬸᬢᬸᬕ᭄ᬭᬶᬂᬳᬢᬶ᭞᭟᭖᭟ᬢᬦ᭄ᬓᬘᬶᬩᬓ᭄ᬳᭀᬮᬶᬄᬳᬶᬤ᭞ᬳᬦ᭄ᬢᬸᬓ᭄ᬳᬶᬦ᭄ᬤᬶᬓ᭄᭞ᬳᬶᬤᬲᬂᬳ᭄ᬬᬂᬲᬹᬃᬬ᭄ᬬᬫᬶ
ᬚᬶᬮ᭄᭞ᬲᬵᬦ᭄ᬢᬸᬓᬦ᭄ᬕᬸᬍᬫ᭄ᬧᬸᬦᬶᬓᬸ᭞ᬫᬧᬸᬧᬸᬮ᭄ᬢᭂᬩᭂᬮ᭄ᬭᬶᬕᬡ᭞ᬓᬳ᭄ᬬᬸᬦ᭄ᬳᬶᬤ᭞ᬤᬳᬢ᭄ᬫᬦᭂᬲᬶᬦ᭄ᬫᬗ᭄ᬮᬶᬧᬢ᭄᭞ᬩᬢᭂᬓ᭄ᬳᬦ᭄ᬢᬸᬓ᭄ᬫᭀᬳᬦᬶᬭ᭞ᬲᬳᬦ᭄ᬢᬸᬓᬦ᭄ᬭᬶᬫᬂᬭᬶ
ᬗ᭄ᬳᬢᬶ᭟᭗᭟ᬲᬬᬦ᭄ᬲᬬᬦ᭄ᬳᬶᬤᬭᬶᬫᬂ᭞ᬲᭂᬓᭂᬮ᭄ᬳᬢᬶ᭞ᬗᬦ᭄ᬢᭂᬦᬶᬦ᭄ᬧᬸᬦᬶᬓᬢᬝᬶᬢ᭄᭞ᬫᬓᭂᬤᬾᬧ᭄ᬫᬜᭂᬘᭂᬄᬦᭂᬭᬸᬲ᭄᭞ᬬᬾᬄᬧᬦᭀᬦᬾᬓᬩ᭄ᬭᬩᬲ᭄᭞ᬦᬶ
ᬭᬵᬦ᭄ᬢᬭ᭞ᬲᬬᬦ᭄ᬫᭂᬤᬮ᭄ᬲᬓᬶᬂᬘᬓ᭄ᬱᬸ᭞ᬯᬶᬭᬲᬘᬶᬦᬶᬢ᭄ᬢᬦ᭄ᬳᬶᬤ᭞ᬢᭂ᭠ᬜᬸᬄᬢᬦ᭄ᬫᬭᬶᬳᬸᬫᬶᬮᬶ᭟᭘᭟ᬦᭀᬭᬧᬶᬲᬦ᭄ᬫᬜᬶᬥᬬᬂ᭞ᬫᬗᬫ᭄ᬧᭂᬢᬶᬦ᭄
[᭑᭒᭙ 129A]
ᬫᬯᬰᬦᬳᬶᬤᬦᬗᬶᬲ᭄᭞ᬩᬯᭀᬂᬢᭂᬓᬾᬂᬢᭂᬗ᭄ᬕᭂᬓ᭄ᬮᬶᬜᬸᬓ᭄᭞ᬯᬦ᭄ᬢᬄᬳᬶᬤᬤᬾᬯᬶᬲᬶᬢ᭞ᬫᬭᬶᬂᬫᬦᬄ᭞ᬓᬢᭀᬦᬫᬾᬦᬓᬢᬸᬳᬸ᭞ᬲᬧᬸᬦᬶᬓ
ᬫᬓᬯᬶᬦᬦ᭄᭞ᬢᬗᬶᬲ᭄ᬳᬶᬤᬦᬾᬳᬸᬫᬶᬚᬶᬮ᭄᭟᭙᭟ᬳᬸᬤᬸᬄᬳᬗᬶᬦ᭄‌ᬫᬜᭂᬘᭂᬳᬂ᭞ᬜᬶᬃᬲᬶᬃᬜᬶᬃᬲᬶᬃ᭞ᬓᬚᬓᭂᬮᭀᬤ᭄‌ᬦᭀᬭᬫᬭᬶ᭞ᬫᬶᬬᬶᬓ᭄ᬜᬦᬾᬩᭂ᭠
ᬘᬶᬓ᭄ᬫᬭᬹᬫ᭄᭞ᬳᬶᬲᭂᬓᬃᬫᬯᬯᬰᬶᬢ᭞ᬓᭂᬢᬶᬫᬦ᭄ᬲᬂ᭞ᬫᬫᭂᬓᭂᬓ᭄ᬳᬶᬦ᭄ᬤ᭄ᬭᬓᬸᬓᬸᬄ᭞ᬓᬮᬯᬾᬦ᭄ᬢᭂᬦ᭄ᬫᬭᬶᬂᬳᬮᬲ᭄᭞ᬲᬶᬦᬄᬤᭂᬫᭂᬦ᭄‌ᬳᭀᬮᬶᬄᬇᬦ᭄ᬤᬶᬓ᭄᭟
᭑᭐᭟ᬳᬶᬩᬸᬓᬓᬓᬳ᭄ᬬᬸᬦᬾᬗᬮᬶᬦ᭄ᬢᬂ᭞ᬫᬗᬦ᭄ᬢᭂᬦᬶᬦ᭄᭞ᬧᭂᬢᭂᬂᬤᭂᬤᭂᬢ᭄ᬲᬦᬾᬫᬗ᭄ᬓᬶᬦ᭄᭞ᬧᭂᬢᭂᬦᭀᬭᬕᬮᬂᬢᬸᬳᬸ᭞ᬯᬮᬸᬬᬓᬤᬶᬧᬜ᭄ᬚᬭ᭞ᬤ᭄ᬭᬸᬯᬾ